|
هذا مايقولونه عنكم يا ... جمهور الهلال في الرياض لن يفوز الهلال . ولن يتخطى الشباب. وجمهور الهلال في الرياض أكتفى بالفرجة من منازلهم. وجمهور الهلال أكتفى بالدعوات فقط. نعم ندعو ولكن بدون أخذ الأسباب .. لا. والأسباب هي الحضور الكثيف والموازرة الكبيرة . لجمهور الهلال في الرياض.. أقول لجمهور الهلال في الرياض. هم سند الهلال الدائم في جميع مباريات الهلال في الرياض . هم وقوده .. هم سلاحه البتار . ولكن ليس بالجلوس و الفرجة فقط في المدرجات .. وأكل الفصفص والعلك .. لا ... ليس هذا جمهور الهلال .. وليس هذا مايريده الهلال. الهلال يريد جمهور رهيب في كل شيء .. في الحضور الكبير والذي لا يضاهيه حضو ر لأي فريق في الوطن العربي إلا فريق الأهلي المصري. في التشجيع المتواصل .. وموازرة اللاعبين مهما كانت درجة حبهم لهم . فهم يلعبون بأسم الهلال. نعم تشجيع فقط لمدة ساعة ونصف ومن ثما سوف يفوز الهلال بإذن الله وذلك عندما يقوم اللاعبين بواجبهم على اكمل وجه. أتمنى تغيير صورة مأخوذة وبكل صراحة عن جمهور الهلال في الرياض .. مأخوذة من اخوانهم في المدن الآخرى ومن جماهير الآندية الآخرى بأنهم جماهير الجلوس .. جماهير الفصفص .. جمهور العلك .. هذا ما يقولونه ولكن أنا أقول ... لا .. أنهم جمهور العشق الهلالي .. أنهم أكبر جمهور وأفعل جمهور في الوطن العربي أنهم العشاق لكل ماهو أزرق هلالي .. أنهم العشاق لزعيم نصف الأرض أنهم جمهور الهلال . وعونه .. وقوته الضاربة لكل خصومه. وسوف نراهم اليوم في قمة روعتهم .. من الحضور الكبير ومن الفاعلية الرهيبة والتي سوف تجعل لاعبي الشباب في قمة رعبهم . هذا ما أقوله ... وهذا مايقولونه فالكرة في ملعبكم ياجمهور الهلال في الرياض أما أن أصدق فيما أقول عنكم .. أو يصدقون الآخرين فيما يصفونكم فيه ( مالي خص ... الرأي لكم ) ... ريفلينو 10 ... |
ليالي العيد تبان من عصاريها اذا مباراة الذهاب ماحضرو تبغاهم يحضرون اليوم الجمهور محبط وما نلوم اللاعبين اااه ليت المباراة بمكه |
وابشرك اليوم بتشوفهم ثنين وللا ثلاثة الحضور جماهير الشباب اكثر منا الله يهديهم بس ويفتح على قلوبهم |
شف ماني مبرر للجمهور ولا شيء .. لكن الجمهور ترا مايسجل انفراد .. الجمهور مايصد قول .. الجمهور متى يكون مفيد؟ لما يكون اللاعب عنده دم ويحس ان الجمهور الغفير معاه ويسانده .. قدام الفقر شفتوا جمهور "المقاهي" يوم سكتكم ولا احد قال ان هالجمهور رهيب لما ملأ الجهة المخصصة للهلال .. اللاعبين وش سوو؟ بغينا نطلع من الفقر رغم الجمهور .. لان لاعبينك ماعندهم دم .. حتى اللي معتمدين عليهم يحركون الفريق تلقاهم اسوأ الموجودين .. استثني اسامة فقط حضر الجمهور او ماحضر .. عندكم فريق متهالك وسيء انضباطيا وتكتيكيا .. حاسبوهم قبل ماتحاسبوننا .. على فكرة ان شاء الله انا حاضر رغم فقدان الامل لاني اشوف قمصان تتحرك بالملعب .. عدا اسامة مرة اخرى اللاعبين مايستحقون حتى راتبهم بالشهر الاخير لكن تكريم لأسامة وتلبية للزعيم نحضر ان سمحت الظروف ان شاء الله كالعادة بتلزقون شماعة الخسارة بالجمهور لانكم جمهور عاطفي ماتفكرون كثر ماتكتبون .. كلامي بشكل عام ماهو موجه لكاتب الموضوع بشكل خاص على فكرة اللي قال ياليت المباراة بمكة .. ترانا لاعبين قدام الوحدة بمكة اخر مباراة بالدوري وشفنا الحضور المخجل ولا تكلمنا لاننا ماندور الزلات .. تبونا نعد زلاتكم عديناها :) |
باذن الله انا اول الحظووووووووووووووووووور فاز الهلال والا ما فااااااااز انا احظر للا جل الزعيم ابو 48 بطوله وعادي اذا لاسمح الله وما فزنا احبك يا هلال واعشقك تحيتي لك |
هلابك اخوي نتمنى الحضور الكثيف ولكن مبيعات التذاكر حتى الساعة 12 ظهر هذا اليوم لاتبشر بخير يارب وفق الزعيم |
الجمهور يستحي بعضهم وهؤلاء ناقصهم تشجيع في البداية وينطلقون !! تقبل مروري |
بآآذن الله الواحد الاحد تشوف اليوم الجمهور اكثر من الذهااب |
وآلله . ان شآء آلله اكون اول آلحـآظرين .. { لــــكن } آخــوآني لاتنسـوآ إن آلمبآرٍآهـ .. فـي وسط آيــأم آلأسبوع .. < طبعآ هـذا مو عـذرٍ .. رئيسي ربمآ يكـون .. يضّر قليلاً وعمـومأ .أن شـأء ـآلله " آلمهـم " تكـون آلروح آلهلآلييه موجودهـ ..وحتى لو لعـب لاعب واحد بنفوز بأذن آلوآحـد آلأآحـد |
باءذن الله رايحين للملعب الساعه 6 ان شاء الله .. ونبي جمهووور كبير .. وياليتكم تشوفون حماس الاعبين في هالمبارة .. وراح تشوف لعب خيال صدقووني ..احساسي يقول كذا . |
بأذن الله جمهور الزعيم مايقصر سواءً في الرياض أو الشرقية أو الغربية لآكن لكل مباراة ظروفها وجمهور الزعيم مايحتاج دعوه في كل مكان فالمملكة ..كلهم فيهم الخير والبركة .. |
انا هلالي جداً ومتهور *** والازرق اجمل لون بين الاوني وبأذن الله حاضر |
اتحدى جمهور الرياض يحضر جمهور لا يحضر إلا بالنهائيات ويمكن الي يملي الملعب جماهير المدن الاخرا تحياتي |
اخووووووووي بالله ليش نحضر علشان تطيح وجيهنا ونتفشل بعد ياما حضرنا وملينا الملعب وطلعونا خايبين شلوون عااد بهالمباراهـ لازم نجيب اربعه صفر علشان نفووووز وهذا من سابع المستحيلات رجاء لايجي لي واحد ويقوول انت مندس وانت مدري ايش لكن هذي الحقيقه اللي تزعلون منها |
خلونا واقعييين فريقنا طلع من البطولة ليه يتعبون انفسهم ويحضروون ان شاء الله الموسم الجاي مايقصرون |
اي والله لازم في جمهوور اذا شافوا الاعبين الجمهوور بتجيهم روح اللع ـب .. وذي بع ـد ظرووف مروا فيها الاع ـبيين يعني اعذروهم .. بس انشأء الله نشووف الج ـمهووور الهلالي الصح .. شكرا ع الموضوع |
إقتباس:
واذا تعرف لاعب هلالي واسأله عن جمهور مكه يالحبيب جمهور يشجع طول المباراة مو يتفرج وياكل فصفص |
إقتباس:
|
إقتباس:
:clapping::clapping::clapping::clapping::clapping::clapping::clapping::clapping::clapping::clapping: |
أول مره تكتب موضوع زي الناس ..............مواضيعك الأخيره رايحها فيها .... إن شاء الله بنحضر ونفرح بالفوز ........... مشكوووووور على الموضوع |
خسرت انا ... أمام من تحدوني فيكم يا زعماء الرياض الليلة كان الهلال لوحده .. بل كان جمهور فريق الشباب واللي ما يتعدون خمسين شخص في عامة السعودية كانوا أكثر منكم .. وصدقوا الذين قالوا أن جمهور الهلال في الرياض جمهور فوز فقط .. وجمهور نهائي فقط. أما مساندة الهلال في كل ظرف وفي كل موقف ... قالوا لي ... كثر منها. حقيقة كسبوا التحدي وخسرت أنا. للأسف ... ريفلينو 10 ... |
ريفالينو 10 اتفق معك على أهمية الحضور الجماهيري ولكن هلى ترى أنه هو السبب الحقيقي لأوضاع الهلال الحضور الجماهيري لن يصنع نجما الحضور الجماهيري لن يزود اللاعب بالمهارات الفنية العالية ولن يمده بالقدرة على التفكير والتركيز وكيف يدافع وكيف يهاجم باختصار جميع الأندية في العالم لديها جماهير لكن من يجلب الجماهير ويزيد في أعدادهم هو اللاعب النجم وحجم الإنجاز الجماهير باتت تفهم الكرة بشكل جيد وتعرف من يستحق الدعم ليحقق الفوز ومن اللاعب ناقص الموهبة الذي لا يفيد فيه حضور ولا تشجيع لأن فاقد الشىء لا يعطيه ومع هذا اتفق معك بضرورة تواجد الجماهير تقديراً للبقية من اللاعبين الموهوبين الذين يستحقون الحضورمن أجلهم |
قهر طول الاسبوع اللى راح مواضيع ونحضر ومدري ايش واخرتها كذا لحد يجي يقول غبار ودراسه ,,, المشتهي يقطع المستوى ,,, |
| الوقت المعتمد في المنتدى بتوقيت جرينتش +3.
الوقت الان » 05:17 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd