|
بخصوص الظهير الأيمن السلام عليكم ورحمه الله وبركاته صباح الخير للزعماء ........ كثر الكلام عن الظهير الأيمــن وهي بالفعل مشكلة نعاني منهــا بعد رحول احمد الدوخي ولكن عندي اقتراح لمجموعه من الأعبين واتمنى النقد الهادف 1_ الأعب عبدالرحمن الشمري لاعب نادي الطائي الاعب فنان وصغير بالعمر وانا كذا مباره حضرته هذاء الموسم بالفعل لاعب يحتاجه الهلال 2_ اللأعب حسين الجمعه اعتقد اسمع كذا اذا ماخانني التعبير لاعب جيد والكل شاهادته 3_ لاعب نادي نجران والله مو ذاكر اسمه بعد لاعب جيد وبالاخير اتمنى اشاهد حسن معاذ او عبدالله شهيل وربي امنيه كل هلالي وتكفى يأميرنا المحبوب نبي حسن معاذ او شهيل وبالتوفيق كلمه اخيره ابي واحد يصمم لي توقيع من ذوقه وشكررا |
الله يسمع منك محتآآآجين ظهير ايمن في اسرع وقت |
هناك لاعب اسمه راشد الرويشد يلعب في نادي طويق بالزلفي ماشاء الله عليه لاعب جيد وتوه صغير من مواليد على ما اعتقد 1409 او 1408 |
شكرا لك اخي على طرح هذا الموضوع .. ان شاءا لله مع المدرب الجديد راح تنحل مشكلة الظهير الايمن سوا لاعب محلي ام اجنبي او على الاقل اللاعب محمد نامي حيستفيد من خبرة هالمدرب ويعدل بعض الاخطاء التي عليه صحيح انه توجد معاناة لكن الحمد الله ان البطولات لا تنقطع من خزينة الزعيم عكس الانديه الاخرى كل التوفيق للهلال ومزيد من العطاء وحسن الاختيار للظهير الايمن بإذن الله ... |
مشكورين على المرور وبالتوفيق للزعيم وأي لاعب مو مشكله اهم شي انه مفيد |
اقووووووووول يا لبىّ محمد مسعد بس آويلاااااااااااه بس لو اقدر اجيبه ومشكور ع الموضوع... |
يعطيكم العافيه... انا اتمنى مايجيبون احد .. بس يصقلون مواهب لعيبتنا ... وانت تطآآلب بعبدالله شهيل .. تأكد انو عبدالله شهيل مابين لعبه ولعب نآآمي اي فرق .. ولكن تبقى فوارق الفنيات بينهم.. ولو نهتم بلعيبتنا ونعطيهم الثقه .. ترى بيبدعون .. |
لو يكون الظهير الايمن اجنبي افضل |
ليه مايهتمون بدرجة الشباب ونعطي اللاعبين فرصه صدقوني بنطلع بظهير مرعب مثل مااعطينا سول وليلو وغيرهم فرصه اكيد بنقدر نطلع بلاعب مميز.. |
ليت والله يغيرون نامي لا تقولون سلطان البيشي تكفون والله زي نامي فيه ماجد هزازي النصر نسقة كويس ماعلية يجي منة |
اجل تبي ماجد هزازي ؟ خلك على قردك لا يجيك اللي أقرد منه ... |
يعطيك العافية على الموضوع الجميل وأتوقع الإدارة وضعت الظهير الأيمن من الأولويات لا حول ولا قوة إلا بالله في بعض الجماهير باقي عنده أمل يتعدل محمد نامي اللاعب كله أخطاء ويقول يستفيد |
أنا حقيقة ً أرى أن يخاطب الهلال ادارة نادي الشباب بخصوص اللاعب حسن معاذ ,, أو حتى مخاطبة مدير أعمال اللاعب ,,, وأمنيتي صراحه إني اشوف حسن معاذ هلآلي ,, مع العلم اني سامع ان حسن معاذ هلالي ويبي يجي للهلال ,, :d |
ياخوي انت تقول خلونا نختار بعدين تقول تكفا نبي شهيل ولا حسن يعني انت اخترت يعني المفروض قصرت الموضوع وحطيته طلب لضم الاعبين او احدهم .............................................!!!!!!!!!!!!!!!!!!!!!!!!!!!!!!!!! الموهم انا اقول خلنا كذا ازين ونامي افضل من شهيل المربوش .. وحسن موعاذ المزاجي. وبالتوفيق لزعيمنا ان شاء الله .. |
اجل معجبك نامي ؟؟؟ والله ناس غريبه بالفعل نامي فاشل ياناس وربي فاشل فكونا من المجاملات |
| الوقت المعتمد في المنتدى بتوقيت جرينتش +3.
الوقت الان » 11:40 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd