|
!! ... اللي يقدر يخدمني .... لومينا Ss ... !! هلا وغلا شباب :smilie47: باختصار ... فيه قطعة للومينا اس اس الشكل الجديد ( 2007-2008-2009) ابغاها وهبلو فيني :to: القطعه هي الغطاء البلاستيك الاسود اللي يجي بنص الجنط :yes: طبعا القصة اني رحت مرة لواحد كلب حقير :mad: ابغى اسوي صيانة عادية للكفرات ... عيار هواء ... ترصيص .. وتشييك عادي :mad: الكلب وهو يفك الكفرات كسرلي اياها كلها الاربعه:ranting: كسر الحلقات اللي من جوا وهي اللي تثبتها بالجنط عشان ما تطيح :ranting: طبعا تصريفته هي اصلا هذي تعبانه من اول :to: المهم رحت للعيسى مخرج خمسة قالي فيه ثنتين بفرع شارع الجامعه !! رحت للجامعه ... قالي ما عندي فيه وحده بمخرج 5 :to: رحت لـ الجميح خريص ... يقولي فيه ثنتين بفرع طريق الخرج القديم :to: تبغى نطلبها لك ... ونشوفلك الباقي نطلبها من دبي والا جدة والا من وين !! رحت لـ بالبيد خريص ... قالي فيه 3 بفرع الصناعيه :d رحت للصناعيه ... قالي لا ما عندي ولا وحده ... هذي 3 بفرع جده :to: رحت للعليان ... الغرابي ... اكثر من مكان على الفاضي :no: الغرابي من زود الحقارة :d يبيعون نفس جنوطي :no: بس ما يبيعون هذي لحالها تجي مع الجنط بس :to: المشكلة واحد يقولي الحبة 80 ... واحد 85 ... واحد 100 ... واحد 120 :to:وطبعا كل واحد يعطيني خصم من راسه حسب المزاج :to: طبعا انا ما ادري على ايش هالسعر يعني قطعه عادية لو انها مصنوعة من ايش :mad: بس الواحد مجبور :no: اللي يعرف وين القاها ... مو يقولي يمكن تلقاها عند فلان !! اللي يعرف وينها بالضبط ... او هو له بهالشغلات ويقدر يدبرها يعلمني بالله :smilie47: والا الشكوى لله ... بروح الف على الوكلاء واخذ اللي عندهم او اطلبها وانتظر توصل ... وحده من هنا ووحده من هنا والله يعين على القلق :to: هذي صورة القطعة اللي ابيها :smilie47: وهذي مكانها هنا بوسط الجنط :smilie47: واللي يدبرلي اياها يطلب بس وانا حاضر :smilie47: لو يبغى عزيمة حاضرين ... يا عندنا مسجد بالحارة موية برادته تجنن :d:smilie47: جد والله اللي يقدر يفيدني لا يبخل علي بالله :smilie47: سي يو :smilie47: |
والله ياخوي الهلالي لو اقدر اخدمك خدمتك :smilie47: الا كيف مافقعت وجهه ذا اللي كسرهـ :d بس تصدق احلاا بدون القطعه |
و أنـآ شآطف هنـآ شفت يوزرك .. s45s:D قلت بـ أدخل لـعلّـي أساعده .. :D ترآك أزعجتنـآ بـالـ Ss .. :Ds45s و الله شف من كلآمك إنك رحت لـ كل شئ فـ الريـاض .. :D يعني غريبة ما لقيت شئ فـ الغرآبي ولا الصنآعيـة .. :D بسـألك نآس خبرة و إن شآء الله أجيب العلم .. s45s أتوقع إنهى بتصفى ع الطلبيـة و الله يعينك .. :)s45s . |
والله يا حقين العالمية نشبة حتى هنا :d :laugh: والمشكلة واحد يسلك لي يقول كذا احلى :d والثاني يستهبل علي :d يا مدريدي انت :d ايه والله تعبت وانا ادورها :no: وبنفس الوقت احسهم ينصبون علي بسعرها بس مضطر :no: واللي قاهرني اكثر ان كل فرع يرميك على فرع ثاني وعلى الفاضي :to: عموما ربك يوفق وتدبر :smilie47: والا ما لكم الا تسلكولي انها كذا حلوه وخلاص خخخخخخخ :ap: |
حبيبي ولا تشيل هم شكلها بدون هالقطعة احلى انا عندي كامري وشايل قطعتها نفس مكان قطعتك وشكل الجنط خيال بدون هالقطعة |
ترى بدون القطعه احلى صدقني:rose: طيب ليش ماتطلع لتشليح الحاير منها تسافر وتمسك خط الحاير ومنها تتمشى:d |
صارحه شكلها كذا احلى بس اذا تبيها احسن لك شوفلك واحد من جده صراحه المفروض يحولون العاصمه لجده كل شي بجده عكس الرياض وبالاخير خل عن عنك السرعه ترا اعرف راعين اللومينا ss ودهم يحتكون بالكوابرس بس الثقل زين خخخخخخخخخخخخخ امزح الله يعطيك خيرها ويكفيك شرها |
طيب خذ اللي عليها علامات هولدن عند محلات الزينه بالغرابي بس وين بالظبط ما ادري!!! |
دور في التشليح ان شالله تلاقيها ولا اطلبها من النت :yes: |
يارجال انا طايحه من زمان ومعليك خوف ولاتصير موسوس ترى السياره تطلب بعدين >>> اسال مجرب |
| الوقت المعتمد في المنتدى بتوقيت جرينتش +3.
الوقت الان » 05:12 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd