|
عسكري ولا لاعب ياحلالاه يالخفاره السلام عليكم خذ لك لفه على المواضيع اليومية للجمهور الهلالي وتفرج اضحك وابكي واستغرب كل شيء تبي تلقاها فيه واكثر شيء بتلقاه الحش والسب في اللاعبين هذا لاعب محرول هذا لاعب يقفز ع الكوره مايثبتها ويالله مستلمينهم استلام الله لا يوريك , فاصل ونواصل العسكري : نوع من انواع البشر يتذمر ليل نهار يدعي على الوظيفة ويشوف نفسه الانسان الوحيد الي يشتغل والباقين نايمين اذا جاته خفارة الساعه 2 بالليل يشغل سيارته بالسب كن الشتمية عنده بنزين الين يوقف له على لوري ثم يقدح له زقاره ثم يعطي سر الليل ويجيك راجع الساعه 4 ومن البكرة يقول الله ياخذكم يالموظفين المدنيين راقدين ماعندكم شغل وحنا الي نكرف نحميكم , STOP اللاعب المسكين أكثر انسان يكرف بدنيا ونفسيا في حياته العملية القصيرة تمرين الصباح وتمرين العصر وبلايستيشن بالليل << داخله عرض اااالمهم انه يبذل جهد بدني خارق وتلقاه مايرتاح مثل ابن بطوطه كل يومين ثلاثه بديرة وشنطته على ظهرة مافيها الا الجواتي والشرابات اعزكم الله ان مشى في الشارع لقى من يحش فيه وان دخل سوبرماركت استلمه العامل ليس سديق انتا مافيه سوووت كوره قوي انت مافيه كويس انتا لازم ركب نضارات حق رجل . عوده بلا عوده عوده قروي مسكين دمه خفيف لكنه عله نفسه ومنى عينه يشوف كوره على الطبيعه انتقل للعيش في مدينة تعلم ع النت وجاك يمتحن اهلنا بالتحليل الرياضي نرجع للمكروفين المكروفين الحقيقيين هم اللاعبين طوال موسم كامل يبذلون جهد بدني خارق وفي لحظة وغلطه يجيك العسكري وعوده مايخلون مسبة مايسبون فيها ذا اللاعب المسكين ويخلونه مايسوى قيمة الفنيلة الي لابسها والسبب معروف العسكري : انسان متذمر كل الناس عنده غلط الا هو الصح عوده : جاهل ماعمره شاف كوره ع الطبيعه الزبده الزبده ارحمو اللعيبة يكفي ضغوط عليهم ذولا بشر ماهم مكائن تكرف ليل نهار وحتى اعطيكم مثال على الضغط النفسي الي يمر فيه اللعيبة هذا لاعب جاي من سفر ورقد عندي في بيت الشعر ويوم جيت اصحيه الفجر واناظر الا المراكي يمين ويسار والمساند ملعوب فيها قلت ياولد وش السالفة المهم وانا اطالع فيه الا شوي جايتني المركى تمشي الفين اثر الرجال يتقلب ويشوت مراكي |
طيب ماقلنا شي بكلامك لكن عوده اذا سكت ع محمد نامي ونامي استمر بالغلطات هل يحق لعوده يتكلم ولالا يأبو عسكري أنـت..؟ |
هلابك اخوي طيب وش المطلوب 00!! ياغالي ياعزيزي نحن في زمن الاحتراف ونزول المستوى مرفوض خصوصا في اخر الموسم الرياضي نقول اوكي مابعد جاء زمن الاحتراف او لعيبتنا للحين موعارفين الاحتراف بالوجه الصحيح هذا مجال ر ياضي وانت يـ(لاعب) تعرف ان المباراة التي سوف تلعبها سيحضرها مايقارب (60000)مشجع يعني اذا منت كفو لعب كفو احتراف كفو نشاط كفو روح كفو عطاء ياحبيبي ابتعد عن هذا المجال وشفلك مجال ثاني ممكن تبدع فيه انا هنا لا اقسوا على اللعيبه ولا اطالبهم في المستحيل نريد مهم كما هم ياخذون ان يعطون فقط000!! اعتقد بذكر بس اسم واحد (نامي) اللله يرزقه وزيادة جاء بمبلغ ستة ملايين له مليون وسيارة وشقه وين العطاء وين الروح وين الاخلاص00!! تحياتي لك ياغالي واتنمنى تتقبل رايي == |
يالبى المواضيع القويه .. والله العضيم موضوع يستحق الاشاده من الكل .. وسالفة العسكري صحيحه ميه بالميه .. لازم احنا نخف على اللاعيبه .. وبعدين نامي الاداره اخبر لاتجرحه تسبه سب كنه شاتمك .. الله يصلح الجميع .. |
حلووووووووووووووووه المراكي |
إقتباس:
وبعدين نامي لو سئ ماخذه المنتخب وابقوه المدربين شوية منطق الا اذا ان نامي مسوي دنبوش للمدربين |
ابغى افهم إشبك ع العسكر؟؟؟ بعدين انت تقول العسكري خفاره من 2 لين 4 ؟؟؟ والله انا اشوف نصف العساكر بالشوارع ووسط الشمس والحر والرطوبه والامطار والغبار وانت جالس تكتب تحت المكيف ؟؟ العسكر هم اللي جالسين يحمووننا من بعد الله .. وكم عسكري استشهد على يدين الارهابيين وكم فقدنا من صديق وقريب واخ وهو يضحي عشان يوفر لنا الأمن والامان من بعد الله سبحانه وتعالى .... وانت جاي تقول هالكلام عنهم؟؟ يااخي اتقي الله في نفسك واكتب كلام معقووول وتكلم عن اسباب الخساره وبروود لاعبينا وضعف مستواهم ... |
إقتباس:
حياك وبياك اخوي انا ابي اتقبل رائيك لكن لازم يكون رائيك منصف انا ابي اوقف عند نقطة كفو هذي اولا هل تعتقد ان مجموعه من الرجال خلف النادي ومدربين محترفين وجمهور لا يرحم راح يسمح انه يدخل لاعب للهلال ماهو كفو !؟ انا اقولك مافيه لاعب لعب مع الهلال الا كفو انه يلعب ولا ماندفعت فيه ملايين والكفائة الي اتكلم عنها هي الكفائة المنحصرة في الجانب الفني اما الجانب الاخلاقي هذا شيء اخر وسيكون النقاش حول هذه النقطة عاصف عموما انت خلك منصف للاعبين ولا تضلمهم محمد نامي يلعب موسم كامل مع الهلال ومع المنتخب ابيك تحسب لي الوقت الي ارتاح فيه وقارنه مع مجموعه من اللاعبين الآخرين !! النقطة الثانية فاعليه اللاعب تختلف من لاعب لاخر مثلا عندك التايبب لياقته تعتبر ضعيفه مقارنة ببقية اللاعبين لكن ادائة متميز بحدود الامكانات اللياقية وفاعليته افضل من كوكبة من اللاعبين طيب وش دخل هالنقطة في نامي وغيره من اللاعبين !؟ الي ابي اوصل له انه وفقا لامكانات اللاعب اللياقة والمهارية اللاعب ادى الي عليه وزيادة وافضل من مجموعه من اللاعبين ومعروف اننا مانطلب من نامي مثل مانطلب مثلا من التايب ولا ياسر ! يعني الدعوه نسبة وتناسب انت وش تطلب من اللاعب الفلاني وفقا لامكاناته ووفقا للمبلغ المدفوع له والمتوقع منه |
إقتباس:
يا حليلك بس يا كا تب الموضوع مشكلتك انك توك صغير ما ذقت طعم الخفاره ولا سهرت الليل ولاطرت ارهابين حنا اذا داهمنا موقع ما ندري نرجع لي اهلنا او لا حياتنا مهدده بالخطر وليت الرواتب زينه تقارنا بالاعبين مقدمات عقود ومكافات وراتب اكثر من عشرين الف في الشهر ويوميات المعسكر غير الهدايا من اعضاء الشرف حنا ياليت يعطونا بدل سكن يارجال خلنا سا كتين الخافي اعظم تحياتي لهلالي مكه رد من اروع الردود [email protected] |
إقتباس:
إقتباس:
انا قلت لكم ان العسكر متذمرين وذولا امثله |
إقتباس:
|
حلوهـــ مشكور على هيدا موضوع تحياتي لكمـ |
موضوعك جدا ممتاز واللبيب بالاشارة يفهم !! |
إقتباس:
هلابك ياغالي لالالا فيه لاعبين مو كفو يرتدون الفانيلة الزرقاء وبدون ذكر اسماء لاعبي الواسطه ولاعبون مجاملون هذي الحقيقة اذا تبغاها 00واذا ماتبغى بكيفك ياغالي ------ انا انتكلم عن الكفائه في الجانب الفني فقط الجوانب الاخرى وش دخلنا فيها راجعه للاعب احنا ندافع عن الاعب المبدع ونسامحه اذا اخطا مثــــال : الدعيع ولكن لاعب لعب موسم كامل ونصف هزائم الفريف بسببه اعتقد لايستحق ان ندافع عنه ولايستحق ارتداء اللون الازرق تحياتي |
الكتابه فن وثقافه ومن أجل ان تصل بالصوره الحقيقه وتعكسها صحيح لابد ان تتذكر انه ليس مهم ان تقارن أحد بأحد حتى تروي قصه هلاك اللاعبين وارهاقهم وتذكر شي مهم حول اللاعبين واثمان ما يتلقونه من تعب .. من ابواب الفقر و الجوع اصبحو مليارديريه والدليل ياسر القحطاني من ضمن قائمه اغنى ثلاثين لاعب (فالعالم ) وسامي الجابر كم يمتلك شركه واصبح رجل اعمال لاعبين يجدون المقابل والجنود ليس لهم وجود <-- فكر واقعي |
| الوقت المعتمد في المنتدى بتوقيت جرينتش +3.
الوقت الان » 10:27 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd