اتفق معك اخي في ماقلته بخصوص الفئات السنية حيث أن أخر موهبة بالهلال من هذه الفئات هي محمد الشلهوب أما بالنسبة لمباراة البارحة فأختلف معك فالشباب ساعده البارحة شيئين :
1- الحكم الرائع الذي جعل اللاعبين يلعبون مرتاحين .
2- النقص الحاصل للإتحاد .
وتقبل تحياتي على طرحك الرائع

بس معليش الهلال مشا الله مكوش ع الاخضر واليابس يعني ان اخفق السنه هاذي فكلنا نعرف الضروف ولا تقارن الشباب بل الهلال شوف بطولات الهلال وشوف الشباب والشي الثاني يمكن معى حماس المباره نقول الشباب فريق اغلبه ناشئين وكذا ولاكن شوفو في الدوري ماتحصلو موجود اعتقد ان فريق الهلال والاتحاد عندهم النفس الطويل في بطوله الدوري والبطولات الكبرى ووشكرا لك

كلام جميل جداً
ولا تنسى ان ميزانيه الشباب ثلث ميزانيه الهلال

عـلى كــذا طــلــع الهلال فريق حواري

مــــو زعـــيـــم آســـــيــــا


تحياتي لك
alrssam 472

انا معك بالنسبة للفئات السنية وان الزعيم مايهتم مثل مايهتم نادي الشباب بهم ...

بس بالنسبة لمبارة الامس انا اشوف ان الاتحاد ضايع من اول المباراة وسبب ضياعهم غياب النور واعتمادهم الكلي على نور واتوقع لو نور موجود ماكان الشباب تنفس امس,,, وبعد الهدف الاول يمكن شفنا ان الاتحاد خلاص انتهى .... وبالنسبة للعب الشباب واللعب الجماعي وانهم على قولك احسن من الهلال بلعبهم وان بعض اللاعبين اللي ذكرتهم ماهم نفس ضغط لاعبين الشباب اختلف معك بهالنقطه ... الشلهوب كم له مالعب وصدقني حط الشلهوب بكفه ولاعبين الشباب كلهم بكفه انهظم حقه مسكين والا ايام ماكان اساسي كلنا نعرف من الشلهوب والكل يحسب له الف حساب ولاتنسى يوم قال ابرتاح وكلمة ابرتاح وش سوت من الضجه الاعلالمية والكل طالبه باللعب وجايني الحين تقول مايقدر يقطع كورة ...

تقبل ردي

راااااااائع ما ذكرت

معلومات قيمه اتمنى من الادارة قراتها والاستفاده من الاعضاء العقلاء امثالك يالغالى

اؤويد ما ذكرت

ابو محمد

شكلك يا أخي لا تتابع فريقي شباب وناشئي الهلال

في شباب الهلال كذا نجم كبير فقط يحتاجون للفرصة باللعب للفريق الأول وهذا هو اللي يفرق بين الهلال والشباب

بالله ماهو عاجبك نواف العابد أو مبارك البيشي وغيرهم من نجوم فريق الهلال الشاب اذا ماهم عاجبينك هذي مشكله

يوجد نجوم في الهلال بس الاشكالية في حجب نجوميتهم من خلال ركنهم في صفوف الاحتياط حتى تختفي وتضمحل نجوميتهم

لاعب مثل عبدالعزيز الدوسري أو الحارس فهد الشمري الى متى تقتل موهبتهم في حين تمنح الفرصة للبلدا الغير قادرين على تطوير مستوياتهم مثل الشلهوب والعتيبي والمبارك والصويلح والعنبر

في الهلال يتم تطبيق المصطلح الحكومي اللعب بالأقدمية وليس من يلعب هو اللاعب الأكفاء والأكثر موهبة واستعداد بدني
في الهلال الأساسي ضامن الخانة حتى لو يلعب بعكاز خذ مثال ياسر ضيف شرف يبحث ولا زال ضائع ومازال ضامن الخانة لأنه ياسر وقس عليها

هذا هو بالضبط الفرق بين الهلال والشباب ولو قدم الهلال 60% من مستواه اللي نعرف لتأهل على حساب الشباب والدليل ارجع لأخر مباراة مع الشباب خاصة الشوط الثاني كيف كان الهلال قادر على تسجيل أكثر من الهدفين عطفاً على عدد الفرص التي ضاعت بسبب رعونة الهلاليين انفسهم

والله لا يهزم الهلال غير الهلال فعلاً قائلها صادق

مع احترامي للانديه السعوديه كلها ومعهم برضه المنتخب
الشباب عنده مجموعه تعلمت مع بعض وتأسس صح
انا اقترح على بيسيرو ياخذ فريق الشباب مع اسامه هوساوي ويشارك فيهم بالتصفيات
صراااااحه مع احترامي لنا .. الشباب فريق ابداااااااااع وتكتيك يبيلهم بس محترفين صح
وبعدها بيكوشون على البطولات كلها
صرااااااااااحه بعد الشباب كرهت اللعب الاوربي وحبيت الاسلوب الارجنتيني والبرازيلي
ياليت لو اداراتنا تشوووف لها مدرب ارجنتيني بس وتترك الاوربيين واسلوبهم الدفاعي

عزيز الغالي

طرح جميل ورائع لاكن عزيزي

فيه فرق بين نادي يلعب مرتاح بدون ضغوط ونادي مطالب بالفوز ومضغوط طوال الموسم

الشباب من الدور الثاني وهو يلعب بأريحيه ام الهلال والاتحاد كل مباره مطالب بالفوز فيه

وهذا يسبب ضغطي نفسي ع كل لاعب

ينقصنا فقط في الهلال مدرب يرتاحون له اللعيبه ويفهمونه كمثل كوزمن واظهره

وصدقني بيكون فريق لايقهر

بس رأينا الموسم هذا محاربه من كل جهه

فلا تقارن فريق مرتاح وفريق محارب ومضغوط

الاهم ابقاء التايب ورادوي ويلي ومغادره سول

جلب ظهير ايمن ومهاجم فقط لاغير

وان شاء الله نشوف الموسم القادم زعيمنا فريق مختلف تماما

اشكرك ع الطرح

كلامك صحيح
وازيد مشكلتنا مانقدر نتجاوز الانبراشات مثل الشباب بس نقعد نحاول نحصل بلنتي

ونتشكى من الحكام

الله يستر لا نوصل لحال النصر

بسهوله الاتحاد حقق الدوري لان الهلال كان اسوء من الاتحاد وليس قوه بالاتحاد لانه لم تسنح له في مباراه الهلال سوى ثلاث فرص فقط سجل 2 منها ومع الشباب معروف انه عقد ه للإتحاد فمن يتذكر اخر انتصار للإتحاد على الشباب في مباراه نهائيه على كأس الظاهر قبل عشرين سنة يعلم يقين ان الشباب يعرف كيف ينتصر على الاتحاد

اسمح لي اخوي كبرت من الشباب اكبر من اللازم بس عشانه فاز على الهلال و الاتحاد ... صح سرعتهم اعجبتني و ضغطهم على اللاعب .... بس لا تقول انهم مايتسدحون بحثا عن اخطاء !!! صراحه اللي شفته امس كرهني في الشباب زياده بعد ماكان يعجبني اول بالاضافه الى رئيسهم الله لا يبلانا ... اللي شفت امس فيه خشونه و رعونه في لعبهم مو تأسيس و خرابيط الا خشونه و قلة حياء و الله اول مره ارحم الاتحاد و ودي انه هو الفايز ... انت ماشفت الكف اللي جاء الهزازي و التكسيرات بالجمله و التسدح و تمديد السيقان في كل مكان .... الله لا يبلانا بس قال ابش قال لعب نظيف و الله ماعرفو النظافه ....

اللي اتفق معك اننا ماشفنا لا عبين يصعدون من الشباب الا شوي في الهلال ...
وان اللي خدم الشباب سرعتهم و ضغطهم على اللاعب و كلهم دفاع و هجوم ووسط بس انا اشوف هذي عشوائيه مو منظم اللعب يعني بغلطه يجيبون العيد بس يحمدون ربهم ان الاتحاد مو في يومه .... و لا تمجد بزياده في لعب الشباب لأن اللي فاز عليهم سواء الهلال او الاتحاد ماقدمو مستواهم ولا كانو بيومهم غير النقص اللي صاير في الفريق فبديهي انهم يطلعون ب4 او 3 او 10 ....