|
يـــّ ــانـــــاس أنـــا خــــلاص أبــّــي محــــطه بـــنزيــن مــتنقــله..! السلام عليكم ورحمه الله وبركاته يااهلا ومرحباا بالاعضاء انا أطـــــــــالب بمحطه بنــزين متنقله :d المـــوقف الاول بالاجــازه اللي بــين الفصل الاول والثــاني قررنا قرار بعد اجتماعات وندوات :d قررنا نـــروح للــبحرين :razz: وعــاد ضبطنا شنطنا وجهزنا أمورنا وقبل مانوصل البحـرين عبــينا بنزين 91 فل ودخـلنا البحرين وطلعنا تمشينا وفجـأه حـسينا ان البنزين قرب يقضي يعني تقريباا باقيله 70 كيلو لاحول ولا قوة الا بالله :cry: يلا لازم بنزين مانقدر نتمشى ولا نروح الا ببنزين ونقعد ندور محـــطه ونروح من هنا ومن هناك ولا لقينا ياسااتر بلد كـــامل مابـوه محطه بنـزين والا شوي وننااظر بااقي 40 كــيلو ياناس والله مو معقوله قاعدين ندور محطه بنزين ولا نلقى يــازين الرياض بس كل خمسه كــيلو محطه بنزين المهم قاعدين ندور على محطه ورحنا مدينه حمد قريبه مرره من المنامه لاننا فقدنا الامل بالمنامه يمكن كان موجود محطه بس مانتبهنالها ونروح مدينه حمد ونسأل واحد ويقول رح من هنا وارجع من هناك وبتلقاها هونيك بس عــليه وصف مدري وش يبي وخــلاص البنين مابقاله الا 20 كــيلو وندخل حــاره اسستغفر الله العظيم حــاره شيعه والعياذ بالله حــاطين بالشارع اعلام وشعار اللبناني حسن نصر الله ياساتر والله حسيت ان فيه مباراه كره قدم نهائيه على هذي الاعلام والعبارات يالله النشبه حنا مانبي الحين الا محطه بنزين ونمشي ونسأل واحد بحريني والمسكين الظاهر حتى هو مايعرف يعني والله انا استغربت وش قصتهم سياراتهم تمشي بدون بنزين ونمشيء شوي ونسأل واحد ثاني والله يجزاه خــير وصف لنا ووصلنا الحمد لله بعد ماكانت السياره تشكي ويوم وصلنا والله ان المحطه فيها حـوالي اكثر من 200 سيااره ياساتر يعني معقووله مافي الا هالمحطه بالبحرين وعبينا الحمدلله والله كنا خايفين نوقف ونتورط لكن الله ستر.. المــوقف الثــاني وهو يوم امس الخميس بنروح القصــ:smilie47:ــيم عندنا عرس هناك المهم طلعنا من البيت ونمشي للقصيم وبالخط كان البنزين تقريبا فـاضي وعبينا عند اقرب محطه فل 91 والحمدلله وصلنا القصيم وحضرنا العرس البايخ وقلنا بنرجع للرياض بنفس اليوم يعني بكره الجمعه والسبت ورانا دوامات يعني مايمدي ننام وقبل مانطلع من القصيم ماانتبهنا للبنزين ويوم حنا بالخط وكان باقي 40 كيلو ولا فيه محطه يارب سترك وانا اتذكر سالفه البحرين لايصير مثلها عاد حنا بالظلام الدامس وبالخط والله لو وش محد بيوقفلنا وانا اردد ياليل مطولك عـاد انا خوفي توقف علينا السياره بالطريق وانا اناظر بالطريق الثاني اللي يودي للقصيم كل شوي محطه وخط اللي يودي للرياض مابوه محطه بنزين ومازلنا نمشي على امل اننا نلقى محطه بنــزين وللأسف وانا كنت متأكد اذا ماتصرفنا أكـــيد بنوقف بالطريق وشوي نلقى لوحه مكتوب المجمعه قلنا مالنا الا المجمعه نروح نعبي ونرجع للخط اللي يودي للرياض وفعلاا رحنا المجمعه وعلى اقرب محطه بنزين وعبينا فل وعلى طول وماردنا الا الرياض. ياناس مــايصير هالحتسي االمفروض عالاقل كل 80 او 100كيلو محطه بنزين وبهكذا انتهنا قصتي مع محطات البنزين وبسبه تسذاا قررت قرار أخـــير لارجعه فــيه أن لازم يكــون معي انا شخــصيا محطه بنــزين متنقله :d كـــاريكاتير عبد السلام الهليل http://www.alriyadh.com/2009/05/07/img/075854.jpg |
افااااا مشاااهدات فوق 40 ولا احد رد |
ههههههههههههههههههههههههههههههه انا ذاك اليوم رايحه الكليه ووراي امتحان وبنص الطريق اكتشفت ان البنزين خلص:to::to::to::to: ومافي بالطريق محطه اشوي وودي وابكي عالحظ ماخلص الا بيوم الامتحان عااد بس الحمدلله السياره ماخونت فيني فديتها:smilie47::smilie47: اول مادخلت المواقف وقفت :d:d:d اصلا بما ان الطريق طويل والناس تسافر على طول لازم يكون عالاقل كل 100 كيلو محطة بنزين بس يالله الشكوى لله ومره ثانيه المفرووض تنتبه للسياره قبل لاتمشي علشان مانتعاد هالقصص :yes::yes::yes: مشكوور اخوي عبوودي تقبل مروري اختك شوق الكويت:rose::rose::rose: |
الحمدلله على سلامتكم ... مشكلة البعض تلقى البنزين بيخلص وهو يبي يسافر مايعبي من المدينه يقول بالطريق اعبي ثمن تكون المشكله مافيه محطات الا بعد كم كيلو .. والبنزين بيخلص :razz: طيب ليه ماتعبي بالمدينه قبل لا تمسك الخط ؟ :razz: شكراً .. |
إقتباس:
هلا شـــوق كيف حال الكويت عساكم مبسوطين ؟ واحمدي ربك ان السياره ماوقفت ولا كان رااحت عليك ماده :d شاكرلك عالمرور :rose: |
إقتباس:
الله يسلمك البنزين كان باقيله قبل مانطلع من القصيم بنرجع للرياض حوالي 100 كيلو ولا بغينا نقعد نلفلف ندور على محطه بالقصيم قلنا اكييد اول مانمسك الخطــ بنلقا محطات مو محطه :d شاكرلك المرور :rose: |
مرحباااااا عبودي والله مشكله الصراحه مع ان خط القصيم مليان محطات من كثرهن ما تقدر تعدهن الحمد لله على السلامه وعدت على خير المره اقول يا زين الحوض تانكيين ويقعد عندك اسبوعين ويالله لك الحمد تحياتي |
يلله الحمد لله على سلامتكم وكويس ان السيارات ماتعطلت الا كان اكلتوها |
الحـطبه - sowide شاكرلكم مروركم :rose::rose: |
والله ضـاق صدري , ,:no::cry: لـيش مـافي تـفاعل بالموضوع :cry: |
ماودي أقول قلعك ... وإلا ماسك خط ومعبي بنزين ( 91 ) اللى يخلص بسرعه وتشتكي ! ورى ماعبيت التانكي ( فل ) أو عبيت ( 95 ) يبطي على الأقل .. أما كل 80 كيلو محطة !! فالصحيح إن كل عشرين كيلو محطة بس مهيب على الخط ترى .. فيه مخارج بالخط السريع تعبي من كل ديرة تصادفك .. أما كثرة محطات البنزين بالخط فكرة مهيب زينه .. خصوصا تبي تفتح لنا باب للي يشفطون بنزين .. ويبلشونبهم أصحاب المحطات بالخط السريع هع هع تقبل مروري |
أصلاً انت وش وداك للبحرين ؟؟ وثانياً وش وداك للقصيم .. وليش تسوق سيارة ... ؟؟؟ يالغالي .. المحطات على أفى من يشيل بالسعودية .. ولا عمري شفت مقطعة بحياتي .. ولكن إنك تمسك خط وأنت عارف إن البنزين ما يكفي فهذا شيء راجع لك وتحمل النتايج .. اللي اعرفه عند كل بداية طريق سريع يوجد محطة .. الطريق اللي يودي من القصيم للرياض فيه محطتين والعكس أكثر من عشر محطات .. برضو الشرقية الرياض والعكس مليان محطات .. الرياض مكة والعكس .. مكة جدة والعكس .. القصيم حايل .. والعكس .. يمكن طريق المدينة القصيم قليل فيه المحطات لكن الحكومة ما قصرت تقولك ترى أقرب محطة على بعد كذا .. لأن الطريق جديد .. المفروض على كذا يحطون كل عشرة كيلو لوحة يقولون إذا باقي في التانكي أقل من الربع أشّر أحسن لك :D شكراً لك ... أما البحرين ليش يحطون محطات بنزين وكلها عشرين كيلو ويروحون يعبون في الخبر أرخص لهم وأزين .. |
مرحبا آخوي آنا فيه سر ودي آكتشفه آنا وياك وش السر آن على طريق المدينة مافيه ولا محطة بنزين على الخط السريع ..؟ معقوله آكثر من 800 كيلو مافيه الا على مخارج وتلاقي لوحه مكتوب عليها تنبية !! المحطات القادمة مخرج مثلا 26 المحطة تبعد 250 كيلو مخرج 27 المحطة تبعد 80 كيلو مخرج 29 المحطة تبعد 180 كيلو وياكثر المتعطلين في هالخط انا ودي آعرف وش السبب بس .. ومستعد آطفى 3 مرات بعد ^_^ آذا عرفت علمني تشاو // |
الحمد الله ياارب ان خط الاحساء الدمام يمين ويسار عد وغلط من المحطات وعلى طريق الاحساء الرياض اعوذ بالله مره من المرات ابوي واخوي وامي وخالتي بيروحون يخطبون لاخوي بالرياض وخلص البنزين عليهم بنص الطريق ومافيه محطه ياقلبي عليهم بس تصرفوا عاد شلون ماادري ماكنت معهم البحرين مايحتجون محطات واجد تكفيهم ثنيتن ههههههههههههههه الله يكون بالعون |
سـادّه ياعبيدان :naughty: مره ثانية خذ معك ( جـركل ) بنزين وخلّه بشنطة السيارة لابغيت تسافر:yes: وبعدين من كلامك واضح ان سيارتك ( أفيو ) .. لأني قد استاجرت وحده ورحت اعبيها بنزين وفلّلتها بـ 16 ريال :bx: خذ لك كابرس مستعمل ( صابونه ) يامال الغناة... تعبيه فل ويسدّك اسبوع :bx: دوك --> :rose: |
| الوقت المعتمد في المنتدى بتوقيت جرينتش +3.
الوقت الان » 08:26 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd