الحسيني ماقصر ولكن اخطأ 3 مرات
 

اخواني الزعماء هارد لك على النتيجة النهائية فقد كانت النتيجة مهمه معنويه ولو اننا كنا نتمنى الفوز وكان باستطاعة الزعيم ان ينتصر على الشباب بأربعة ولكن قدر الله وماشاء فعل .

موضوعي عن الحسيني انه استطاع ان ينتشل الفريق من الناحية النفسية في المباراتين ولكن من الناحيه الفنية اخطأ عندما استبدل نامي وادخل رادوي ( ولو اني استحسنت التبديل ) واعتقد انه كان من الافضل اخراج الغنام الذي لم نستفد منه لادفاعا ولاهجوما ولا حتى تمريرا .
الخطأ الثاني انه لم يستعن بالعنبر الى جانب الصويلح منذ بداية المبارة لان الفريق ليس فقط يجب ان يفوز بل وبفارق 3 اهداف والجميع لاحظ ضعف متوسط دفاعي الشباب .
الخطأ الثالث والفادح في نظري ادخال فهد مبارك وهو الذي لم يلعب منذ مدة في تبديل يثير تساؤلات الجميع من الهدف من التبديل .

عموما اتمنى من عبدالرحمن بن مساعد ان يفكر بجلب ظهير ايمن محلي واتمنى ان يكون الطريدي خاصة واننا قرأنا عن انتهاء اعارته للاتحاد وهو في اعتقادي انه سيحل هذه المعضلة , والسهلاوي ايضا لاعب جيد ومتحرك ومهاري وافضل من الصويلح بمستواه الحالي .

الحمد لله على كل حال ولكل مدرب فلسفه والله كان الحسيني بيجيبها لكن قدر الله وماشاء فعل

العنبر اما اعاره او تنسيق ،،،،،،،،،،،،،،،،،،،

العنبر يجي منه بس قلي في الخثران وسلطان السعود والغامدي والمفرج

الحمد لله على كل حال


و مثل ما قلت الحسيني افضل الموجود

و الله انه ابرك من ليكنز الغفله

خلاص مباراة وانتهت

واهم شي عندنا الاسيويه لازم نملى الملعب

....................

الف الف شكر للحسيني والله ماقصر كفاايه انه من استلم التدريب فاز بماراتين اللي لعبها

والأهم عوده الرووح للزعيم ..

تحيااتي لعبداللطيف الحسيني ...

الحقيقه ان مباراة امس كانت خطأ واضح من الحسيني ... كيف تلعب براس حربه واحد وانت محتاج ثلاثة اهداف والدليل ان المباراه كانت ممكن تكون من صالح الهلال الهدفين اللي في اقل من دقيقه .. وهذا لايقلل من فريق الشباب الواصل الى هذه المبارة النهائيه بجدارة .. عمومآ الف مبروك للشباب وحظ اوفر للهلال وأتوقع ان الكاس شبابي والله أعلم

اقول انتو جالسين تتكلمون عن نامي ونسيتو الصويلح الي مايعرف شي اسمه هدف ماغير يطامر ويتبطح بالملعب لا والحسيني لاعب بمهاجم واحد وش هالتفكير يعني بياسر وبدون ياسر مهزومين فايزين ما عندنا غير مهاجم واحد وحاطلي الغنام ومخلي رادوي ضهير
متى بس الله يزيح بعض اشباه الاعبين ياناس هذولا مش من مستوى الزعييييم ومتى الله يرزقنا بمدرب يفهم ويعرف الاعب من الي دخل النادي بالحظ لا ويجون الهلال وتتغير اصواتهم ولهجاتهم يعني زعطه ودجه ومكانهم مايتعدون نادي الرياض والنهظه مع احترامي لتاريخ الناديين
شكراً

شكراً لك ،
وجهة نظرك و أحترمها ،
لكن انا أشوف ان التبديلات كان في محلها :) صحيح ان رادوي لم يكن في يومه و هو في هذه الخانة لكن الكابتن الحسيني اضطر لهذا الامر .. لانه لايوجد ظهير احتياط ، و نامي مستواه فاشل و زادها في هذه المباارة ،
آما تبديل فهد مبارك فــ كان الهدف منه إيجابي يعني هو اراد ان يفتح اللعب بشكل عرضي في الهجوم يعني سول يذهب يسار و المبارك يكون يمين و تستفيد من تحركات ويلي من العمق مع الصويلح ،

..........................

المدرب كان يخاف يسجل فيه هدف ويصعب المهمة بالعربي ونامي فاشل

مشكورين اخوي والله يعطيكم العافيه ....................



تحياتي للجميع

صحيح لكن وش يسوي بأخطأ الي قبله وش يعدل

قدر الله وماشاء فعل

وانتم يازعماء لا تحملون اللاعبين فوق طاقتهم


والله لو تعرض فريق غير الهلال لما تعرض له الهلال صدقوني مراح يستمر


مثل مااستمر الهلال

ولو مع ان كلمة لو ماتنفع لو استلم الحسيني الفريق من بعد رحيل كوزمين

لحقق الهلال بطولة الدوري وبطولة الابطال

خاف ربك ياخي .. الغنام ما استفدت منه ؟؟؟؟


ما يقطع كور امس الا الغناااام ..


واذا على الحسيني ما قصر .. وانا اشوف ان خطأه الوحيد ادخال المبارك .. المفروض بداله العنبرررر .. غير كذا ما قصرررررر

أهم شي عادت روح الفريق ....وهذا أهم شي ....
بالنسبه للتغيرات ... فعلا المبارك ما له داعي ينزل ....
والغنام المفروض انه مالعب أصلا ...
والله الغنام احس انه انتهى وما عاد عنده شي يقدمه للفريق .

خلااااااااااااااااااااااااااااص انتهت المبارة ونتمنى التوفيق بالاسيوية

وياااااااااااااااااااااااااارب تكون من نصيبناااااااااااااااااااااااااااااااااااااااااا

عوده ابو بندر محمد الشلهوب لربع مستواه امس هذا اهم شي والروح الهلاليه ظهرت في لقاء البارحه


حمد الله على كل حال ,,,

كل الود ,,,

المباراة انتهت ويجب التفكير الاسيوية ولن يتأهل الهلال لدور الثمانية بهؤلاء اللاعبين

نريد ظهير أيمن مميز وكذلك محور هجومي

ورأس حربة صريح وليكونو نشأت و ألفيس

والله الغلط هو من سمح لك بوضع هالموضوع الحين الرجال غامر بعمره وكلف على نفسه حمل هم وتشكيلة الفريق والنتيجة محسومه من البداية وزد عليها الضغط النفسي اللي لو يجي اكبر وافضل اخصائي نفسي من الصعب عليه معالجة الوضع ومع ذلك حاول الحسيني والنتيجة هدفين لواحد وضاعت هجمة من المبارك هذي وارده والصويلح اجتهد والإستعجال في شوت او استحواذ على الكرة يرجع على الضغط النفسي شي طبيعي اهم شي ان الهدفين خلت الطبلان يتنرفز ويدق قلبه مسوي انه عقلاني في تصاريحة وباطنها خبث ودهاء وكره مع العلم ان بعض عباراته تخونه وتدل على باطن تفكيره

صح صح صح
نفس وجهة نظري ..!

الخطاء الوحيد لعبد اللطيف الحسيني هو لعبه بمهاجم واحد من البدايه
واتوقع لوهاجم من البدايه بمهاجمين العنبر والصويلح كان الوضع تغير للافضل
ولكن الحمدلله قدر الله وماشاء فعل واهم شي بطولة آسيا تكفون لاتضيع علينا
ويجب حل مشكلة الظهير اليمين بسرع وقت ممكن فهي نقطة ضعف واضحه
ونامي لاعب مظلوم في هذه الخانه فهو لاعب وسط جعلوه كبش فداء في هذه الخانه
واتمنى عدم القسوه عليه فهو يريد خدمة الهلال في اي خانه ولكنه لم يوفقه الله

اذا اراد الهلال ان يعود زعيماً كما كان يجب الرجوع للطريقه الهجوميه ولاغيرها 4-4-2
وترك خطة الانديه الضعيفه 4-5-1 وعند ذلك ان شاءالله بطولة آسيا هلاليه بالقوه الهجوميه

مشكور اخوي البدر والله يعطيك العافيه

بالعكس اتوقع ادخال المبارك ورادوي تبديل حلو لكن خروج الشلهوب صانع الهدفين هذي صعبه شوي يبي لها تفكير



نامي نقظه ضعف


وجهة نظر

بصراحه أخطأ الحسيني خطأ فادح وحرمنا من الفوز على الشباب وهو بعد ما مرر الشلهوب هدفين في دقيقة واحدة كان من المفترض أن يخرج الزوري ويلعب العنبر ويطرد فهد المبارك من الاحتياط وسلامتكم

الخطأ الاكبر اشرااك نامي في المباراة واستدرك الخطا متاخر مما اربك رادوي الذي تفاجأ باقحامه في هذا المركز على مااعتقد ولو كان في التمارين مخطط المدرب باشراكه كان لحقنا الفوز من اول المباراة وبنتيجة كبيرة ولكن الله المستعان على الدهية نامي.

أنا مادري كيف نامي يلعب مع زعيم القارة ..؟
حتى فريق الدرعية كبير عليه ..
المفروض يلعب كرة سلة وإلا يد ويفكنا منه ..

ما ادري ليش ما تقول هذي وجهة نظرك بدون تجريح , واللي سمحلي بوضع هالموضوع لاني هلالي وبهذا انت تناقض اسمك يالحبيب .

وبعدين وش المانع اني اقول الحسيني اخطأ او حتى عبدالرحمن بن مساعد اخطأ , انا هلالي مثلي مثلهم ويحق لي انتقدهم اذا اخطأوا وانت كذلك من حقك انك تقول اني اخطأت بس مو مثل هالاسلوب لان كلنا نسعى الى ان يكون الهلال دائما بالمقدمة وشكرا.