|
ماضيع الهلال إلا جمهوره .. " الخثران و الشلهوب أ:كبر دليل " !! بسم الله الرحمن الرحيم في موضوع الأخ نواف الهلالي .. بعنوان .. ミ☆ミ عــبــد الــعــزيــز الــخــثــران ミ☆ミ http://vb.alhilal.com/showthread.php...3#post12009463 اثبت جمهور الهلال أنه جمهور لاعبين .. لا جمهور كيان .. اللاعب بالنسبة لهم أهم من النادي .. بعض الردود اللي تكلمت عن الخثران تقول انه انتهى ولازم يعطي الفرصة لغيره .. و كل ذا لأنه تجاوز الثلاثين بسنتين أو ثلاث !! وش عليكم من عمره و الله لو عمره 52 برا << لراعين البلوت .. الزم ما عليكم عطاءه و لياقته و مستواه الفني .. الخثران يقدم رغم عدم مشاركته كـ أساسي .. في المباريات اللي يلعبها أداء " لياقيا ً " لا يقدمه الفريدي ابن العشرين عام .. و أعيد و أكرر " لياقيا ً " رغم أن عمره فوق الـ 30 .. و هذا رغم عدم اشراكه كـ أساسي في أغلب مباريات الموسم لكن من يشارك .. تشوفه شعلة من الحماس و في حركة لا تهدأ .. عكس حال اللاعب الجماهيري محمد الشلهوب .. اللي ما يقدم نصف عطاءات الخثران و الغامدي " الشيبان " .. لكن في نظر بعض " المبزرة " .. و جماهير اللاعبين .. أن الشلهوب أفضل .. و يستاهل الفرصة .. و المفروض ما نقسوا عليه ؟!! و يختلقون له الأعذار ؟!! ليه إن شاء الله .. هو نادي ولا ضمان إجتماعي .. ألزم ما علينا مصلحة الهلال .. و اللي يبي يفيد الهلال .. و يحترق من أجل الفرصة في تمثيل الزعيم .. الله يحييه .. و اللي غير كذا الله لا يهينه .. يدل الباب .. فـ اللاعب اللي يقدم المستويات المميزة فهو الأجدر بتمثيل الهلال .. سواء كان عمره 16 أ, 20 أو 35 أو 100 سنة .. كلها أرقام لا تهم مقارنة بالعطاء الفني .. و العطاء وحده فقط .. بغض النظر عن الاسماء و الأعمار .. فــ البعض يتغنى بالشلهوب .. و الآخر بياسر .. و غيرهم بـسامي .. و الآخر بالصويلح !! ما يخالف .. كلهم لاعبين خدموا النادي مشكورين .. لكن هذا نادي الهلال .. ماهوب نادي اللاعب الفلاني أو العلاني .. أدري أن كلامي ذا ما يعجب بعض الجماهير .. أو أكثر الجماهير .. و اللي يبي يقول أني مندس .. الله لا يهينه يشوف تاريخ العضوية ثم يتكلم .. قسم بالله أن المنتديات الهلالية صارت ما تنطاق من المواضيع اللي فيها .. لاعبين جماهيريين .. يتم التطبيل لهم .. و التغاضي عن اخطائهم مهما حدث .. و توفر لهم الفرص .. الواحدة تلو الأخرى .. و لاعبين آخرين في عز توهجهم و تألقهم يطالبون بإبعادهم !!! يعني مثلا ً في أحد المنتديات موضوع كامل و مثبت .. عبارة عن 9 صور لسامي الجابر بعد مباراة دورية للهلال !!! ليه إن شاء الله أول مرة أشوف موضوع مثبت في منتدى نادي عن مدير الكرة !! ما أقول غير الله يخلف بس .. و اعتذر عن التعقيب على الردود .. لأن وجهة نظري و كتبتها .. و لكي انأى بنفسي عن مهاترات .. و مشادات مع عشاق اللاعبين .. لا الكيان !! |
يأخي انت وش سالفتك مواضيعك كلها جمهور لاعب جمهور لاعب يأخي موقت هالمواضيع |
الخثران اذا ما لعب كعب بالمباراة يموت .......الله يخلف بس لازم نقدس النجوم وش نفعوا النجوم اسي ميلان |
إقتباس:
اللي يسمعك يقول بوسط الموسم .. كأس الملك و منهزمين من الشباب بـ 3 .. و بدري عليك تفوز 4 - 0 بهالفريق .. يعني الموسم منتهي بالنسبة لنا .. |
[QUOTE=ضاوي;12021404] اللي يسمعك يقول بوسط الموسم .. كأس الملك و منهزمين من الشباب بـ 3 .. و بدري عليك تفوز 4 - 0 بهالفريق .. يعني الموسم منتهي بالنسبة لنا .. بدري علي ولا بدري علينا وتعجبني روحك الحماسيه ههههههههههه |
إقتباس:
ياخوي لا تروح بعيد .. برشلونة بعد موسم فاشل - العام - .. باعوا واحد من أهم اللاعبين عندهم " رونالدينو " و هذا و هو في عز شبابه .. ليه ؟؟ لأنه هبط مستواه و شاف نفسه على النادي .. وشف النتيجة يجنونها هالحين .. متصدرين الدوري و ما بينهم و بين البطولة الا كم جولة .. فالنادي عندهم هو الأهم .. |
انت تدري ان عمر الخثران 38 سنة |
اللاعب عمره 38 ولا 83 ما يهمني يهمني عطائه والقى منه نتيجه بالملعب يفيد فيها الفريق يسوي الي عليه والباقي على الله وبالنسبه لعبد العزيز الخثران بوجهة نظري لاعب ما يقصر وقاعد يسوي الي عليه ياخي الي ذكر الخثران اليوم يكفيكم انه يقول ان الخثران يلعب بأكثر من مركز ويبدع وش تبون بعد ؟ اما قصة اذا ما لعب كعب بمارة يمووت خله يلعب كعب ويتفنن يحقله لاعب واثق بقدراته الله يوفقه يااارب واللاعبين كلهم غلاهم واحد وما اتوقع ولا اشك فيه لاعب هلالي يقدر يقدم شي للنادي ويقصر |
احنا ماعلينا من الاعماار علينا من العطاء .. والرووووووووووووووووح .. تحياتي |
إقتباس:
و وش فاد الشلهوب يوم أن عمره 27 سنة و ما يقدم نص مستواه ؟!! |
كلامك عين العقل يأخوي بس الله يكون بالعون تطرح موضوع حول لاعب يعشقونه تلقى الردود بالهبل تطرح موضوع حول النادي مالهم نفس يدخلون ويردون خلها على ربك والله مادمر الزعيم إلا فساد جماهيره إن كانوا جماهيره بحق وحقيقه يعطيك العافيه أخوي ع طرحك تحياتي |
تبي الصراحة ؟؟ لا الخثران ولا الشلهوب ولا الغامدي ولا ولا ولا فريقنا يبي له شخل |
إقتباس:
صحيح إقتباس:
ولله لو عمر 234 شف لعبــه |
و أنت تدري أنه أفضل اللاعبين لياقيا ً بعد ويلي ؟! اما لياقيا تراه بالقوة يجري وبعدين مين قال لك ان مستوى اليلهوب عاجبني |
اتفق والله كثيراً مع اغلب ماذكرته وخاصه فيما يتعلق في سالفة المنتدى:d! المنتدى فيه ردود مدري شتبغى صراحه .. مثلاً يجيك واحد يمشي مليون ويرد على موضوع لك ابديت ملاحظه على النجم ( الجماهيري ) الله يعينك انواع الكلام عليك واقله بتجيك كلمة ( مندس)s121s واحس فيه اعضاء ماكثرت مشاركاتهم الا من هالكلمه على طول مندس مندس:d مدري صار منتدى اللاعب الفلاني ماصار منتدى الهلال:d ولو يخطي ولاشئ والله ماراح يتعرض باي كلمه :dلكن لو كان المفرج ولا الخثران خذ سب واستهتار حتى للاسف وصل بهم الا الاستهتار بالدين :) المفروض اذا فعلاً محبين للهلال ان نكون منصفين للجميع .. اخطى المفرج قلنا اخطأت اخطى ياسر نقول اخطأت ماهو يجيك واحد ويقول تفدااااااااااك البطولات كله:d صار نادي ياسر ماهو نادي الهلال :d يعطيك العافيه ويمكن دخلت بسالفه وتركت اللي هم من لكن العذر ... وسلامتكم :d،، |
| الوقت المعتمد في المنتدى بتوقيت جرينتش +3.
الوقت الان » 06:57 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd