محمد نامي ايها الجمهور الواعي - نادي الهلال السعودي - شبكة الزعيم

التا 14 يب · #1 12/05/2009, 10:34 PM

السلام عليكم ورحمة الله وبركاته

كيف حالكم النفسية عندي زفت

اخباركم

المهم نخش في الموضوع

انا بتلكم عن محمد نامي الحين عندكم ظهير ايمن يسد الخانة علشان تنتقدونه

والا الاعب ماله قلب والا مايحس وتطيح معنوياته من كلامكم والا تحسبون انه مايخش المنتدى

وتبون يقدم مستوى بعد ترى ورانى اسيوية يا جماعة محتاجينها معليش الدوري راح كاس الملك راح كاس الامير فيصل راح

بس الاسيوية ان شاء الله ماتروح

نبغى الاسيوية ياجماعة نبغى الملعب فل في مباراة بختاكور

وزي مانتم عارفين انهم قدموا مباراة الهلال في دور ال16

يعني مافي عذر عن الحضور لان نهائي الابطال يوم الاربعاء بالتوفيق للبرسا

والا يحتاج تحفيز وترى ماعندنا غيره يعني لانخسره وانتم شفت امس وش سوى رادوي

ليش ماتكلمتم عنه والا علشانه رادوي قسم بالله لو انه نامي ان تبتلون تسبون الين بكرة

في الاخير اقول شكرا شكرا ولاتنسون الحضور للمعلب في المباريات القادمة سلام

التا 14 يب · #2 14/05/2009, 05:52 PM

ولا رد

؟؟؟؟؟؟؟؟؟؟؟؟؟؟؟؟؟؟؟

تـــوادعـــنا9 · #3 14/05/2009, 05:59 PM

اول رد يااخلفهم
بس اذا انتقدنى الهلال هاذا لايعني انى مانبي الزعييم بس محمد النخلي نقطه ظعف كيف ماتبينى نتكلم الهلال راح يقابل فرق اسيويه قويه وراح يعرفون عن الهلال مراكز ضعفه وقوته ونامي ثغره كبيره في الفريق كيف الهلال بيجيب الاسيويه ونامي عنده بالله قلي كيف راحح تلعب مع فرق يابانيه من انصاف الفرص تسجل يعني صعب نامي يكون فييه بيصير دفاع الهلال شوررربه

عبدالكريم العثمان · #4 14/05/2009, 05:59 PM

الله يجيب الخير ويوفق الزعيم في الاسيويه

&&& الصويلح &&& · #5 14/05/2009, 06:02 PM

بالتوفيق لنامي

وللهلال

طيب قولو شي لرادوي

بن جبله المطيري · #6 14/05/2009, 06:03 PM

الله يوفق الزعيم

والله الله بالحضووووور

ونامي جااااااه ماكفاااااااااه من النقد

ونشااااء الله يتحسن بالمباريات الجايه

لين يشوفولنا حل ونرتااااااااااح ويرتاااااااااح نامي

الطيااار · #7 14/05/2009, 06:03 PM

نامي احنا معه مدامه في الهلال

الهلال جاب نامي وهو لاعب وسط ماجابه لاعب ظهير ايمن

ViP.HiLaLi · #8 14/05/2009, 06:22 PM

عندنا سلطان البيشي
ورآدوي ينفع ظهير\
قسم بالله ابرك من النخولي نامي

قناص بسهمك · #9 14/05/2009, 06:27 PM

ياشيخ طير محمد ناامي كل مباراهـ يخطأ قدام الاهلي الأماراتي الي في الرياض هدفهم بسبت ناامي

وقدام الشباب هدف السعران ناامي ناوله له وجاء الثالث

رادوي من يو ماجاء الهلال مستواهـ 10 على عشرهـ بس عشاان غلط بي هدف

ناامي من أول ماجاء الهلال وهو مافي راسه كورهـ و6 مليوون حرام حرام تنصرف على لاعب مثل ناامي

أسف على الإطااله

20 الكاسر ياسر 20 · #10 14/05/2009, 06:40 PM

إقتباس


	وانتم شفت امس وش سوى رادوي

عزيزي هل تقارن رادوي بـ نامي ؟؟

رادوي طوال الموسم ومنذ ان حضر للهلال وهو مقدم مستويــات رائعه وهي غلطة شاطـر وماراح يكررها ، وكثير من اللاعبين الهلاليين اخطؤوا في بعض المباريات ولكن لأنهم افرحونا سنقف معهم اما نامي فلاتعليق

بصراحه لاعب لم يقدم مستوى يشفع له البقاء مع الهلال

ياسر vs التائب · #11 14/05/2009, 06:40 PM

لالالالالالالالاالالالالاالا تعليق

عاشق 10 ادريانو · #12 14/05/2009, 06:43 PM

ايه عندنا رادوي

وقدام الشباب قدم اداء جيد جدا بخانة الظهير الايمن

حبيبي

لو نلعب بدون ظهير ايمن مو مشكله

لو نلعب مثل برشلونه ايام ريكارد

3 - 4 - 3

المهم النخولي يذلف عنا

ياجماعه مافي احد عاقل ويفهم كوره يمدح نامي او مستوى نامي

تبي تقول المنتخب يلعب فيه اساسي

طيب ماعندك مشكله اقنعني ان نامي افضل من ( معاذ , شهيل , الرهيب , )

محمد اللهبي · #13 14/05/2009, 06:54 PM

والله انو فآآآآآآآآآآآآآآغر مانبيه

zaeem.top · #14 14/05/2009, 06:58 PM

ان شاء الله اول الحاضرين

blue in blue · #15 14/05/2009, 07:13 PM

اعتقد ياعزيزي انك كاتب الموضوع علشان المباراة الجاية حساسه مو علشان نامي........

لان الجميع يعرف ان نامي هذا مستواه (اقل من عادي .. ولن يتطور)......

نامي اعطي فرصة كبيرة جدا..... كفاية حرق قلوب

وبالنسبة لرادوي : اتمنى استمراره ظهير ايمن (وراح يبدع)

وشكرا...