|
قصدك بدون لاعبين أصلاً خخخخخخخ والله أكلونا أكل كلن يجرب |
ياخي موضوعك جميل لو كان بعد المباراة.!! وما تردي لعل الله أن يلطف بحالنا ونتأهل.. |
يعني اذا صار في مهاجمين تحضر للملعب واذا ما صار فيه مهاجمين ما تحضر !! على فكرة هذا فريق وفيه 11 لاعب ,, والتشكيلة الحالية بالمبارة الآن جيدة بالنسبة لعدم وجود ياسر , والصويلح جالس يبذل أقصى ما يمكنه هو و الشلهوب والتائب و ويلي .. ومع هذا مو عاجبينك !! ترى المباراة مع الشباب مو مع حي الله فريق ..:) |
إقتباس:
لا واى مهاجم السمين الصويلح مايضمنها مع النهضه |
يارجال خلهم يحسون فينا شوي مو عواجز يلعبون وناس تلعب بالجوال بالمنصه وناس يضحكون ما ادري ليه يضحكون على خيبتهم الظاهر |
قال لك ايش، احضروا وما عليكم! بالعقل، أبها أنت تكتفي قدامها بالثلاثة (نتيجة نجران استثنائية) وجاييني يقولون بنفوز، بس احضروا! لو الحضور ينفع ما كان قعد النصر طول هالسنين يدور بطولة! المشكلة عندك جماهير هنا رابطة مفهوم الحضور بالفوز، لا والثاني جايك يقول شجعوا الشعار وإلا دوروا فريق غيره! لو أخينا يشجع الشعار، ما يدس راسه بالتراب، أو يقعد يهايط مع البقية ويطالب الجماهير بالحضور وكأنهم هم من بيلعب، ويقعد يتكلم عن مكامن الخلل الطبيعية واللي مبينة من بداية الموسم ... مو يقولون: شبيه الريح ما قصر، الإدارة ما قصرت، اللعيبة ما قصروا ... لكن أنتم يا جمهور الرياض ياللي فيكم وفيكم! الأرسنال يوم انصك بثلاثة من مانتشستر عرفت الجماهير الحق وطلعت لين يفيق النادي لنفسه! المثير للسخرية أن أكبر حضور جماهير في تاريخ الأرسنال انتهى بتعادل (في كل من الهايبري والإمارات) ... ! لو نصف الفرص اللي توفرت لسابا باتري توفرت للشباب بننصك بثلاثة فوق ثلاثة، وهذا اللي بيصير بعدها: - بنقعد نقول أن ما فيه أحد ينلام إلا الجمهور. - بنلوم التحكيم (ما يعرف بمتلازمة النصر واللي تظهر أعراضها على كل مهزوم). - بنستلم القنوات ونطالب بمقاطعتها لأنها مدحت الفريق الثاني واللي فيما يبدو حتى ما يفرط بأنصاف الفرص! - بننزل مليون موضوع عن البلطان. وإذا جت مباراة ثانية، بنقعد نهايط، ونقول يا أرض انهدي ما عليكِ أدي، حتى لو ياسر موقف ونلعب بمهاجم واحد، وعطفاً على آدائنا في المباريات السابقة الوضع ما يبشر بخير ... بنقول "الله الله يا الجمهور، ترى مو مهم أن ما عندك مهاجم، أو أنك تلعب بخطة سقيمة، أو أن الإدارة لا تزال تجامل البعض ولا انحرجت تبي ترقعها بأمور تظهرها بمظهر اللي ما يدري وش يبي ... لأن أهم شيء الغرينتا" ... ! |
اتفق معك العنبر هذا يعتبر هجوم جحرام عليكم هذا الهلال شوفوا كيف اظهرة الشباب نامي سريع بدون وماهر والزوري بطى مع مهاره فيه تناقض |
والله انك صادق في كل كلمة قلتها لو ناخذ الفريق لاعب لاعب وشوفوا مين البدلاء الدعيع ===>> لا يوجد بديل ينفس المستوى المرشدي ===>> بديله المفرج وانتوا تعرفون مستواه مايحتاج نقلب المواجع هوساوي ===>> خيرات الصغير بالسن واللي امامه مستقبل باهر بإذن الله الزوري ===>> طبعا لا احد غير الخثران اللي مره محور ومره ظهير نامي ===>> بديله البيشي وطبعا مثل خيرات يبيله وقت الين تنصقل موهبته عزيز & رادوي ===>> الغنام والخثران وعمر الغامدي الشلهوب ===>> الفريدي المصاب التايب ===>> لا يوجد بديل بنفس المستوى ويلي ===>> لا يوجد بديل بنفس المستوى ياسر ===>> الصويلح & العنبر مع احترامي لهم مستواهم جدا مايؤهلهم يلعبون بدلاء لياسر طبعا ماذكرت سول لانه بإذن الله ماراح يكمل بالهلال طبعا فووق هذا كله لا تنسون الروح الهلاليه الغائبه عن اغلب مبارايات الموسم ,,, باقي دقيقتين وينتهي الشوط الاول من مباراة الهلال والشباب والمستوى جدا سيء وبعيد كل البعد عن مستواهم في مباراة صاباباتري الايراني |
ياخي ما تشجع علشان خطه تشجع علشان فريق |
مافيه اعذار ياحبيبي انت تشجع فريق ..... الله يصــــــــــــــــــــــــــــبرني..... |
كلامك صحيح ميه في الميه .......... |
ياحبيبي بلاشي نخلق اعذار لجمهور الرياض جمهور بايرن ميوينخ اشتراء جميع تذاكر مباريات فريقه من اول الموسم حتى اخره جمهور بايرن ميوينخ وفريقه يخسر بالاربعة امام البرشا يحضر في مباراة الاياب بكثافة ويملاء الملعب دايم تخلقوا اعذار لجمهور الرياض اقولها بالفم المليان اسواء جمهور للهلال بالرياض ولكم بالسنة الماضية الخبر الاكيد انه الهلال ماخسر الا في المباريات اللي تكون بالرياض وشفنا كيف الامير محمد بن فيصل كان يطالب باقامة المباريات بالشرقية مرة الجو برد مرة مدرسة مرة الملعب بعيد مرة الفريق مستواه سيئ مرة مرة مافي هجوم اللي يحب فريقه رايح يحضر بلاشي نختلق اعذار |
والله مافي عذر للجمهور صراحه شي يفشل ارسنال خسر بالثلاثه من مانشستر وخسر بالاربعه من تشيلسي وتشيلسي خسر الابطال وريال مدريد خسر بالسته وجمهورهم تارس الملاعب يااخوان لازم يكون عندنا ثقافة الفوز والخساره انت احضر وشجع ولا تحط اعذار الفريق خسر والفريق ماادري شنو سو اللي عليك وخلاص مافي فريق بالعالم مايخسر والزعيم ولله الحمد دايم معودنا عالبطولالت خساره وحده وتقولي الجمهور معذور رغم الضروف اللي مرت عالهلال جزاهم الله خير عاللي يقدمونه |
من صدقكم يا اللي فوقي؟ ههههههههههههههه مادري عن الدوري الألماني، لكن أتوقعه مثل الدوري الإنجليزي، عندك Season Tickets، يعني لو ما حضرت فأنت ضيعت فلوسك على الفاضي! لكن حتى مع هذا، شفنا شلون جماهير الأرسنال طلعت قدام مانتشستر من الشوط الثاني. ولو الحضور الجماهيري يفيد، ما كان انصك الأرسنال أربعة أمس قدام تشلسي! يا أخي الشباب الفريق اللي بدون جماهير ما فرقت معه، وأنتم للحين تلتمسون العذر للإدارة واللاعبين، وتلومون الجمهور وكأنه هو اللي قاعد يلعب! |
ايه والله مافيه هجووووووووم مافيه لاعب تعتمد عليه في الهلال كله سوى ياسر القحطاني فقططط تخيل !!!!!!!!!!!!! |
| الوقت المعتمد في المنتدى بتوقيت جرينتش +3.
الوقت الان » 07:48 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd