|
والله ودي نحط مثل رابطة انتر وميلن هذي اللي تسمى بالرابطه مو طبول وقروشه |
فكرة حلوة لكن ليش خلف المرمى ما نشوف شي |
أكتب أسمي عندك الله لا يهينك ... ماأعتقد أن فيه أحد يحب الهلال مثلي ويتمرمط عشانه . |
هي فكرة ممتازة وأهنيك بشدة عليها والله لو اشوفها تتحقق امامي لاكون ضمن الرابطة وحلفت بعد بس انت تتكلم في منتدى سعودي وفي وطن سعودي ووسط شعب سعودي يعني إنسى إنسى إنسى نهائياً بتنتهي الدنيا وجمهورنا على حالة حب + سكوت (بإستثناء وقت إحراز الهدف ويستمر التشجيع بعده لثلاث دقائق بالكثير) + اللاعب اللي يغلط غلطة بسيطة يا ويله ويخرشونه إلين تنقطع منه بعدين يقلبون عليه في المنتديات + نص الجمهور ما له دخل في الكورة (خاصة مباريات المجان) + اذا احد ردد اهزوجة من نفسه او تحمس التفت عليه نص المدرج بنظرات معناها (وش تحس به؟؟؟) + عدم إدخال الأعلام والكتابات واللوحات = فشل تام لخطتك وفشل تام لجمهور السعودية بشكل عام يعني يا صديقي استريح استريح استريح ولاحظ اني اقولك كل شئ ثلاث مرات عشان اعطيك تصور كامل للوضع احس اني حطمتك بس الشكوى لله بحطك امام الامر الواقع فكرتك ممتازة جداً جداً واهنيك عليها مرة ثانية بس لا حياة لمن تنادي تحياتي للجميع الله ينصرك يا هــــــــــــــــــــــــــــلال |
أضم صوتي لك ونريد نشيد خاص بالفريق وبالتوفيق |
السلام عليكم اخوي الفكره ممتازه ولكن الكلام سهل نحتاج الى العمل و ارجو ان يكون موضوعك هذا هو الخطوه الاولى في العمل والمساندين انا متأكد انهم كثر |
فكرة حلوه اخوي .. لكن تطبيقها يحتاج وقت .. من رأيي كبداية المفروض يكون فيه قسم خاص اسمه " رابطة الهلال " هذي راح تزيد تفاعل الجمهور مع الرابطه من نواحي كثيره وع فكره , منتديات الأهلي مطبقين هالشي وشف كيف رابطتهم راائعه .. الفكره تنفيذها صعب لكن لا تيأس :rose: .. زعيم ..والله زعيم ,,, اسمحلي اختلف معاك اخوي .. الجمهور تغير كثييير عن اول يعني لو تسأل احد كان يحضر مباريات بالتسعينات راح يقولك الفرق عن الحين أول كل الجمهور يجون الملعب مرسمين :D .. لازم ثوب وشماغ .. بس الحين العكس .. ناس كثير صاروا يحضرون للملعب بـ تيشيرتات الهلال ومو بس عن اللبس .. حتى طريقة التفاعل والتشجيع تغيرت اتحدى مثلا اذا اول كانوا يسوون حركه زي " الزلزال " :D ولو كمان تتغير نوعية الملاعب الي عندنا .. راح يزيد عدد الحضور الي ابغى اقوله اخوي لاتصير مره متشائم :d .. الناس تغيروا كثير عن اول وحتى برابطتنا الحاليه لما تجلس جنبهم تلقى ناس تتفاعل اكثر المباراة تخيل عاد لما تكون الرابطه منظمه اكثر .. راح يكون التفاعل اكبر .. |
فكرة رائـــــــــــــــــــــــعة اتمنى تنفيذها شكرا لك |
اتمنى تطبيق الفكرة لانها فكرة اوروبية رائعة |
إقتباس:
اول شكرا لك على ردك الرائع واذا احنى في السعوديه وش المشكله اذا شلة شباب صارو يجتمعون في قهوه ويجلسون ويرتبون امورهم وصار نادي الهلال يدعمهم اكييد الملاعب ماراح تمانع الشي هذا وراح يذيد حماس كبيير للاعبين وركز على اني قلت انهم يكونون وراء المرمى عشان يتفرغون للتشجيع ويكون فيه قهوه خاصه لنادي الهلال تعرض مباريات الهلال او المبريات المسجله و اعلام نادي الهلال وتعرض قناة الزعيم ويكون التجمع هناك عشان يناقشون كل امورهم ولبس واحد والتشجيع واحد وصدقني صدقني مو بعيده علينا |
إقتباس:
والله صادق يا اخوي يا ليت يصير فيه قسم خاص للرابطه وتروح الرابطه هاذي كلها واحنى جمهور الهلال نكون رابطه من نفسنا وراح نسوي افكار احسن منهم بكثير وراح نصير مضرب مثل لكل الانديه اشكرك اخوي على الافكارك الحلوه واتمنى انك ما تبخل علينا باي فكره جديده |
انا ايدك يالذيب لكن ماني من الرياااض ومشكوووور . |
رائعة إذا أخذ في الحسبان شروط عدة : منها دفع رسوم سنوية شاملة قيمة التذاكر لـ ربط الأعضاء بالمباريات .. وماتصير الجية على الكيف |
فيه ناس بتقول اظم صوتي الى صوتك لازم يكون قول وفعل نبغى تنفيذ لهذه الفكره باسرع وقت نبغى ناس تقول وتنفذ والله اني شفت جمهور ليفر بول انقهرت والله قلت وين جمهور الهلال الكبير ليش مايسون مثل جمهور ليفربول وفكرتك حلوه جدا والله وشكرا لك |
سجلني عضوا من الرياض اعشق دباديب الهلال ولو تبون اروح الربع الخالي من اجل الهلال نو بربلم يعني ما في مسكله الاولى انقليزيه معربنه والثانيه عربيه مهندنه بكل لغات الكوكتيل انا تحت امر الهلال ومن يحب الهلال على فكره يمكن تستفيدون مني في فن ملاكعة الخصوم حيث اجيد حوار اللكعه والافحام يعني حطوني الملاكع الرسمي باسم النادي ----على فكره انا لا احاول استخفاف دمي فانا اويد الفكره بقوه ولكن المشاركات السابقه جزء منها محطم |
| الوقت المعتمد في المنتدى بتوقيت جرينتش +3.
الوقت الان » 07:05 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd