|
رياضتنا طلاسم .. مره مع جهلان واخوانه ومره مع الطيب اللي ورث عرش دقاق الخشوم السلام عليكم .. تحيه طيبه لزعماء الكره السعوديه واسياد آسيا .. في وسطنا الرياضي أمور جالسه تدور وتطبخ وهي قريبه من الطلاسم كل خرفان يطلع ويرمي له طلسام قاصد فيه شخص معين ومسوي فيها ابو الاذكياء وجالس يمشي على مبدئ اللبيب بالاشاره يفهموا يفهموا ايش طيب ؟؟ اذا كنت مخرف مثل طلاسمك اللي جالس تقولها ولا يطلع لك الشيطان الاكبر ويحاول يكحلها يعميها ليه يسوي كذا تتوقعون ؟؟ بكل بساطه لانه يحاول بقلد شخصية اخوه المرحوم المغفور له كان عنيد و شجاع ومهاجم لكل ناقد ينقد وينقد نفسه حتى وكان يبدع بالامر هذا لانه ما يتصنع وهذي شخصيته ولازم نتحملها بس من بعده جانا شخص موسوس عقله مو معه ويحاول يقلد اخوه المرحوم بس مو عارف ليه ؟؟ لانه يمثل وابد مو لايق السرج على الـــــ .. طلاسم حياتنا كلها طلاسم يطلع صحفي كاتب ناقد ملفي فاهم ومو فاهم عاقل شاطر محنك ذو بأس يتكلم عن مستوى تعليم جندي مهاجر من بلد ولا يملك الوقت ولا الساعات اللي فيها دقايق وكل دقيقه مهمه لحياته اللي مترتبه على تربية أسره وهالاسره ما تبي ثانويه ولا شهاده جامعيه الا تبلها وتشرب ميتها لانها ما توكل عيش وش فادنا علمك يومك تطلع تطامر وتناقز بالمحطات ولما تقابل سفيه وبكل أسف يستفزك وترفع صوتك وتنزل مستواك لمستواه للأسف تدري يالكاتب !! انا احترمك فوق الاحترام اللي يحترم فيه كل محترم بس مدري ليه تركت خلق الله وكتبت عن محبوب الجميع على فكره هذا اللي مو عاجبك مستواه التعليمي حاصل على الدكتوراه الفخريه في فنون الكره مو من مدرسه ولا جامعه اخذها من جمهوره جمهور بمعنى كلمة جمهور وكل جمهور يحسدنا على جمهورنا واترك الخلق للخالق وانشغل بالرد على عميد الكذب والدجل صاحب الوجه الكأيب العابس المشيطن شيطان من زمن أول حصل له عصبه تسمعه وتاخذ بتفاهاته انبسط وصدق نفسه وهو المعيوب اللي يخر لانه منقوب وتعجز ألف رقعه ترقع رقعاته على كثرها فقراويه صاحبوا شيطان وش النتيجه ؟؟ هبيلان وأخوانه تخلف انحلال وانحطاط اخلاقي .. هذا هم بكل اختصار واذا كان سيد القوم بالاخلاق هي وش تترجى من عشيرته ؟؟ تاره تتهم وتاره تتشكى وتتباكى فكيف لا وهم تلاميذ في مدرسة شيخهم هبيلان صاحب النظريات المعقده واهمها ضربني وبكى سبقني واشتكى حتى الاستراحات تبرت من نباحهم لانهم وضفوها في غير مكانها نباح ورا نباح حتى ان الاستراحه ودها تستريح من كثر ما جابوا طاريها بغير وجه حق استريحوا فالاستراحات هي ملاذكم الاخير ومن ليس له حيله فليحتال بس اللوم مو عليكم .. اللوم كل اللوم على اللي سمع نباحكم وتضرر وضرر نفسه وضرر كتيبته استسلم لكم وهو الشجاع انخذل وهو القوي ذو البأس اقتنع بكلامكم فأحمر تاريخه معدن الرجال يبان في الشدايد يا بو فلان فلان بن فلان من الناس كان قبلك قائد للكتيبه والان هو مشرف عليها وش سوا فلان ؟؟ حقر نباحهم وما كانت الا تزيده قوه على قوه فكان هو القوي بوجه كل قوي متقيوي على غيره ترى اللي صار لك قطره في بحر هذا الفلان واذا اولك كذا وش رح تسوي بتاليك ترى هذي اول اشاعه وسوت فيك كذا !! الاشاعات جايه وكل اشاعه تجر اشاعه ومن اشاعاتهم رح تمل وحتى الاشاعه نفسها رح تمل من اشاعاتهم ابيك القوي بوقت ضعفك والذكي بوقت سفاهتك وانتبه من الاصفرين لانهم يجرون الاحمر وياما اخذت الاحمر حتى تعودت عليه وصار لونك المفضل بسببهم وبسببك أحمر تاريخك ويا للأسف فالتاريخ يظل تاريخ ومسجل بالوقت واللحظه والتاريخ الهجري والميلادي بطل تعود على دق الخشوم صاحب بطولات و صولات و جولات ارتقى بالكيان قاضي قضاه ومحامي على فريقه وبعد كل مباراه له حركه تاره يكسر خشوم وتاره يسكت جمهور رحم الله ايامك ويا كبر عتبي عليك ليه ما علمت الكريم الطيب اللي بعدك ان مجتمعنا كالغابه فالكبير يأكل الصغير والقوي يضرب الضعيف فنراه يرد عليهم بطيبة قلب ويا كثر ما عدا لهم حتى ضاعت حقوقنا ادراج الرياح فطيبته لا تخدم مصالحنا و طموحاتنا ولكنها تزيد اطماع الغير فينا فأصبحنا لقمه سهله بأيديهم وكل يوم تجينا عضه وكل عضه اقذر من القذاره اللي قبلها ليتك من بعد دق الخشوم علمته وقلت له وش رح يواجه ولازم يصير مثلك ولا حقوقه تضيع وبالامس القريب سمعنا صيحات تطالب بأبعاد مشرفنا وهو من اشرف على كتيبه مليانه بلاوي وتحملها مشرف يستحق شرف الاشراف عليهم مشرف وشريف بكلامه واعماله فألزموا الصمت يامن تطالبون بأبعاده فهو خير من يجلس ويتربع على هذا الكرسي محور بعيد كل البعد عن ما ذكرت اسماء معروفه مشهوره هي من تكتب وتحصل على شرف التثبيت سبحان الله فلا نرا غير كلامهم في أول الكلام ورغم كثرة الكلام يظلون بالأمام ليس لانهم يستحوق ولكن لان هذه اهواء من ورائهم ويناصرهم فهم يتجرعون الفيتامينات بكل انواعها الواو والتاء والثاء ليصبح كلامهم فووووووق .. تحت البنرات مباشره وبدون وجود الفيتامينات لن تقوم لهم قائمه تعودنا ان حياتنا تكون طلاسم في طلاسم عشان ما يزعلون منا واشوف كلامي بأقرب سلة مهملات واللي يبي يفهم رح يفهم واترك لكم حرية الفهم وكلن بما يراه شاكر ومقدر |
المشكله ان الدوري السعودي من افضل الدوريات في آسيا فنيا لكن لدينا اسوء اتحاد و البقاء للحقراء هكذا هي رياضتنا |
اسمحلي اهنئك على الإبداع وقد اصبت كبد الحقيقة يعطيك العافية ومن ابداع الي ابداع ان شاء الله |
كلام سليم وفي الصميم تسلم يمناك |
اذا تسمح لي بعلق على اخر جزئيه.. كتاب المميزين يستحقون تثبيت الموضوع بدون واسطه خصوصا اذا كان طرحه مميز وطرح مميز يوضح باسلوبه و محتوى الموضوع وان تكرر اسم العضو عادي وش ذنبه انه يملك فكر وقلم مميز يستحق التثبيت لتكريم العضو .... ليش الزعل؟ وش المواضيع الي تبيها تتثبت عشان يصالحونك ويصالحون غيرك مثل المواضيع الي تطالب بتنسيق لاعبين او بستقاله الرئيس..!! شكرا لك |
السلام عليكم كلامك سليم اخوي الله يعطيك العافيه وعساك على القوه ولكن اتفق مع الاخت هلالية محترفه بالنسبه لنقطة التثبيت مااتوقع فيه واسطات اذا الموضوع يستاهل بيتثبت لو تاخر اكثر من عدة ايام والدليل موضوعي الان مثبت وانا من خارج المملكه ويعلم الله مافيه اي صلة بيني وبين اي شخص بالشبكة ... وبالتوفيق ان شاءالله ... تحياتي لك ... جهراوي سلاااام |
كلام سليم وفي الصميم تسلم يمناك |
كلام من ذهب سلمت يمينك ياغالي |
إقتباس:
كلامك صحيح 100% ............ |
هاااااااااااااااااااااااااااااااااااااااااااااي الله يعطيك العافيه. |
حقا طلاتسم ×طلاسم من ابدع ماقرأت هنــــــــــــــا ولكن هل عتقد انه سيأتي يوم تحل فيه تلك الطلاسم ؟؟ |
إقتباس:
يسلم فمك كتبت فأبدعت وقلت الكلام اللي كنت بقوله والله انك جبتها على الجرح لكن من يفهم !!!! |
إقتباس:
انا معك .. في ( بعض ) الكتاب تشدني كتاباتهم لقوتها وجرائتها ولكن .. هل جميع ما يكتبه هالاشخاص يثبت ؟؟ مره تحصلين موضوعه جدا عادي ورغم هذا يتم تثبيته ليه ؟؟ لان مواضيعه تشفع له طيب الموضوع اللي كتبه عادي وما يتثبت بس ثبتوه لانه ( فلان ) وفيه مواضيع لو تتثبت لبعض الاعضاء اللي يتعبون وما تتثبت مواضيعهم .. كان شفتي دفعه معنويه وتطور بكتاباتهم لان ثقة المشرفين عطتهم الثتبيت وعطتهم دافع عشان يطورون كتاباتهم هذي وجهة نظري هذا مجرد نقد لتجنب الاخطاء واتمنى ما يصير عندنا تعصب ويجيك مشرف ماشي مليون ويحذف الموضوع |
إقتباس:
والله انه خبر مفرح واتوقع انها من النوادر ولو تلاحظ ان المواضيع اللي تتثبت اعضائهم معروفين .. شوف واحكم على العموم مو هذا موضوعنا فيه نقاط كثيره اهم انا كتبتها واتمنى انها تاخذ حيز جيد من النقاش تذكير .. النقد بقصد التطوير وتجنب الاخطاء هو هدفي .. ولا اقصد التجريح وياليت المشرفين يفهمون كلامي |
إقتباس:
مشكور عزيزي على هذا الاطراء طلاسم .. أكيد في يوم وبتنحل بس بالاول عقولنا تتغير ورياضتنا تطور .. شاكر ومقدر |
| الوقت المعتمد في المنتدى بتوقيت جرينتش +3.
الوقت الان » 02:34 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd