|
عبداللطيف الحسيني انت تظلم نفسك صدق شبية الريح في وصف دقيق للكابتن عبداللطيف الحسيني عندما قال في مقابلته مع صدى الملاعب : عبداللطيف الحسيني يظلم نفسه اذا اعتقد انه ليس مدرب فني ... ويحصر نفسة بالمدرب اللياقي ... فلديه رؤية فنية عالية . دخولة بتشكيلة غير متوقعه و افضل ما يمكن اختيارة لعبه بتوازن خلال الشوط الاول ( المدربين العرب وبعض البرزيليين في طبعهم المجازفة من البداية وقد يخسر المبارة من البداية ) مع التركيز على الهجمات المباغته من الطرف الايسر وصناعة مثلث رائع ( التائب الشلهوب الصويلح ) و نعذر اضاعة الفرص بسبب عدم لعب الشلهوب والصويلح خلال هذا الموسم سوى فترات لو جمعت ما كملت مبارة الاندفع بالهجوم الشوط الثاني باسلوب زيادة التقدم تدريجيا وتنويع الهجمات من الجهه اليمنى واليسرى .. مع تكثيفها من الجهه اليمنى ( ويلي) مراهنته على الشلهوب بان استمر عليه وقت اطول ... وما خاب ظنه فالهدفان بدايتهم من قدم الشلهوب مراهنته على الصويلح الذي سبب ازعاج للدفاع الشباب رغم انه وحيد في الهجوم وبعد دعمه بمهاجم قريب منه في الثماني عشر (سول) فتح الخانت لهم وكان له تاثير كبير في الهدفين الطلب من سول في هذه المبارة والمبارة السابقة في التواجد كثير داخل خط الثماني عشر ودعم المهاجم ( على غير العادة التي كنا نرى سول بها ) وجاب هدف اخيرا مشاركة المرشدي الغائب ... رغم بدايته الا انها اثبتت انه افضل بكثير من بديلة واختيار رائع التركيز على العرضيات من يقل عطائة على طووول يضع البديل له والملاحظة الاهم ان مستوى الهلال في تصاعد كبير وبخطوات اكبر من المتوقعه شكرا جزيلا مدربنا الرئع ونتمنى استمرارك كمساعد للمدرب |
والله لا اسمحلي يا طويل العمر لاعب زي نامي الزوري الغنام الخثران العنبر وليهامسون بالله هذولي كفو يمثلو الخارطة الزرقاء والله الهلال شرب مقلب وليهامسون والله مقلب يا كثر اللاعبين غير وليهامسون وبسعر اقل لاعب لا يصنع الفارق ......... |
الله يكتب اللي فيه الخير للزعيم ..................... |
والله المدرب ماقصر وبيني وبينك يوم شفته يصارخ ويهاوش الاعبين عرفت ان الهلال بيسوي شي كلنا كنا نشوف كوزمين وتعامله مع الاعبين داخل الملعب وربي كان ينافخ عليهم منافخ يخلي الواحد يركز بالمباراه ويطلع كل الي عنده وأعجبني كثيرا يوم غير نامي ودخل رادوي ياخي تحس انه فاهم كوره وعارف الاعب الي مارح يسوي شي حتى لو نكبنا رادوي بثلاثه أهداف مو هدف واحد شوفوا كيف شجاع ويدخل بالكوره وماهو مرتبك زي نامي والاعبين اليوم كانوا موفقين ماعدا الصويلح الي سلمه الحسيني طعم للدفاع الشبابي ومع ذلك الطعم حاول يسوي شي لكن ماش الكرشه تمنعه أتمنى من الصويلح حبيب قلبي يقلل من وزنه الي زايد مره وياجماعة الصويلح مع العنبر اذا لعبوا مع بعض يعتبرون قوة هجومية لكن اذا لعب واحد منهم فقط يعتبر نص قوة الشلهوب حرام يغيره بعد ماصنع هدفين حرام الا اذا كان يبي يدخل العنبر بداله لكن برضوا مدرب يعجبني والله الحسيني ويكفي انه رجع لنا المرشدي الي عيب اننا نطالبه بمستوى ممتاز هو والصويلح الصويلح متى اخر مره طقها مع الهلال غير مباراه سابابتري الي لعب فيها وحاول والمرشدي وربي صلب صلب لكن الي يقهرك بهالمباراه هو الجمهور النايم حقنا مارح اتكلم عنه واخلي الي يتكلم عنه هو حال الهلال |
لوكان الامير جاد في كلامه... كان اعطاه الثقة حتى الموسم القادم وبلاش غريتس ..!! وطلبوا من الحسيني يحضر طاقم متكامل لمساعدته هذا وايضاً يعطية ولو ربع راتب لكنز ونشوف النظره الحقيقية لسموه الفنية ..!! مشكلة الرئيس انه يعتقد ان الفلوس فقط هي من تاتي .. البطولات الحسيني درب الهلال في ثلاث مباريات جميعها فوز الاولى امام الوحدة والثانية امام سابابتري الايراني والثالثة امام الشباب لكن عقدة الاجنبي مشكلة كبيرة...... المدرب الوطني اذا لم تثق به الاندية الكبيرة لن ينحج ..!! هذا مجرد رأي |
إقتباس:
اما بالنسبه لبقية اللاعبين الذين ذكرت فماقصروا -(ويلهامسون ) لا تنسى انه ماشاء الله مستواه ثابت طول الموسم ولياقته عاليه وهو احد الاسباب والمساهمين في حصول الزعيم على بطولة كأس ولي العهد. - (الخثران) بصراحه لاعب يحتاج من يوظفه صح في التشكيليه الهلاليه واستطاع المدرب عبد اللطيف الحسيني ان يوظفه صح وكلنا رأينا كيف كان مستواه الممتاز في مبارة سابا الايراني في ايران والقادم احلى . -( الزوري) ماشاء الله عليه قدم مستويات مشرفه هذا الموسم اللذي مضى وهذا الموسم دلاله ان مستواه ثابت ويكفيك انه من ضمن قائمة منتخبنا السعودي صحيح انه اضاع فرص اهداف لكن مهوب اول واحد يضيع اي لاعب عالمي قد لا يحالفه الحظ في التسجيل .. ولا تنسى انه حصل على جائزة افضل لاعب واعد الموسم الماضي. -(الغنام ) عين عليه بارده صحيح انه غاب عن التشكيلة الهلاليه فتره طويله لكن المباراتين الماضيات أعطى مالديه نال استحسان الجمهور وإدارة الهلال وهذا دلاله انه لاعب لا يتأثر ولا بد من الصبر عليه . -(العنبر) مهاجم ممتاز لكن غيابه عن التشكيلة الهلاليه أثر عليه كثيرا في المباريات السابقه وتشكيلة الهلال في اللعب هي من فرضت عليه هذا المستوى ولكن لاتنسى انه لديه سبعة اهداف او اكثر بالدوري ولا ننسى هدفه بنادي الوحده الهدف القاتل في مكه. لاعب يحتاج من يسانده ولا بد من الصبر عليه . في النهايه شكرا لكاتب الموضوع وهذي وجهة نظري . |
الله يعطيك العافية ، و الكابتن عبداللطيف مدرب تكتيكي رائع الله يحفظه ، لكن الرجل تخصص في اللياقة البدنية :yes: |
هو ماقصر لانه مدرب غير فني لكن اخطا امس خطا شنيع بإخراج الشلهوب يعني الشلهوب صنع هدفين وتحرك تحطمه تطلعه وتلعب لاعب وسط من شهور ماشفنا يعني لو ملعب العنبر يمكن تنبلع الحسيني لو امس بس سحب الزوري بعد الهدف الثاني ولعب العنبر بداله كان شفتو الهلال وش راح يسوي لكن خيرها بغيرها اللهم لك الحمد |
إقتباس:
بالله هذا كلام .... ويلهامسون افضل لاعب اجنبي إلى جانب طارق التايب... يكفي انه أهلنا إلى نصف النهائي.. وأكبر دليل على إنك ظلمت اللاعب إنك ماذكرت سول ... بالله سول افضل من ويلي.... |
والله انا معجب بهذا المدرب جدا جدا وهو مدرب قدير وعاش مع عدت مدربين واخذ منهم الكثير واتى الوقت الى ان يصبح مدرب للهلال اوغير الهلال انه مدرب كبير |
إقتباس:
طلبوا منه من بعد مباراه الوحده ورفض الحسيني وجوده في الهلال مكسب كبير وبصراحه لازم يكرم وياليت ياشباب لانبخس حق الآخر ونقول شكرا يالحسيني |
إقتباس:
أوافقك في جميع ما ذكرت وأخالفك في الزوري و الخثران |
الجميع ما قصروا امس المدرب واللاعبين والكن العتب على الجمهور اللي ما حضر وساند والدعيع كان نجم مباراة امس برغم الهدف اللذي دخل مرماه |
الله يكتب اللي فيه الخير للزعيم ..................... |
يارجال ما حاقها الا الحسيني خله بس في اللياقه اصرف اجل فريق خسران في مباراة الذهاب 3 صفر ويلعب بهالخطه في مباراة الاياب قسما بالله ان المدربين البرازيليين والوطنيين اللي يجازفون من بجاية المباراة افضل على الاقل تحس ان عندهم شجاعه اما عبداللطيف الحسيني فهو ماهمه الهلال قد ما همه نفسه انت تدري ليه لعب بهالاسلوب ؟ لأنه خايف يجازف ويخسر , على باله انه في كل مبارياته اللي درب فيها الهلال ما خسر . انا كنت من اشد المعجبين فيه بس بعد مباراة الشباب اقول له ما عندك ما عند جدتوخل في اللياقه اصرف . تقبل مروري |
| الوقت المعتمد في المنتدى بتوقيت جرينتش +3.
الوقت الان » 07:10 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd