جمهور المقاهي مع احترامي لهم انا من القصيم واي مبارة مهمه احظرها واغلب الاحيان احظر قليل ما احصل جمهور من الرياض الي من جدة الدمام القصيم والي نازل زيارة لــ الرياض واتصل با اقاربي احظروا المبارات يقلون المقهى احلى ؟؟










جمهور المقاهي الأول







تحياتي

تنتقدون وتكتبون وتقولون كل اللي بخاطركم .. بس يظل (( جمهور الرياض )) أحد أكبر مساندين هذا الكيان

وعلى فكره .. المملكه مو كبيره كثير

يعني لو فيه مباراه بالرياض وش يمنع جمهور القصيم والشرقيه انهم يحضرون ؟؟؟؟

ترى الرياض تبعد عن الشرقيه ساعتين ونص

يعني هذا مو عذر

ولا تقارن استاد الملك فهد بأستاد الدمام

وش جاب لجاب (( نقطه في بحر ))

يعني استاد الملك فهد لو حضر فيه 30 ألف مشجع يبان انهم قليل مره

بس بالدمام لو خضر 20 ألف بس يبان انهم غطوا اغلب الملعب

واللي ينتقد جمهور الرياض فهو ينتقد أكبر قاعده جماهيريه بالمملكه و آسيا

..

شاكر ومقدر

كلأامك عين العقل اشكرك على الموضوع المهم

الكلام في الماضي نقصااااااااااااااااااااااااااااااااااااااان عقل والله ناقصين مخ وعقل انتوا
ياخوي كل واحد بضروفه ولا لازم كل مباراة يجي الجمهور وبعدين خلاص المباراة محسومة للشباب انت اول شيء جيب لاعيبه يلعبون بضمير الهلال وهذيك الساعة طالب الجمهور بالحضور اما مخلي فنايل تلعب بالملعب لا يخوي لا حد يجي ونطلع منكسرة رؤسنا بالارض والله عيب عليك تطرح موضوع زي كذا مو وقتك انت الحين ابد ابد ابد

عموماً ماقصرت بس ترى لا تلومنا بسبب المستوى الهزيل الذي ظهر فيه الهلال في آخر مبارياته الذي خفنا من الواقعه الأصعب على نفوسنا

مع أحترامي لك ياكاتب الموضوع أنـك بقمه ةالسخافه وجمهور الرياض اكبر من ان ناس من اشكالك يتكلمون عليهم

انا ما خلاني احضر المباراه الا خوفي يزعل ابو مساعد الله يخليه لنا
تراه يشوف ويحس اذا زادت الجماهير او نقصت
اتمنى يثمر موضوعك بالفائده المرجوه

يعطيك الف عافيه

اللي ما يعجبه يجي يحظر


موب مطلوب من الجمهور يحظر فوق فوق 20 مباراه عشان يصير مشجع مثالي و يحتذى به

مباراة الشباب انا رحت و في بالي شي واحد ما ابي اسمع شايب يدندر على راسي وراه سوا وراه ما سوا جالس تحت ما اشوف خط اللاين

لو يجي عندكم الهلال 10 مباريات بتحظرون اول 3 و بتصكونه ركبه موب ذنب الرياض ان ملعبها كبير و الهلال يلعب عندنا طول الموسم موب ذنبكم ملاعبكم صغيره و يطلع شكل الملعب مليان و يجي الهلال مره فالسنه

الرياض يا بعض الجاهلون عشان يروح الواحد الاستاد ممكن يمشي 60 كيلو وليس الجميع لديه وسائل مواصلات

انا اقول لجمهرو الهلال برا الرياض اننا نعرف متى ندعم و بكيفنا ما نحتاج توصيات من احد عشان نحظر او ما نحظر الجميع يعرف واجبه تجاه النادي

باذن واحد احد انا دائما مع الهلال لدرجة ان الملعب صار شي طبيعي في حياتي وقت المباراه ما فيه انسان يقول وين ديل طبيعي انه فالملعب لكن البقية لازم نعذرهم للتشبع اولا ثانيا لاتساع رقعة مدينة الرياض

احلى شيء حنا بتجي لنا ثلاث مباريات في الشرقيه الفتح والاتفاق والقادسية وان شاء الله نهز الملاعب هز

اتمنى من الجميع

عدم الزعل من الموضوع

ووعلينا المناقشة بكل هدوء بكل روح رياضيه وكامحبين للكيان الهلالي

عشان نشوف وين المشكله ونقدر نعالجها باذن الله

لانه والله عندنا فريق الكل يحسدنا عليه

وماقدرو يوقفونه عن البطولات بعد توفيق الله الا بمحاربته

اتمنى من كل محبي الزعيم

طرح الاسباب التى يراها من وجهة نظره هي السبب في عدم الحضور الجماهير

فوالله ان مباراة الشباب الاول بالذات اثرت فيني كثير ليه ماحضرو الجماهير بالرغم انها مباراه مهمه

وقدام فريق يمكن يكون بل اكيد انه اصعب من النصر

يارب يجي اليوم اللي اشوف فيه جماهير الهلال تقف معه في كل الاحوال سوء الفريق منافس

او فريق درجه ثالثه

يابوي انت ماتدري وش الظرووف ووتكلم على مزاجك اقوول خلك ساكت احسن .., كل واحد وظرووفـهـ ..

كل يوم يثــبتــون لنآ جمهــور الرياض ,
بأنهــم جمهــور النهائيــآت وجمهــور الـمجـآٌن !!
آسفَ ع الحقيقــة المـٌرة ياجمهــور الهـلال الكبيــر ..!!

اخوي حنا محنب زي النصر ما نتحي

لمفروض اننا لو خسر فريقنا في مباراة لا تستحق الخسارة ولا حتىالتعادل



المفروض اناا نعاقب اللاعبين يعني يكون لنا دور بالفريق مب نجي ندربي روسنا ونحضر ويجيك كم لاعب يتبطح




يعني لو حس اللاعب فينا ورا اننا ما راح نوقف معه فيب المباراة الجاية راح يشدددد بقووووووووه

ليه ما نرجعهلال أول

قبل أن تنتقد جمهور الزعيم بالرياض عليك أن تراقب تصرفات لاعبي الهلال إلي ترفه الضغط ، تخيل قبل المباراة يوجهون تحيه للمقصورة ، ولايوجهون أي تحيه لبقية الجماهير الكبيرة.
وإذا جاء قول لاتجد أي لاعب يتجه نحو الجمهور ، بس يسلمون على بعض أو على المدرب ، يعاملوننا كأننا نكرااااااااااااااااااااااااات ، وربي أرتفع ضغطي من حركاتهم ماعدا طارق التائب.

ما أدري وش القصه زمان ما كانوا كذا أبد !!!! والغريب أنهم يطالبون الجمهور بالحضور !! ليه نحضر عشان ننهان زيادة ؟؟؟

طبعاً الإدارة مانبهت اللاعبين لهذي المشكلة ، وهذا دليل وعيها !!