|
. . ][ إلى مــتى يــا 4-5-1 ][ . . بسم الله الرحمن الرحيم .. السلام عليكم ورحمة الله وبركاته . . مع قرب انتهاء الموسم الرياضي نحمد الله لحصولنا على كاس ولي عهدنا الامين اطال الله في عمره ورعاه وحصولنا على الوصافة في الدوري وهو شيء ممتاز ومنافستنا على كاس الامير فيصل بن فهد وخروجنا بضربات الترجيح ووصولنا الى المربع الذهبي في كاس الملك وتاهلنا من مجموعتنا في البطولة الاغلى دوري ابطال اسيا . ونفتخر بان زعيم اسيا هو النادي الوحيد الذي كان ينافس على جميع بطولات الموسم الرياضي وهو في اسوء حالاته . نرجع لمحور حديثنا وهدفي من هذا الموضوع , إلى متى يــا 4-5-1 . . هي خطة اوروبية ؟؟ نعم .. يستخدمها معظم فرق اوروبا ؟؟ نعم .. تستخدم للخطط التكتيكية ؟؟ نعم تقتل المتعة ؟؟ نعم .. هل تصلح في الدوري السعودي ؟؟ لا .. تساؤلات واجابات قد تختلف من شخص الى اخر لكن . . دعونا نتناقش وبالحقائق والارقام , , هذه الخطة بدات تقريبا مع قدوم المدرب باكيتا ومن تبعه من المدربين وعلى راسهم معشوق الملايين كوزمين:smilie47: هي خطة جلبت للزعيم العديد من البطولات ؟؟ نعم .. قدم المدرب البرازيلي باكيتا عام 25 وحققنا معه كاس الامير فيصل وحققنا معه في موسم 26 الدوري والكاس وكاس فيصل بن فهد وفي عام 27حققنا معه كاس الامير فيصل اذا حققنا بهذه التشكيلة مع ماركوس 5 بطولات بغض النظر عن كاس الارهاب . كوزمين وما ادراك ما كوزمين . اتى الداهية نهاية موسم 28 وحققنا معه في موسم 29 الكاس والدوري وفي موسم 30 حققنا معه كاس ولي العهد في اليوم المشؤوم . اذا حققنا مع السير اولاريو 3 بطولات . . المجموع 8 بطولات من اصل 48 بطولة . اذا بالارقام حققنا 8 بطولات بتشكيلة 4-5-1 و 40 بطولة بـ 4-4-2 . ياشباب الهلال مايوقف على خطة او تكتيك بالعكس التكتيك هو من يصنعه نجوم الهلال . . 4-5-1 . . تشكيلة قد تفيد الفريق الهلالي ولكن ليست مع كل الفرق ولا تقولون الهلال نادي تكتيكي . لان ربعنا مثل نجران والوطني والباقي مع احترامي لهم مايصلح معهم اللعب الاوروبي والتكتيك والفشخرة الرياضية هذي الاندية ترحمها تركب فوقك وشوفو تعامل الاتحاد والشباب معهم وشوفو السبعات والخمسات اللي ما نشوفها الا مرة كل ثلاث سنوات . وش ينقصنا عنهم . فلوس ؟؟ ادارة ؟؟ مدرب ؟؟ اجانب ؟؟ هجوم ؟؟ كلها متوفرة عندنا ولله الحمد لكن التحفظ الزايد ماله داعي مع بعض الفرق وبالذات في الدوري . لكن في مباريات الكاس وخروج المغلوب العب للفوز ودافع انشاء بـ 11 لاعب ماعندنا مشكلة , , الدوري الحين ماعاد هو بمثل اول يمكن ينحسم بالاهداف يعني دخل مرماك هدف كانه دخل 20 ما عاد تفرق . واذا جبت 70 قول كانها 10 اقوال لكن نبي الهيبة ترجع اجل نلعب قدام الوطني بمحورين ومهاجم واحد !! مع احترامي لجميع الفرق لكن قصدت الوطني لانه هبط هالموسم , بعدين ياسمو الامير ياشبيه الريح نبي مهاجم هداف مانبي لاعب عالمي ويكون حديث الصحف والمنتديات نبي مثل المجنون سيرجيو نبي مثل الخال كيتا والمغناطيس ماقنو الفيس نبي لاعب يحيط عيسى وياسر مانب لاعب يحضن ويناول ويرفع كم رفعة زينة ونقول تكتيكي ونسكت . شوف متعب وابو شروان شوف البرنس تاقو شايلين فرقهم وهم عمرهم ماسمعوا بالتكتيك . نبي لاعبين فنانين ولو كانوا ابو رخيص . . شفنا كماتشو وتيفا وعقال وتشيكو وسيرجيو وكيتا . وشفنا دينيلسون وجيوفاني وبيبيتو وش سوو .. لا احد يجي ماشي مليون ومطفي الانوار ويقولي موب عاجبك تياقو نيفيز انا باسالكم هو لعب مع الهلال عشان نحكم ؟ كم لاعب نشوفله مباريات ومقاطع وبالاخير يجي هنا ويقولون ما تاقلم لان اهله راحوا المستشفى ونسوا ثلاث ريال عند الصيدلية وما اخذوها , ابو فيصل انا اتكلم عالموسم المنقضي , ورايي ان تياقو راح يكون افضل محترف الموسم القادم ان شاء الله . . شباب انا مانيب افهم من المدرب والادارة لكن قوم تعاونوا ماذلو وموب عيب انك تاخذ باراء عضو من الشبكة لان عضو من الشبكة اصبح نائب رئيس النادي ولاتحقرن من المعروف شيئا . . وباولو روسي جاب كاس العالم لايطاليا وهو خارج من الحاير وقتها << برا ^_^ نجوم الزعين ثقوا تماما اننا مقدرون جهودكم وتعبكم في هذا الموسم ومنافستكم على جميع البطولات فالاتحاد لم ينافس على كاس ولي العهد وكاس فيصل بن فهد , والشباب لم ينافس في الدوري , والنصر فقط تعادل مع الهلال ^_^ والاهلي لم ينافس على اي بطولة فلكم الفخر ولن نطالبكم باكبر من طاقاتكم غدا لكن بيضوا وجيهنا واعرفوا ان سمعة الزعيم اكبر من التاهل او اي شيء ثاني ونحن خلفكم ولن نترككم .. وتكفووون مانبي هياط ابو قديم وحركات رابع ابتدائي ب وبكرة رايح الملعب مع الفين واحد واخرتها 16 نفر بالملعب , خلاص رح للملعب وعرفنا انك اقوى انسان بمجرة درب التبانة بس عن الكذب والخراط . انا واثق 100% ان بكرة المدرجات بتكون فاضية , اولا بوسط اسبوع ثانيا الهلال مهزوم بثلاثة والالغلب فاقد الامل فخلونا واضحين مع بعض احسن . . طولت عليكم ومباراة الميلان بدأت الحين لها نص ساعة ^_^ الاختلاف في الراي لا يفسد للود قضية . . |
هلابك ياغالي انا معك في كل حرف وكل كلمه وكل سطر ومعجبني موضوعك من الالف الى الياء الهلال زي ماقال (مدني رحيمي) طبعا على وقت (كوزمين) الهلال مايغلبه الا الهلال ولكن ليس مخيفآ كما كان يفوز واحد صفر فقط ويتراجع حتى امام الفرق الضعيفه نريد هلال زمان هلال مجنون كان في الهجوم نار في نار نعم نريد مهاجم (فلته) وبالنسبة للحضور الجماهيري انا معك نحن اضعناها في الذهاب ولكن نقول دائما صعبه وليست مستحيله نتمنى التوفيق للزعيم يارب تحياتي لك |
أشتقنــآ لهـٌلال 4-4-2 :smilie47: , ومبـآريات تنتهـي لصالحنـآ بـ الاربعٌآت والـخمسٌآت ..!! |
نبي مثل الخال كيتا والمغناطيس ماقنو الفيس نبي لاعب يحيط عيسى وياسر مانب لاعب يحضن ويناول ويرفع كم رفعة زينة ونقول تكتيكي ونسكت . شوف متعب وابو شروان شوف البرنس تاقو شايلين فرقهم وهم عمرهم ماسمعوا بالتكتيك . (نبي سمعه) |
مشكوووووور ...الله يعطيك العافية........ كلامك حلو......... وانا معاك في كل كلمة قلتها........... خلو اثنين مهاجمين ...والتشكيله كذا(4-4-2) ........... ياسر الحاله راس حربه.............حرام... الجهد عليه كبير ..........ومهلك ويهدر طاقته........... |
إقتباس:
وشرفني مرورك . . |
إقتباس:
نورت يالغالي |
أشكرك ، نعم نريد العودة لخطة 4-4-2 تخيل ان جميع الاندية في الدوري السعودي بما فيها الهابطان يلعبون بمهاجمين ما عدا الزعيم ..! |
صدقت وبالتوفيق للزعيم ان شاء الله , , |
راحت ايام 4-4-2 الهلال من يوم جا بكيتا والهلال يلعب بهذي الطريقه الاتفاق يفوز بألاربعات والهلال ان فاز بواحد ياله بطقاق |
إقتباس:
بعدين شوف البرنس لو تحط وراه التايب يالبييييييييه وش اللي بيصير , , |
إقتباس:
|
الهلال زي ماقال (مدني رحيمي) طبعا على وقت (كوزمين) الهلال مايغلبه الا الهلال ولكن ليس مخيفآ كما كان يفوز واحد صفر فقط ويتراجع حتى امام الفرق الضعيفه نريد هلال زمان هلال مجنون كان في الهجوم نار في نار نعم نريد مهاجم (فلته) وبالنسبة للحضور الجماهيري انا معك نحن اضعناها في الذهاب ولكن نقول دائما صعبه وليست مستحيله نتمنى التوفيق للزعيم يارب تحياتي لك |
اتمنى اللعب بخطة 3 -2 - 3 -2 محمد الدعـ( C )ـيع المرشدي ....... هوساوي ......... المفرج عزيز ....... رادوي ويلهمسون ......... التايب .......... الشلهوب الصويلح ........ العنبر أو السنه القادمه محمد الدعـ( C )ـيع المرشدي ......... هوساوي .......... خيرات عزيز ........... رادوي تياقو نيفيز ........ الفريدي ........... التايب القحطاني ........ المحياني |
كلامك عاجبني تماااااااااااااااما وباذن الله مع المدرب الجديد نتحول الى 4 4 2 ونرتاح |
| الوقت المعتمد في المنتدى بتوقيت جرينتش +3.
الوقت الان » 11:19 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd