دعـــــــــــــــــــــــم مـــــــــــــــــادي كبير للنادي .. ( شوف من دعم النادي لتعلم كم هو مهم )
 

السلام عليكم ورحمة الله وبركاته ...

اسبوعان فقط وينتهي الموسم الرياضي الهلالي

موسم عايشناه بكل تفاصيله ...


تذوقنا الحلاوة .. والمرارة

كسبنا بطولات .. وخسرنا بطولات .. في جميع الالعاب


تبقى الاهم مباراتان اسيويتان ..

وبقي دورنا نحن كجمهور داعم ومحب للفريق ..

فلا احد ينكر دور الجماهير من الناحيةة المعنويه للاعبين ..

والضغط النفسي على لاعبي الخصم ..

وجمهور الهلال اكثر الانديه شعبية فلابد ان يكون حضوره الاول دائما:alzaeem:


ايضا لحضور الجمهور دعم مادي ..


فلو تخيلنا اننا نحضر بكثافه جميع المباريات لاكسنا النادي ملايين الريالات

فنصبح اعضاء شرف مؤثرين .. واطباء نفسيين داعمين


انا من خلال موضوعي هذا احببت ان اسال الجميع وبلا استثناء

ما هي المباريات التي حضرتها للزعيم هذا الموسم ..

1|في الدوري

2|كاس الملك

3|كاس ولي العهد

4|كاس الامير فيصل بن فهد

5|البطولة الاسيويه


وابدأ بنفسي اولا ....


دوري المحتـــــــــــــــرفيـــــــــــن السعــــــــــــــودي

جميع المباريات التي حضرتها كانت في الرياض:smilie47:

وهي كالتالي ..

الهلال مع الاتحاد ( نهاية الدوري) ( خسرناها ):cry:

الهلال مع النصر ( ذهابا وايابا ) ( فزنا بها كلها ):bx:

الهلال مع الاتفاق ( ايابا ) ( كسبها الهلال واحد من الاهداف جاء بالراس لياسر):smilie47:

الهلال مع ابها ( ايابا ) ( كسبها الهلال وجاء في الهلال هدف بعد ان كان عدة جولات محافظا على الشباك )

الهلال مع نجران ( ايابا ) ( كسبها الهلال بسباعيه سجل فيها القناص سوبر هاتريك ):clapping:


كاس الامير فيصل بن فهد

حضرت مباراة وحيده وكانت في نصف النهائي

الهلال مع الشباب ( خسرها الهلال بركلات الترجيح ):cry:


كاس ولي العهد ..

جميع المباريات التي حضرتها في الرياض

الهلال مع النصر ( دور 4) ( كسبها الهلال بهدف ويلي:smilie47:):bx:

ما حضرت النهائي لتواجدي خارج الرياض



كاس الملك للانديه الابطال ...

جميع المباريات التي حضرتها كانت في الرياض:smilie47:

الهلا ل مع النصر ( ذهابا وايابا ) ( تعادل ايجابي في الاولى .. وسلبي في الثانيه ) ( تاهل الهلال:smilie47:)


الهلال مع الشباب ( ايابا ) ( فاز الهلال بهدفين مقابل هدف ولكن لم يتاهل ):cry:


البطولة الاسيويه ...


اكيد ان حضرت المباريات في الرياض :s2:

الهلال مع سابا باتري ( تعادل بهدف سجل للهلال اسامه هوساوي :smilie47:)

الهلال مع الاهلي الاماراتي ( فاز الهلال بهدفين مقابل هدف سجل للهلال القحطاني ورادوي:smilie47:)

الهلال مع ام صلال او الاتحاد ( ما باحظر مباراة باختكور اللي ان شاء الله يفوز فيها الهلال لتواجدي خارج الرياض)


هذه المباريات التي حضرتها ..

ولو حسبناها حسبه بسيطة لكان ناتج دعمي للنادي 260 ريال ومتبقي عشرين ريال ان شاء الله

فلو ان 200000 عضو فقط حضر مثل ما انا حضرت انظروا كم سيكون دعما لخزينة النادي

احذفوا اربعين ريال من الحسبة وعطوها النصر لاني حضرت والمباراة على ارضهم :s2:


بالتوفييييييييييق للزعيم في المباريات القادمة ان شاء الله ..

ارجو من الجميع التفاعل مع الموضوع ونبي نشوف من اللي يحظر من اللي ما يحظر

:naughty:

اهم شي يوم الاربعاء يحضرون وبعدين كثر الف الف الف الف خيرهم

انا حضرت
الهلال مع النصر ( ايابا ) ( سلبي في الثانيه ) ( تاهل الهلال:smilie47:)

الهلال مع سابا باتري ( تعادل بهدف سجل للهلال اسامه هوساوي :smilie47:)

هلا باللي يحب ابونايف :clapping:

تصدق ولا مباراة حضرتها للنادي ( مندس ) :bx:

لا والله ماني حول الرياض ولا كان احضرها كلها :cry:

مباراة الرس قسم بالله حضرته الموسم اللي راح وحرمت احضره ملعب الحواري احسن منه :bx:


وبعدين غريبه ماكتبت بيت لابونايف ههههههههههههههههههههههههههه :bx:

يعطيك العافيه يالغــــــــلا وتراي امزح معك باخر الرد لاتزعل :) :smilie47:

يالله ياجمهور الرياض ورونا

آخ لو الزعيم ببريده كان ما أفوت ولا مباراة



..............

حي الله الجميع ولا احد رد بالليي ابيه الا عزيز

هلا بريماكس .. المرة ذي قلنا يكفي التوقيع للتعبير عن حبي لابو نايف

تشرفت بمرورك يا الغلا

اهم شي يوم الاربعاء يحضرون وبعدين كثر الف الف الف الف خيرهم

يقصد مباراة الذهاب 2\1 للهلال

للأسف ماني في الرياض

ليت الهلال ببريده والله ماتمر مباراة لو وديه الا احضرها

حضرت الهلال والرائد بالدوري

انتهت لصالح الهلال 2-0 سجل نامي والمرشدي

والهلال والرائد كأس الامير فيصل

انتهت لصالح الهلال 1-0 سجل سلمان الفرج

ومشيت للرياض لعيون الزعيم

حضرت نصف نهائي ولي العهد ضد النصر وانتهت 1-0 سجل ولهامسون

وحضرت النهائي ضد الشباب وانتهت 1-0 بالاشواط الأضافيه برأسية فهد المفرج يالبى راسه بعد

أنا والله ولا نبارات أنا أكبر أخوووواني وما عندي أحد يوديني أبووووي مو راعي كورة لدرجة أنه يحضر مبارات وأنا أتمنى أني أحضر مباريات الهلال

انا من الطائف

وكل مره يجي الهلال للطائف علشان يروح لمكه اكون في المطار ولازم اشوف اللعبيه واسلم عليهم واحد واحد
مافيه مباره للهلال ضد الوحده في مكه الا وحضرتها

احلها المباره الي جا الهدف الدقيقه 89 براس العنبر

حتى الي كان فيها الشغب حضرتها <<<<<<<<< الحمدالله خرج من الملعب بدون اصبات

انا حضرت ابها والهلال لاني كنت في ابها والله يمنعني من الحضووور هو الدوووووووووام مو ثابت مرة بالليل ومرة بالنهار وشغلك لا يختلف

اتمنى التوفيق والنجاح للمنتدى وللهلال ان شاء الله

أنا حضر جميع مباريات النصر الأربعه الي في الدوري وكاس ولي العهد وكاس الملكـ ،، ومبارة سابا والأهلي ،، وبإذن الله أحضر مباراة باختكووور ،،

موضوعك رائع لكنه ( مٌحرج) لبعض الاعضاء الذين كانوا مقصرين في الحضور والتواجد

لموازرة هذا الكيان وقد تكون هناك ظروف تمنعهم فليس الجميع سواسية لكن لااجد عذرآ لكم في

الحضور والتواجد فاأنتم الداعم الأول في مسيرة الزعيم واسمح لي اخوي ان اشكرك على روعة

موضوعك الذي اعتقد ان البعض لايستطيع البوح بالحقيقه خجلآ

* بالنسبه لي لن أقول اني حضرت كل المباريات لكني حضرت مباريات عده (ومصيريه )

وهذي مشكلة اغلب الجمهور لايحضر إلا مباريات (مصيريه ) او ربع نهائي او نهائي بالتأكيد