|
عبدالعزيز الدغيثر يجسد الروح الوطنية بمساندته لنادي الوطن .. ألف مبرووك لكل الهلاليين وعقبال الكاس السلام عليكم ألف ألف ألف مبرووووك لنادي الوطن نادي الهلال على صدارة المجموعة الاسيوية والتأهل للدور الستة عشر .. ويستاهلون الزعماء :clapping: بكل صراحه اعجبني الاستاذ النصراوي الكبير عبدالعزيز الدغيثر حضوره لمباراة الهلال ومساندته له امام باختكور .. عبدالعزيز الدغيثر هاهو يجسد الروح الرياضيه والوطنيه بمساندة الزعيم.. المفترض من جميع الرياضيين السعوديين بكافة ميولهم مساندة اندية الوطن التي تلعب بطولات خارجيه انا متأكد سيخرج علينا بعض المرضى بإتهام عبدالعزيز الدغيثر بأنه هلالي مندس مع ادارة النصر السابقة واقولها بالفم المليان :: للاسف هناك بعض المرضى لايتمنون فوز بعض اندية الوطن بالبطولة الاسيوية سيروا يا أنديه الوطن (الهلال والاتحاد والشباب والاتفاق) وبإذن ستجدون جميع الجماهير الرياضيه السعودية العاقله خلفكم .. قد يستغرب البعض باني نصراوي بينكم ..!! لاننا بزمن كثر فيه إنفلونزا التعصب الرياضي وللاسف هؤلاء المرضى هم من يأججون الوسط الرياضي السعودي وصار من الغريب ان النصراوي يساند الهلال وكذلك الهلالي يساند النصر .. نلتقي على خير :rose: |
يستاهل التقدير أبو سلطان وتمنينا أن يجد مزيدا من التقدير داخل ناديه ولكن ربما أن مرضى أنفلونزا التعصب لم يعجبهم تعقله شكرا لك على تعقلك,, ونتمنى مزيدا من التعقل من جماهير الأندية دائما |
إقتباس:
شفيك خلودي :to: هلا اخوي .. حياك الله بين إخوانك .. و لله الحمد احنا يجمعنا الدين قبل أي شي .. بس بعض الناس طويلة الأغراب .. مدري غريبة الأطوال .. مدري غريبة الأطوار .. اهم شي حولها :bx: شكراً و بالتوفيق للهلال دائماً و أبداً :rose: |
والله ياخوي لو يحصل ما نشوفه ابد هو الي حاس النصر وطلع اسراره والحمدلله جا إبعاده عن طريق الامير سلطان اتمنى يبتعد عن الهلال .. الله يوفقه بعيد عن الهلال |
مبروك التاهل للانديه الاربعه و الف شكر للدغيثر على الوقوف مع الانديه السعوديه |
هلابك ياغالي هلابك يانصراوي شكرا لك على هذه المشاعر الطيبه وشكرا لك على هذه الروح الرياضية ونتمنى ان يعود العالمي لمستواه الحقيقي ليكون في الواجهه مع الكبار ويكون للديربي مذاقه الخاص المعروف نتمنى التوفيق لكم ونتمنى التوفيق للزعماء تحياتي لك ولمشاعرك ولروحك ولابداعك ولتواصلك والحبك للوطن تحياتي ياغالي === |
استغرب من اداراه النصر اللي يقول الحقيقه بينهم ماله مكااان معن رئيسهمم مو متعصب مبين عليه عاقل بس شكله كاااان رئيس اسم ما نشووف غير النائب غريبه اظن ارتاح صاار رئيس الله يهديه ويهدينااااااااااااااااااااااااا ان الدغيثررررررررررر معروووف انه نصراااوي بس قبل ما يكووووون نصراوي هووووووووووو سعووودي واللي يستغررب ما عند سالفه شي طبيعي العاام في الاسيويه ساندونا جمهووور النصررر قبله ما استغربنااا لاانا لو بينا فيه تعصب المفرووض لما نمثل السعوديه نكووووووووووووون واااااااااااااحد وهلابك يانصراوي بينناااا الحمدلله ما نعرف التعصب وكلنااااااااااااااا واحد |
حياااك بين الهلاليين ونتشرف بوجودك والدغيثر كبير مهما كان |
عبدالعزيز الدغيثر ما حضر علشان يدعم الهلال .. و إنما حضر من أجل ابنه سعود الي يشجع الهلال .. فقط .. و طبعا هذا كلامه ..!!! |
ماهي غريبة على بو سلطان وهو انسان نظيف حتى عندما كان معهم..!! ولكن كان يواجه ضغوطات كثيره..!! |
يستاهل التقدير أبو سلطان وتمنينا أن يجد مزيدا من التقدير داخل ناديه ولكن ربما أن مرضى أنفلونزا التعصب لم يعجبهم تعقله شكرا لك على تعقلك,, ونتمنى مزيدا من التعقل من جماهير الأندية دائما |
هلابك مع ان منتداكم كله سب في كل شي هلالي بس نحن الزعماء اخلاقنا اكبر من اي شي وقل لجمهوركم منافستنا في الملعب فقط <<مع ان هذا يزعجهم لانهم دايم ينلزخون :d وقلهم يقول لكم ياسر عسى كوبارياتي في الخوجلي مازعجتكم هههه:d |
وتمنينا أن يجد مزيدا من التقدير داخل ناديه ولكن ربما أن مرضى أنفلونزا التعصب لم يعجبهم تعقله شكرا لك وعلى روحك الرياضيه الرائعه |
اتعجب من مشرفين الموقع يسمحون للنصراويين بالكتابة وحنا مواضيعنا المفيدة للزعيم تروح للتقييم !!!! موضوعك مافيه اي فايده للزعيم !! ياخي كرشوه النصر شر كرشه وجاي يتلزق باعمامه الزعماء <<--- هذا كل مافي السالفة إن فاز الهلال بيتلزق فيهم ويباركلهم .. وان خسر الهلال بيتشمت فيهم ما يشرفنا وجودك يالنصراوي وبالتوفيق لاندية الوطن واللي عالمدرج يتفرج .. يقولون كاس فيصل اقوى من الاسيويه :D |
إقتباس:
هلا فيك اخوي بين اخوانك والله يهدي الجميع |
يامراحب بكل نصراوي .... متزن مثلك ... تشرفنا بوجودك بيننا :) |
هــلا بكـ ولازم تصير سالفة الحين ؟!!!!!!!!!!!!!! ~ |
|
والله الدغيثر لو يفتق من هالمتعصبين هو بخير والف مبرو الصداره ويارب الكاس بيد ابو عبدالعزيز |
سلام عليكم, حضورك في منتدانا هي دليل واضح على رقي ذوقك. شكراً |
هلابك نشكرك على روحك العاليه تجاه نادي يمثل الكره السعوديه خارجياً ، وبإذن الله الزعيم قادر على تحقيق البطوله كل التوفيق لزعيمنا |
مبروك التاهل للانديه الاربعه و الف شكر لكـ وللدغيثر على الوقوف مع الانديه السعوديه |
لفته طيبه من ابوسلطان ولفته طيبه اخرى منك اشكرك |
اهلا بك بين اخوانك الهلالييين وعلى الدغيثر حضر لاجل الوطن ورمى رداء التعصب |
في البدايه حياك الله في بيتك الثاني ثانيا هذا الكلام الي الكل يبغى يسمعه في الداخل نتنافس بس اذا كان في فريق سعودي يلعب من اجل رفع اسم المملكة عاليا فعلى الجميع الوقوف معه قلبا وقالبا وكلنا معاهم سواء الزعيم او النمور او الليوث او فارس الدهناء كلنا معاكم وااله يوفكم اجمعين |
بأمثالك أخي العزيز يتطور التشجيع اكثر وتصفو النفوس اكثر واكثر بكل صراحة اعجبني جدا مافعله الدغيثر بالنهاية كلنا ابناء وطن واحد ولا بارك الله في الرياضة اذا فرقتنا.. |
من اشوف الدغيثر او اسمع اسمع اتذكر الممثل الكويتي مبيريك عموما ما اظن ان الدغيثر جاي يساند الهلال اكيد جاي يساند بختكور |
والله كلام حلوووووووووو وموضوعك حلوووووووو بس اذا كان كلامك صحيح حضرت انت المباراه عشان تساند النادي الي يمثل الوطن مثل ماقلت ؟؟؟ اتمنى من الجماهير السعوديه مسانده كل الانديه السعوديه مثل ما سواء الدغير تحياتي لك .. |
لاتوقع هناك نصراوي متعقل مع احترامي لوجودك بيننا |
يااااااااااا رباه وربي انك ذوق يانصراوي ليت بهالبلاد الاقي تشجيع من كل الانديه مثل هالروح الي تتصف فيها. تقبل مروري |
هلابك يالنصراوي الدغيثر معروف رجل محترم واسمحلي الباقين دلوووووووووووخ وأغبياء |
بالنسبه لك حياك الله اخوي بين إخوانك و الكوره ما تفرقنا بالنسبه للدغيثر أتمنى إن موقفه أتى من قلب صافي بعيدا عن رد الاعتبارات للنصراويين اللي ورى إقالته تحياتي للجميع |
حيياااااااااااااااك اخووي والله يبعد عنا التعصب |
هلابك يالنصراوي ....الدغيثر رجل كبير ....من عائلة محترمة |
مو غريبة منه لأنه أنسان عاقل وحيادي ووطني |
حياك الله يانصراوي بين اخوانك في المنتدى بالنسبة لي انا شخصيا لن اشجع اي فريق غير الهلال سواء داخليا او خارجيا ولو يلعب النصر او الاتحاد مع منتخب اسرائيل ساشجع اسرائيل بكل حماس الوطنية ماتقاس بكورة عشان لاتقولون ماعندك وطنية الوطنية تقاس بكيف تدافع عن وطنك في الخارج وكيف تشرف وطنك وماذا تعمل لتطوير بلدك و كيف تساهم في مساعدة فقراء البلد و حب الوطن ماله اي شغل بمساندة لاعب يلاحق كورة |
حياك يالنصراوي وكثر الله من امثالك والله غريبه هالكلام يطلع من نصراوي اسمح لي بس جمهور النصر جمهور متعصب جدا ويكرهون الهلال اكثر من حبهم للنصر نتمنى ان نرى مواضيع مثل هذي في مختلف المنتديات صحيح هو صعب انهم يتقبلون مشجع نادي منافس لكن للتخفيف من حدة التعصب فينا اللي جردتنا من وطنيتنا للأسف وكل من بيكتب يتحمل :D لأن بيكون فيه جماهير صعب تتقبل اي شي من مشجع منافس :D يعطيك العافيه |
طبعهم هذا طبع النصراوية تفكيرهم سطحي متعصب متبلد وهذا ماهو رأي هلالي بل هو رأي أصدقاء وزملاء بميولات مختلفة فجميع النصراوية الحالمين يغلب عليهم الحسد والحقد والعداوة والكراهية ويتوقع أولئك أن السبب هو إحساسهم بالضعف وأن غيرهم أفضل منهم أما الدغيثر 00 فمرحبا به نصراويا عاقلا متزنا يعترف بالتنافس الشريف رغم أنه كان يتبع النصراوية في طريقتهم التنافسية الحاقدة 00 ومرحبا بكل نصراوي يعترف بأن التنافس (( الشريف )) حدوده الملعب بأخلاق رياضية يحترمها العقلاء |
هلا هلا تفضـل لا أحسن تعال مكــاني.. مشكــلة الهلاليين إن أخلاقهم عــاليه ولا كــان أنكرشت على طول.. والدغيثر ماجاء إلا عشـان ولــده يشجع الهلال بس.. |
عبد العزيز الدغيثر ليت النصراويين مثله انسان فاهم ومشكور على حضوره |
الله يعطيك العافيه ..... يــــــــــــــــــا مرحـــــــــــــــــــــــــبــــــــــــــــــــــــــا بكل نصراوي او اي مشجع كان اللي بعيد عن التعصب ..... الروح الرياضيه اهم من كل شيء ... احنا يربطنا دين و بلد قبل كل شيء .... والدغيثر انسان محترم و الله يوفقه وين ماكان |
اشكركم اخواني على ردودكم المتزنة .. وكذلك اشكركم على ترحيبكم لي .. كنت متوقع تلك الردود العاقله .. وانا اشهد انكم زعماء بأخلاقكم فشكرا لكم ولن تفرقنا باذن الله الكوره مهما كان .. |
يستاهل التقدير أبو سلطان وتمنينا أن يجد مزيدا من التقدير داخل ناديه ولكن ربما أن مرضى أنفلونزا التعصب لم يعجبهم تعقله شكرا لك على تعقلك,, ونتمنى مزيدا من التعقل من جماهير الأندية دائما تقبل مروري |
يستاهل ابو سلطااان موم معنااه انه حضر للمباراة انه هلالي لكنه يجسد الروح الوطنيه كبير ياابو سلطااان |
| الوقت المعتمد في المنتدى بتوقيت جرينتش +3.
الوقت الان » 08:48 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd