|
لا تــفـقد الأمــل ولا تيـــأس .! الـسلام عليكم ورحمه الله وبركاته هلا ومرحبا بالجميع ياعالم ليش الواحد يفقد الأمــل اذا وصــل مــرحله معينه من حياته ويحس ان كل الابواب تتقفل في وجهه سواء كان مالقى وظيفه او ماانقبل بالجامعه ويفكــر في أمـور قد يوصل تفكيره للانتحــار يعني مـافي ايمان بقدر الله ولا ثقه بالنفــس .! انا بقـولكم قـصه رواها لنا واحد يقول : (انا أعرف شخـص تـخرج من المـرحله الثانويه ودخل الجـامعه بتخصص زراعه والحمدلله كان متفوق بدراسته وتخرج من الجامعه وقـام يبحث عن وظــيفه وللأسف مالقى وحاول أكثر من مره ولكن نفس الحكايه مالقى له وظيفه والشاب فقد الأمـل وقعد بالبيت على أمـل ان احد يتصل عـليه بخصوص الوظيفه وصـار يأخذ مــصروف من أبـوه وقعد بالبيت 4 سنوات ولاجدوى مازال على نفس الحـاله ويوم شاف والده ابنه على هالحـال قاله ياولدي توظف اي شيء استقبال او محاسب هرفي او كارفور ولاتقعد بهالحاله لا وظيفه ولا شيء والولد قال لأبـوه انت ترضاها علي اني اشتغل هالشغله رد عـليه الوالد : براحتك ياولدي انا أبي مـصلحتك ومرت الأيام والوالد يصرف على ابنه والابن خـلاص مرره فقد الامل بكـل شيء ويوم أبوه شاف ولده وصل الى مراحل خــطيره قاله أبـوه : شف ياولدي انا بدعمك بـ 50 الف ريال ومن عمانك 50 الف يعني 100 الف ريال والولد وافق وباع سيارته حتى يكون مبلغ زين يخدمه وجمعله 150 الف ريال وفتحله مــشروع وجـاب عـمال وقـام يشتغل بمشروعه ولكن للأســف مانجح المشروع وجاء موعد الاجار للمكان والعمال يبغون رواتبهم وللأســف ماعنده فـلوس يسدد اللي عـليه وقـام بـاع محله وسدد لهذا وسدد لهذاك والولد ماله وجه يرجع لأبـوه بعد اللي صـار ولكن بعد ماضاق عــليه الحـال رجع لبيته عند أبـوه وصـار مـره ثانيه الوالد يصرف على ابنه ومرت الأيــام حتى توفي الوالد .! والولد الحين ماعنده احد يصرف عليه أبـوه خـلاص توفي واخوانه ساعدوه باللي يقدرون عليه حتى شعر الولد خـلاص كل الابواب تقفلت بوجهه وفكــر جدياا بالانتحار ..! وأخـو الشاب كان موضف بشركه كبيره وراتب ممتاز يـوم شـاف أخـوه انه فـعلاا خلاص يبي ينتحر جاء عنده وقاله: شف انا عندي شيء وحيد ممكن افيدك فـيه وهو الشـركه اللي أنـا اتوضف فـيها تبي موظفين بس شرط الانجــليزي ويتجاوز اختبار التوفل والشاب عنده لغه انجليزيه ممتازه ودخل الاختبار وحاول يحل طلع كل اللي يعرفه والحمدلله نــجح وقبل بالشركه وصار يشتغل بجد واجتهاد حتى أعجــب فــيه صاحب الشركه وتم ترقيته الى مدير وراتب مميز والحمدلله توفق بوظيفته ) وأخــيرا لاتيـــأس مع الحــياه ولاتفقد الأمـــل أخـوكم عبدالله :rose: |
قصة جميله تشكر عليها والشخص المؤمن اللي ايمانه قوي مايفقد الثقه والامل بسهوله عكس ضعيف الايمان تلقاه يفقد الامل بالمواقف وتحصله بس يفكر من غير الهواجيش والهموم اللي على راسه ! مثال جميل اخي على الصبر والحمد لله .. الله يعطيك العافيه |
إقتباس:
صدقت المؤمن القوي مايفقد الامل عكس الضعيف نسأل الله الهدايه --->:rose::rose: |
قصه روووعه اخوي عبدالله :) وغالبا بمجتمعنا الشباب ييأس من الوظيف والبنت من العنوسه وشوف شنو يصير بعد هاليأس .. لازم الانسان اللي يعرف ربه ويقدره حق قدره يثق ان الله ماينسى ولا عبد من عبيده واي شي الله يمنعك عنه في خيره مهما كان لكن بني آدم عجول ومايقتنع الا اذا شاف بعيينه انا اذكر قدمت اوراقي اول ماتخرجت من الثنويه على جامعه وكانت حلمي ادخلها ومااقبلوني لاني ماعديت الامتحان للقدرات :( ضاق خلقي اشوي بس والله كنت واثقه مليون بالميه ان لو في خير الله مابعده عني ... والحين البنات اللي اقبلوهم وكانو معي بالثنويه كلهم مو قادرين يكملون من صعوبه المناهج وشدة المدرسين والدكاتره بعكس جامعتي اللي انا فيها والحمدلله وصج تأكدت ان الله بعدني عن شي علشان مصلحتي والف نعم بالله :smilie47::smilie47::smilie47::smilie47: لايأس مع الحياه ولا حياه مع اليأس والخيره بما اختاره الله مشكوووووووور اخوي عبودي وتقبل مروري :rose::rose::rose::rose: |
شكرا لك قصة و عبرة و القص في ذلك كثيرة فلما استحكمت حلقاتها فرجت و كنت أظنها لا تفرج كما نتمنى من رجال الاعمال و المسؤولين في بلادنا الالتفات لشباب الوطن الذين ينتظرون الفرصة للعمل فكم يضايقني حينما أجد أن وظيفة عادية تسلم لشخص أجنبي رغم وجود العديد من المؤهلين من الشباب السعودي القادرين على آداء نفس الوظيفة. |
إقتباس:
هلا ومرحبا شــوق تكمن المــشكله من الأساس عدم الأيـمان بقضاء الله وقدره والدوله اللي ماعطت للشباب فرص للعمل :yes: :rose::rose: |
إقتباس:
فــعلا صـار للشـخص الأجنبي له مكانه ومنصب أعــلى من الشاب المواطن واللي يقهــر زياده يكون معدل المواطن أعلى لكــن ....... العفوو..طارق ومنور الموضوع بردكـــ :rose::rose: |
قصة جميله تشكر عليها </B> والشخص المؤمن اللي ايمانه قوي</B> مايفقد الثقه والامل بسهوله</B> عكس ضعيف الايمان تلقاه يفقد</B> الامل بالمواقف وتحصله بس يفكر</B> من غير الهواجيش والهموم اللي على راسه !</B> مثال جميل اخي على الصبر والحمد لله ..</B> الله يعطيك العافيه والله انك صادق وانا اخوووووك |
إقتباس:
ومنور الصفحه بردكــ --->:rose::rose: |
قصـــة مؤثرة ومفيدة في نفس الوقت وصدقت في كل كلمة قلتها ومن جدك الوضع اللي احنا فيه كل واحد مالقى اللي يبغاه كره الدنيا وقد ياس وقانط من رحمه الله واللي شدني هو اسم الموضوع مررره حلو الى الامام ياااعبودي |
موضوع مؤثر الله يحفظك من عرف الله لن ييأس أبداً لأن مع العسر يسرى ...والضيق يأتي بعده الفرج .. أسعد ك ربي والجميع آميييين .. |
وعليكم السلام ورحمة الله وبركاته هلا بك اخوي عبودي مشكلتنا حنا ناس محطمين على طول اليأس قدامنا ماعندنا طوله بال وصبر نبي الشي من اول تجربه او محاولة نرفض الخساره :yes: القصه رائعه وينطبق عليها المثل الي يقول فرجت وكنت اظنها لا تفرج مثل الوظايف نلاقي ناس بالبيت وتتشكى طيب ليه مانحاول نطور انفسنا بحيث الوظيفة هي الي تدور علينا بدال ماحنا نركض وراها ناخذ دورات انجلش حاسب اي شي دبلومات وربي بيسهل ان شاء الله او نبدا بالعمل بمكان وبراتب قليل ومع الايام بيتحسن وضعنا حنا نبي نوصل لـ قمة السلم بدون مانمر بكل خطوه فيه :rg: \ :smilie47: / يعطيك العافيه اخوي عبودي والله يرزقنا طولة البال :d الهنوووف كانت هنا ورحلت |
إقتباس:
هلا متلثمه مــنوره الصفحــه بردكـــ :rose::rose: |
إقتباس:
ويحفظكــ :rose: لو كـان الشخص عنده ايمان بقضاء الله وقدره مـاعرف شيء اسـمه يأس مــنوره الصفحه اختي الضحى بردك :rose::rose: |
إقتباس:
هلا الهــنوف الظاهر اللي جالس بالبيت يحسب الوظيفه بتجي لين عنده :d واللي يبي النجاح والكفاح والظيفه يقدر يوصل لمبتغاه اما اللي منطق بالبيت والله لو يحفر مالقى وظيفه :s2: منوره الموضوع بتواجدك وردكــ :rose::rose: |
| الوقت المعتمد في المنتدى بتوقيت جرينتش +3.
الوقت الان » 09:57 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd