هذا أحسن رد له ياملك النت

زي ما قال الاخ / معاندهم....ليت المصيبيح يستقيل ....حتى نشوف مراجل اللي يتكلمون عليه ومخلينه هو سبب تدهور الزعيم ؟؟؟

يالله حسن الخاتمه:D

ونفس الكلام يتردد كل سنه‍!

هاهاها

الله يرج شيطان معاليكم ... وأنت ماتظهر إلا إذا جت سالفة المصيبيح يكفيك ؟؟ :D

يابن الحلال ارجع ابو هيا الأولي ..

ارجع ابو هيا اللي حنا خابرينه ...

ولاتدقق على أي شي ..

المصيبيح حاله حال غيره .. فيه ناس تبيه وفيه ناس ماتبيه .. وهذي سنة الحياة وطبع ابن آدم !

تحياتي لك ابو هيا ياملك النت .

===

الأخ بخيت ..

إذا المراجل ماتجي إلا بسالفة المصيبيح ... فحنا تاركين المراجل لك .

للأسف وكل الأسف
اصبحنا مثل الجيران
اذا لم تكن معي فانت ضدي

بمعنى لو أن السماري مدح المصيبيح سنرى من حجة الهلال الانترنتية الكاتب الكبير ابو هيا
عكس هذا الموضوع تماما !!
انا وعوذ بالله من كلمة أنا ضد المصيبيح قلبا وقالبا
هل سيقال عني مندس ؟؟ او سيعدل ردي ؟؟ او سيوقف يوزري ؟؟
نعم المصيبيح نحبه كلاعب اعطى الكثير والكثير
ولكن كاداري لا والف لا
انتم تقولون نتمنى ان يستقيل المصيبيح
حتى نعرف قدره
ونحن ايضا نتمنى ذلك

اخوتي لما لا يكون شعارنا
نختلف كثيرا ونتفق في حب الزعيم

اهلا بياقاهرهم

مابه جديد كل ما قيل ينعاد:(

اجل ابن عبدالعزيز والا ابن مصيبيح:D بخخخخخخخخخخخخخخخخخخخ:D

وطبلي طبل على طبلي:D

اقول بصراحة اجتماع اعضاء الشرف اليوم فاشل لان ابو شيخة مقاطعه وموقف الشيك اللي ب5 مليون اللي يدعم فيه النادي كل سنة:D

اقول يا زينهم اعضاء الشرف الجدد اللي تعرفنا عليهم.

اما كاتب رئاسة تعليم البنات فالله يذكر جهير المساعد بالخير

والله انها بنت رجال وعرفت تمسح فيه البلاط كاتب المعاريض والشيوخ رفيقكم ذا;)

الله يخلف على هيك كتاب.





برايفت ابويعقوب وبس:

ما اشوفك الا بمواضيع يا قاهرهم وتردد نفس الكلام. خلاص عرفنا اللي تبي تقوله.
تحياتي لفانكوفر وتورونتو :D

ابوهيا شكرا
لمن قال يستقيل المصيبيح لنرى ماهم فاعلون
سيقولون هذا الاصار من المصيبيح لما كان في الهلال
وشلون نصلح اخطائه ؟؟؟؟؟؟ والله العالم انهم بيقولون اكثر من ذلك
توك تستقيل بعد خراب مالطه الحين ماعاد ينفع وبعدين من يكون عليه
الدور بيدوخون لين يلاقون واحد يسقطون افكارهم وكتابتهم وامراضهم عليه

اذا كان من يقيم عبدالله بن مساعد هو السماري فقولوا على الدنيا السلام ..

@ اخوى ياقاهرهم اقول لك مليون سكر على ردك المتميز على هذا الشخص الذى والله اول مره اسمع عنه>>>>>>>

@ ولكن اخوى الى متى تظل هذه المعاملات لرموز الازرق >>>>>>

@ اخر المحاربات ما يتعرض له الذئب <<سامى>> وهذا ما حسيته من خلال حديثه>>>>

@ والله يستر على الازرق من رجاله >>>>>>

الأخ رموز الهلال

أنا أردد هذا الكلام لحُبي لابو هيا ... ولإيماني بأنه أفضل كاتبي النت على الإطلاق مع الإحترام للبقيه .. ولكن ما أزعجني هو تركيز ابو هيا على مثل هذه النوعيه من المواضيع التي لاتخدم الهلال .. ولا تخدم المشجعين المغلوبين على أمرهم أمثالي .

وعموماً ... إذا أنت تضايقت من اسلوب ترديدي للكلام فهذا راجع لك ولسعة صدرك .. ولكن سأظل أكتب وأشارك و أردد .... إلا إذا كان اسم هذا المنتدى رموز الهلال فهذا أمرٌ آخر !!

وأبشرك .. تحياتك وصلت لأهل فانكوفر كلهم .. وتراهم يسلمون عليك .. ويقولون الربيع واجد .. ورا ماتسير :D... أما اهل تورونتو .. فمادري عنهم والله .. لكن فيصل ابو ثنين موجود هناك ... ممكن توصل له تحياتك الحاره لتورونتو :D

والله ماندري وش الصح وش الخطا000
بس انا اشوف كل الناس خطا والمصيبيح وربعه صح00
بس من جاء المصيبيح اداري والهلال في مشاكل000
انشالله يضف وجهههههههههههههههه00

هلا بك ابو يعقوب

افا لا تصير زعلت بس;)

شف اخوي بصراحة انا تضتايقت لاني اقرا موضوع ابو هيا القاه يرد على موضوع في جريدة وبرد مقنع بصراحة للي ما تابعو تفاصيل القضية.. وشكله فعلا غير كل اللي اقرالهم

وبعدين يعني ابو هيا انا اشوف انه ما طلع مثلا بقضية تكر من الباب للطاقة

او بالكندي فروم ذا دور تو ذا وندو:D

اللي مضيق صدري ان واحد زيك تقول في كندا وشكلك متعلم وعلى مستوى مشالله يعلق دايم على مواضيع ابوهيا برد قاسي وغير حيادي لانك واضح ما تبي تقول اي شي عن المنشور في الجريدة واللي كله كذب زي ما شفنا..ارجم لك كليمة حق وانت ماشي ما تضر:D

الا اذا كنت تمون على ابو هيا ولا تبغا تزعل الهدلق والجزيرة فترى ما ادري:)

وبالنسبة لفانكوفر فترى والله ودي اسير بس دبر لي فيزة استاد زاير في جامعتكم وخل نقضي الشبط عندكم مهيب شينة يقولون السمر والحنيني رخيص عندكم:D

وبالنسبة للثانية ذيك وش اسمها ترنتو فما اقدر اسير لان فيها الشيخ فيصل الله يحفظه واناشيخ بعد والمثل لا يقول لا يجتمع شيخان في ترنتو:D

تحياتي القلبية واسف اذا فيه ازعاج.:)

[ALIGN=CENTER]لله درك يا قاهرهم :)

على إن الموضوع ( قديم ) من عام 2002 م و نحن الآن في عام 2004 م إلا إني لا حظت

تفاعل الأعضاء وكان الموضوع جديد :D

عموماً ننتظر ردك على ( إبراهيم المدهر 2004 م ) :D

والمسألة يأخوان ما هي ( من ضد من ) أو ( من مع من ) ولكنها تكون بـــ( الحق مع من )

والحق لا يكون إلا بالدليل القاطع والحجة الواضحة ....... ;)

وليس بكثرة الشائعات والكتابة واللعب على أوتار ( عاطفة الجماهير ) كأن يقول قائل :

( من تختارون ... بن عبد العزيز ... أو بن مصيبيح ) :D

وألف شكر ... :) [/ALIGN]

والله العظيم لاأعرف حتى الآن ماسبب هجوم بعض أعضاء الشرف والجماهير والصحف على فهد المصيبيح والله العظيم يكاد يصبح الهجوم على المخلص فهد المصيبيح أكثر من هجوم هؤلاء على إسرائيل وما يعملوه في إخواننا الفلسطينين فلا يمر يوم إلا ونسمع عن إساءات توجه لفهد حتى أنهم جعلوه نصاباً يريد أن يستولي على أموال النادي لاحول ولا قوة إلا بالله