|
الإدارة يهمها النجاح .. ليس أنتم فقط !! السلام عليكم ..صباح الخير<<معصب على الصبح :boat: والله مشكلة .. .. حاجة تقهر .. تشوفون الإدارة جالسة تلعب انتم؟ كل شي بتوفرة للفريق ويهمها نجاح الفريق قبلكم ... وعلى الأقل نيتها طيبة وصافية ولا عندها نوايا خبيثة تمحق الفريق والبطولات معه مثل بعض الناس .... كل ما سجل لاعب هدف والا سوى حركة تكفى يا عبد الرحمن بن مساعد جبه لو 80 مليون .. خير؟!!! جالس على ميزانية الدولة هو؟ ما يكفي ان دفع ويدفع بغير حساب و لا منه مثل بعض هالناس .. يا جماعة اركدوا تكفون وخلو عنكم الطيران بالعجة والكلام اللي ما له فايدة ... واذا تبون بطولات تعالو للملعب... لأنه والله عيب عليكم حنا نمشي الظهر من القصيم ونقطع مسافات ونرجع بنفس الليلة سواء فاز او انهزم ونوصل متاخرين ويمكن ورانا دوام وانتم بينكم وبين الملعب نصف ساعة ومتكين في البيت لا والمصيبة نصفكم في المقاهي اللي قريب للملعب.. مو عيب ؟!! وجايين تبون وما تبون ... طفح الكيل والله من هالكلام والمواضيع اللي ما ادري واش تبي يعني خلونا نقلب السيناريو ونقول لو هزازي سجل 3 اهداف وانتهت المباراة للإتحاد بنفس النتيجة كيف بتكون مواضيعكم؟!!!!! تكفون نبي هزازي تكفون نبي فلان ...ليش؟ صار الهلال هو اللي يتمنى اللاعب يجي والا العكس؟ اللاعب هو اللي يتمنى شعار الهلال لو خسر ملايين .. ياسر .. هلالي كان بامكانه ما يوافق على الهلال ويقول للبلوي عندك 80 مليون جيت وسحبت على الهلال ... لكن قال لو يدفع فلوسه كلها ما نيب رايح الا للهلال وبس .. والحين شوفوا وقفتكم معاه... سب وشتم وصرتوا مثلهم على ياسر ... اللاعب بشر ومو مكينة ما يتاثر بالعالم الخارجي ولا الظروف المحيطة .... الدعيع يبدع تسكتون ولما يخطي ليته يترك المجال لغيره خلاص شيب... واذا جيتوا للملعب على قولتكم بعد ما تكون المباراة مجانية كنكم جالسين في عزاء كل واحد متلطم وساكت .. ولا حتى حركة ولا شيء . هجمة خطيرة يقومون ويصفقون وغيرها سكووووت مطبق ..... رابطة وطقطقة ما نبي ... وين التحدي وين التحدي وفريقنا مهزم بهدف ؟!!!!!بالله واش باقي؟ ما شفنا ابد اي فريق اوروبي كبير معها طيران وتسمع اصوات نشاز وطقطقة تقول بعرس .... نبي تشجيع دائما وكل المدرج يشجع .. الأمور الإدارية خلوها لأهلها اللي عطيناهم الثقة ... واتركو عندكم كل شوي جايبين لكم ملف لاعب وتقولون هذا لا يروح يابن مساعد والله شوفو اليوتيوب له مقاطع ... و و و و ملينا خلاص ريحونا تكفون .... فكرت اجيب مقاطع لكابتن ماجد واعرضه في اليوتيوب على الأقل ارخص واضمن لكم كل البطولات الموسم الجاي... والمصيبة اللي اكبر ان فيه ناس تسجل معانا في المنتديات على انهم هلاليين .. ويوزر هلالي ( الله يذكر اليوزارت الإنتحارية بالخير ) وهات يا سب في سامي والكلام عنه وانه سو وانه اخذ عموله من ويلي وسول وانه يحارب الدعيع ومختطف ولده يقول ما نيب مرجعه الا بمليونين وانه قايلك نكته لسول وهو يسوق وضحك وسكرت عيونه بغى يصدم وهو رايح يتمرن علشان ما يطب النادي وانه وانه وانه .. ويجونك هاللي تحت 18 سنة ومعه يردون ولا يدرون واش السالفة وسب هم بعد في سامي .... خير؟!!!! وصلت بنا الحال كذا؟!! صار كل من هب ودب جانا وسجل اسمه وكتب موضوع مثل وجه راعية والباقين معه ... ياسر ما سلم منهم وفيه ناس انجروا معهم قبلهم الفريدي يوم انكسر سكتو .. وقبله الدعيع في بطولات اسيا ... عبد الرحمن بن مساعد قالو له الله يرحم والديك فكنا خل محمد بن فيصل يرجع انت ما تاخذ حقنا؟!!!! ويوم محمد بن فيصل موجود يقولون متى تفكنا يالبزر ؟!!!!! يا ناس وربي مليت وميت قهر من هالمواضيع اللي ما لها اي داعي ومعروف من كتابها وليش يكتبونها ... فريقنا زعيم والكل يتمناه من اللاعبين مو احنا اللي نترجى فلان او علان يتنازل لنا عن لاعبه .. عندنا مواهب شابه تنتظر الفرصة بس وشوفو واش بتسوي ... فيه احد منكم شاف دوري الناشئين والشباب؟!!! عندنا فريق ما يحلم فيه احد في المملكة والخليج والعرب واسيا بعد ... فريق الشبح الهلالي اللي كوش على كل بطولاتهم ... وين المدح ؟!! وين المواضيع؟ يعني ما تدرون ان فيه لاعبين يدخلون ويقرون؟ ويشوفون؟ كيف بتكون معنوياتهم وهم يبدعون ويحققون البطولات كلها ولا موضوع عنهم زي الناس ؟!!!!! واللي عنده لاعب اوروبي متابعه او جنوب امريكي معجبه يجهز كل اللي عنده ويرسلها للإدارة في النادي .. واذا ما قدر يخبرني انا اوديه للي يبي بس يجهز cv كامل عن اللاعب مو شغل لقطات لها اربع سنوات وا تسحيبات .... ناقشوا امور الهلال لكن بدون تجريح ولا دخول في الذمم ولا انتقاص من لاعبين ولا ادارة ولا تقولون لنا نبي فلان والا علان من هاللاعبين اللي مرتبطين بعقود في نواديهم.. ما نبي نصير مثل بعض الناس اللي يفاوضون اللاعب وهو موقع مع نادية ويزورون له كل شيء اللهم لا شماته علشان كذا كل بطولات بدخلونها يمحقهم الله بدون بركة .. الله يعافيهم ولا يبلانا . اسف على الكلام القاسي شوي لكن واش اسوي من القهر اللي فيني من امس المواضيع عن عطيف ومعاذ وسب في الهلال والإدارة والمصيبة الشبح الهلالية محققه بطولة امس لكن نوم ما فيه ذكر لها .... يالله بظف وجهي |
هدي اعصابك بعدين عن الاعبين كل واحد ودة يبدي راية ويجب انحترمها |
و الله كتبت ما في قلبي .. كلامك من القلب يا رائع .. يدل على عشقك لهذا الكيان العظيم .. من جــد أتفق معك فيما قلت جملة و تفصيلاً .. تخيل فريق درجة الشباب حاصلين على الدوري .. و فيه واحد منزل موضوع يقول يخدعونا بالبطولات ..!!! يا ليت كل الفئات في كل الألعاب تخدعنا أجل ..!!! تسلم على كلامك اللي من القلب .. و يا ليت كل واحد فيه ذرة هلاليه يعي كلامك .. ألف شكر .. و ريلاااااااااااااااااكـــــــس .. :d |
أنــا عمرٍي 18 :D ..} بس واللــه العظيـــم شي يقهرٍ أقســـم بالله ..} .. إقتباس:
.. بس والله ما ألووومك .. شي يقهرٍ واللــه ..} واللهي المشكلــه ماهي بالعمرٍ.. المشكلــه في العقليّــااااات ..} .. واحد ينزّل موضوع يكتب فيــه ( ريــان وينــه .. في المقاااصب ) < والله هالأربــع الكلمــات مضمووون الموضووووع :( :( :( ..} يوٍم قريتــه الموضوع .. مدري أضحك وإلا أبكي من القهرٍ...} كيف نبغى الهلال يفلّح وهالعقليّـات تشجعه !!..} يكتبه في قسم الجمهور الهلالي.. ويتكلم على النــاس ولا يبغىآ النــاس يتكلموٍن على ياااسر .. إهتموا في ناااديكم وبسسسسسسسسسسس ..} .. يااااليت المنتدىآ يرٍجـــع زٍٍي أول.. إذ1 الو1حد نزّل موضوٍع الكـــل يشارك فيييييييه ..} مو ألحين كل من هب ودب نزّل موٍضوَع .. أهم شي أصير مشهورٍ ويقروٍن إسمي :( ..} ما يمديك تنزّل موضوع إلا هو في الصفحة العاشرهـ ..} والله أنا صرٍت ما أنزّل مو1ضيع .. ولاغيري بعد ..} .. تكفوووووووووووووووووووووووووون ياللي تقرون كلامي .. هدّوا اللعب وعليكم بالردود وخلّو المو1ضيـع لـ أصحااابهــا ..} خلّونا كلّنــا نشترك إذا نزل موضوع جديد < وٍْالله إني بردد أنــا عارف .. بس الشكوىآ للــه ..} ..إللي أقدر أقوله الله يوفق الهلال..} |
هذا المنطق بعينه وتسلم يا شاهين يا حليلهم قلبوا سماسره من ورانا lol بصراحه هالنقطه مضايقتني وصارت ديدن بعض الاعضاء واللي يقهرك بعد فيه ناس تسجل وتنزل مواضيع من تفاهتها ماتبغى تشوفها بين الردود مايدرون اننا نستخدم كونكت في العمل<<<< ^_^ |
هوصحيح كلامك بس من يسمع؟ عوووووافي اخوي. |
تسلم اخوي على كلامك الرائع وصدق انك كتبت اللي في خاطرنا |
موووووضوووووع كبيييييييييير وحكيت اللي بقلوووووبنا والله يعزك عن ظفة الوجه يالغالي |
كلام سليييييييييييييييييييييييييييم !! |
كلامك في الصميييييم وانا معك في كل الي قلته والصراحه شي يرفع الضغط |
شوف قسم بالله انك صادق ناس تقهر صراحه انا والله بالنسبه لي صرت ما اقرا الا للكتاب المتميزين زي ..المملكه .. معزوفة الانامل ..حمد الهلالي .. وابو مايكل النجدي مع انه والله زعلني بموضوعه اليوم الا انه يبقى من الصفوه شاكر لك اخوي على كلامك الي يبين علة هالمنتدى الشامخ تحياتي لك اخوي alrssam 472 |
الف شكر لك على ما كتبت وبالتوفيق للهلال و الأداره |
إقتباس:
لا فض فوك |
كلامك في مكانه بس نسية نقطه وهي كثرة التطبيل الزائد لبعض الاعبين واما البعض من اخواني الذين ردوا قبلي ومن بعدي الذين يقولون كلامك في الصميم فأن بعضعهم يطالبون بهذا وهذاك ويذمون اي بمعنى معهم معهم عليهم عليهم |
| الوقت المعتمد في المنتدى بتوقيت جرينتش +3.
الوقت الان » 09:27 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd