|
ياخي اللي مايعرف دور ويلي بالملعـب .. اعتبره فاشل رياضيــاً ياخوي هو اللاعب الوحيد اللي يحرث لك الملعب .. يقطع كور .. يرجع ورا .. ويطلع قدام تلاقيـه يمين ، وتلاقيـه يســاار .. ماشاء الله على لياقتـه هذا اللاعب الحــر .. مب لازم يجيب لك هدف .. ممكن يصنع لك هجمـة .. ممكن الهجمـه تبدأ من عنده .. ومثل كذا ،، |
ويلي جيد وليس ممتاز وبصراحة المبلغ اللي جاء ويلي فيه لو إسثمر في لاعبين محلين كان أفضل بمراحل. يعني معقوله 50مليون ماتجيب الرهيب والقحطاني عبدالرحمن مع بعض. صدقوني بنصف المبلغ لو عرض على الإتفاق كان وافق الدوسري ولا حتى الدوسري يجي فوق البيعه |
شف يالحبيب مثلا الحين رادوي افضل من ويلي ويمكن يا جا المدرب احتاج ويلي بتنفيذ خطته ويصير ويلي يقدملك مستويات ورادوي اقل مستوى يعني بالعرربي المدرب الجاي مادفعت الاداره فيه مبلغ محترم الا عشان هو الي يختار اما من وجهة نظري ويلي ممتاز وله فضل بعد الله بتحقيق بطوله كاس ولي العهد وله دور باخفاء عيوب نامي الي ودتنا بداهيه وانا عن نفسي اتمنى يستمر ويلي بس القرار للمدرب وانا معه لو يختار الي يختاره |
ولي لاعب كبير ومن افضل الأجانب حتى انه افضل من سول ومن رادوي كم مره انقذ الهلال من هزيمه يكفيك قدام النصر صنع اهداف وجاب اهداف وش تبون اكثر يعني على مبراتين ثلاثه ما ابدع تبونه يرحل لا تنسون يوم طارق ما قدم مستوى في عدد من المباريات طلبتوا منه الرحيل ورجع لمستواه يمكن ولي يرجع لمستواه محد يدري |
احترم وجهة نظرك اخوي الامبراطور ولكن انا من وجهة نظري الخاصه اشوف ويلي لاعب فنان وعالمي وسجل الكثير من الاهداف المهمه للفريق وساهم في صنع الكثير من الاهداف ولكن مشكلة ويلي تكمن في رجوعه للخلف كثيراً وذلك لمساعدة نامي وهذا قلل من خطورة ويلي بشكل كبير ولو تلاحظون معي عندما يتقدم ويلي للهجوم يشكل خطوره على الفريق المقابل ودليل ذلك عند خروج نامي ودخول رادوي الكل شاهد كيف تحرر ويلي من النواحي الدفاعيه وهاجم بضراوه وسجل وصنع اكثر من هجمه وكان نجماً بعد مساندته للهجوم طارق التائب لاعب رائع وفنان ولكن يعاب عليه اللعب الاستعراضي والكباري والبطئ الزائد اتمنى استمرار طارق التائب كنجم مميز ولكن عليه ان يعرف ان الهلال يبحث عن البطولات وليس الكباري اما رادوي فهو نجم ويتمناه اي فريق وفي نفس الوقت جوكر يلعب في اي مركز ولكن مركز المحور يوجد به نجوم مثل الغامدي والغنام وعزيز ومدام الهلال يملك بطاقة اللاعب اتمنى اعارته لاي نادي والاستفاده من مبلغ اعارته في جلب مهاجم هداف يعوضنا غياب ياسر والمحياني عند استدعاءهم للمنتخب وانا اتمنى مهاجم عالمي عليه القيمه واذاكان لاعب اسيوي اتمنى الهداف الخطير عماد الحوسني فهو مكسب مشكور اخوي الامبراطور 16 على الموضوع الرائع والله يعطيك العافيه وتقبل مروري ياغالي و آسف جداً على الاطاله |
اختلف معك فـــي مسألة ويلي بصراحه غطى اخطاء نامـــي لولا الله ثم ولي كان الجهه اليمنى في الباي باي لاعب يفيد الفريق كثيرا لاعب لياقي يصنع يسجل يدافع يهاجم اتمنى ترحيل التايب لاعب يستعرض اكثر مما يفيد الفريق وعنده ايقاف ايضا الموسم القادم وكثير الاصابات واتفق معك في البقيــــــــــــــــة تقبل مرورري |
الله يعطيكم العافيه الله يوفق الزعيم |
اتمنى اتمنى اتمنى بقااااء رادوووي .... ويلهتمسون ما قصر ... |
بأذن الله راجع بكل قووووووووووووووووووووووووه |
الله يكتب كل ماهو خير للهلال مشكووووووووور اخوي تقبل مروري |
اتفق معك بكل شي صراحه كفيت ووفيت يعطيك العافيه وتأهالنا لدور ال8 بحد ذاته في ظل هذي الظروف صراحه اعتبره انجاز |
كلام جميل ويلي لاعب فاشل وبس يركض الله يفكنا منه وربي لو يروح العاب قوى افضل له |
الله يكتب الي فيه الخير وويلي تكتيكي ورادوي مقااتل وسول مااش والتاايب ماهما قلنا ما راح نوفيه حقه |
نبي لاعب هداااف بدال ويلي ويستحسن انه اسماعيل مطر اتوقع انه بينجح مع الزعيم وبالنسبة لرادووي فالغلطة اللي ارتكبها مو معناها انه سئ الكورة حظوظ واتمنى استمراره |
إقتباس:
شكل الكوره في وادي وانت في وادي...ويلي اهم لاعب يلعب بروح قتاليه واصرار وهو يغطي على اخطاء نامي يعني يهاجم ويدافع وماقصر واتمنى التجديد لانه لاعب عالمي يحتاجه اي فريق وتاريخه يشهد بذلك |
| الوقت المعتمد في المنتدى بتوقيت جرينتش +3.
الوقت الان » 01:36 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd