12/05/2009, 08:55 PM
|
| زعيــم فعــال | | تاريخ التسجيل: 13/10/2008
مشاركات: 242
| |
| أعتقد ان المدرب هو الأعلم والأصلح انه يحدد قائمة المستبعدين ولا ننسى إن اللاعب الشاب قد يكون جيد ولكن في حالة لعبه مباريات قويه لا يظهر بمستواه لأنه تحت ضغط كبير
في حالة استمرار المدرب لأكثر من سنتين راح تجدون لاعبين صغار كثر وجيدين لأن المدرب راح يختار الأفضل كما فعل كوزمين مع الفريدي والزوري وعبدالعزيز الدوسري
واخص بالذكر الفريدي والزوري كوزمين عرف متى يلعبهم وخاصه احمد الفريدي
يعني الفريدي الموسم الماضي اول موسم لكوزمين كان بداية الموسم الفريدي احتياطي او خارج القائمه كلها ولكن بعد بطولة فيصل بن فهد ضمه كوزمين للفريق واخذ فرصته كامله وأبدع فيها
المدرب هو اساس كل شي في اعطاء الفرصه للاعبين الشباب وخاصه ان تقريبا سوق اللاعبين السعودي ليس كأسواق اللاعبين العالمييين يعني تقريبا الانتقالات تصير بالعناد وكثير مواقف صارت مثل ياسر وأسامه وعيسى إلي جميع الأنديه قالت بتعرض عليه ويوم جى الجد ولا أحد عرض على اللاعب ونفس الشي لحسن معاذ مع ثقتي الكامله ان الشباب عنده من يسد الفراغ إلي راح يتركه حسن معاذ بس ليش يبيعونه للهلال
وقس على ذلك لاعبين كثر تدخل فيها العناد
اما بالنسبه للاعبين إلي ذكرتهم صحيح فيه بعضهم برأي الشخصي اعتقد انهم اعطوا كل إلي عندهم مثل المفرج وعبدالعزيز الخثران
ولكن الموري واللاعبين الأخرين بإستثناء الشلهوب يعتبرون لاعبين احتياط او حتى صف ثالث يعني في الموسم كله تلقاه يلعب مباراه او مباراتين وهذا ليس هناك ضرر منه لأن قائمة الفريق 40 لاعب ومستحيل تضع 40 لاعب بنفس المستوى مهما صار قوة الفريق
حتى في الفرق الأوروبيه الكبيره اللاعب الاساسي غير مستوى الاحتياطي مثال على ذلك برشلونه الإسباني إلي حتى لا يوجد لديهم إلا مهاجم واحد كإحتياطي وهو بويان وعمره 17 سنه وبالنسبه للدفاع نفس الشي في برشلونه فهذا شي طبيعي جدا إنك مستحيل ترا الأساسي مثل الاحتياطي إلا في حالات نادره بس القضيه ان اللاعب الاحتياطي في اوروبا اذا نزل ارض الملعب يلعب بكل قواه عشان يحاول يثبت انه يلعب اساسي واذا ما اقتنع المدرب طلب الانتقال وتأتيه عروض وهذه للأسف هذه العقليه لا توجد في اللاعب السعودي إلي اذا وصل للهلال او للفرق الكبيره حتى لو يجلس احتياط ما عنده مشكله اهم شي اني بستلم راتب كبير
القضيه على ادارتنا ان تضع الرواتب بالشكل الصحيح واذا رفض اللاعب فالإنتقال والبحث على غيره
ومثل ما جانا العنبر وبدايته الجيده او الصويلح وبدايته الجيده نستطيع احضار لاعبين مثلهم بالبحث عنهم وارسال كشافين للدوريات الأولى والثانيه وإرسال تقارير كافيه واتمنى تفعيل مثل هذه الأمور لأنها راح تفيد الفريق مستقبلا حتى لو كان اللاعب المستكشف للإستثمار فقط كتطويره ثم بيعه بسعر أعلى
وانا واثق ان شاء الله على قدرة الإدارة في تغيير مفاهيم كثيره وايضا إدخال الاحتراف بشكل اكبر وما طلب سامي الجابر لدكتور نفسي للفريق إلا بداية تغيير مفاهيم كثيره |
الوضع العادي
