مادام ثقتي بالله كبيره راح تكوني ثقتي باللاعبين كبيره ايضآ ...وياجمهور الرياض ممكن 3 ساعات من وقتكم طالت اعماركم لعيون عبدالرحمن بن مساعد والزعيم؟ - نادي الهلال السعودي - شبكة الزعيم

هلالي مكـــه · #1 09/05/2009, 03:50 AM

السلام عليكم .. شخباركم ... ؟ ماودي اطول عليكم بس بدخل بالموضوع مباشره

كلنا نعرف مباراة يوم الاثنين ... مباراه مصيريه للزعيم .. رغم خسارتنا بالذهاب بنتيجه

كبيره على نادي كالهلال ... ولكن رغم كل هذا انا بصراحه ماكنت متفائل .. ولكن الحين

احس اني متفائل شوي ومدرري ليه؟ ويارب يتوفق الزعيم .. ويسجل هدف من بداية

المباراه مع المحافظه على النواحي الدفاعيه جيدآ .. لأن اي هدف يدخل مرمى الدعيع

راح يشكل عبء على الفريق كامل .. اقول لو سجلنا هدف من بدرري ان شاءالله راح

يعود الزعيم لوضعه الطبيعي ويسجل اكثر من هدف ..

الشي اللي انا خايف منه وكلكم اكيد خايفين منه وكثير من الاحيان نعاني منه هو الجمهور

خصوصآ بمباراة الذهاب بصراحه كان حضوور جدآ باهت وغير مشجع .. وتوقعت يكون الحضور

اكبر بكثيرر من اللي حضر .. لكن نقول ان شاءالله مباراة الاثنين يعود الجمهور الازرق والرقم

الصعب من جديد .. رغم صعوبه اللقاء .. ولكن لاعبينا عادو من ايران بفوز ثمين من البطوله

الآسيويه .. محتاجين وقفتنا وتشجيعنا ودعمنا لهم .. والله اني رأيت في وجوههم الاصرار

والعزم ... انهم يقدمون شي لرئيسهم الامير عبدالرحمن بن مساعد .. ولجمهوورهم الوفي.

تكفوون ياجمهور الرياض نبغى حضوور مشرررف حتى لو ماتأهلنا ((لاسمح الله)) نبغى نثبت

لنجومنا اننا معاهم وخلفهم .. ونثبت للأمير عبدالرحمن اننا نحبه ونعشق الكيان الازرررق ..

اتمنى مايجي احد من جمهور الرياض او المناطق القريبه منها ويجلس يتفلسف على رأسي

ويقول انهزمنا بثلاثه وماراح نفوز ولا نتأهل .... واحب اقول للي بيقول كذا : يااخي انت احضر

وشجع واخلص لفريقك وبعدين قول هالكلام ... لأننا نبغى الجمهور الوفي ومانبغى جمهور

الكلام والحكي الفاضي ... وان شاءالله مافي احد من هالعينه موجود بيننا ...

خاتــــــــــمـــــــــه :

بعد مباراه الذهااب .. قلت لنفسي وانا محطم من نتيجه المباراه راح ارجع

مكه وماني حاضر الاياب ... واتصلت على عيال عمي هناك .. وقالوا لي لاتجي

اذا انت هلالي صميم لاتجي ... وحنا ماسنحت لنا الفرصه بالذهاب بس الاياب

جايينك وانتظرنا انت هناك .. وامس كلمتهم ولقيتهم مضبطين امورهم وجايين

الاحد قبل المباراه بيوم ... وعددهم ((4)) اشخااص ... اظن جمهور الرياض مالهم

عذرر .. والله اعرف عيال من جده جايين ومن المدينه .. معقوله جمهور الرياض

بيبخلون على الزعيم بساعتين او ثلاث من وقتهم ؟؟ لا اتمنى ذلك ...

ثقتي بالله سبحانه كبيره .. ثم في روح اللاعبين واخلاصهم .. وثم في

جمهور الرياااض بحضورهم ومساندتهم .. والله ينصر الزعيم ان شاءالله

تحيااااتي للجميع ......... دمتم بوود ...... مع حبي وتقديـــري

أنا الهلالي والنعم · #2 09/05/2009, 03:55 AM

شكرا لك .. و الله يوفق زعيمنا الاثنين للفوز و التأهل .. و الميدان يا حميدان يالبلطان ..!!

أســطورة الأســاطير9 · #3 09/05/2009, 04:03 AM

موضوع رائع

بإذن الله حاضـــــــــــــــــــــــــــــــــــــــر

وربي يوفق الزعيــــــــــــــــــــــــــــــــم

غريب جده · #4 09/05/2009, 04:10 AM

ان شاء الله جمهور الرياض راح يكون في الموعد

وبالتوفيق للزعيم ونبغى نسمع صافرات استهجان

تجاه الملاكم ناصر الشمراني

Lee jun ki · #5 09/05/2009, 04:29 AM

موضوع رائع...وان شاء الله ترجع وانت فرحان بمستوى الهلال والنتيجة

وجمهور الرياض يطلع بمثل هذي الاوقات..وهذي من عوايدة

،، ζ ĠάŝǿǾS ░█ · #6 09/05/2009, 04:47 AM

وانا بعد متفائل مثلك يالغلا

لكن هذا وجهي اذا شفت جمهور

ويارب إني اطلع غلطان

وجمهور الزعيم يثبتوا العكس

هوساوي الايطالي · #7 09/05/2009, 05:41 AM

ان شاء الله جمهور الرياض راح يكون في الموعد

الـوفـا ديـــن · #8 09/05/2009, 05:47 AM

انا متفائله و إن شاء الله ربي ما يخيب ظننا فيه

الله يوفق الهلال أمام الشباب و نتأهل للنهائي يارب

و بالنسبة للجمهور فبصراحه غير متفائله أبداً

abdogAg · #9 09/05/2009, 05:55 AM

ان شاء الله جمهور الرياض راح يكون في الموعد

قااااهر الأصفرين · #10 09/05/2009, 06:02 AM

مع احترامي لجموهر الرياض مايجي الا في المباريات النهائيه وذا شي

تشهد عليه المدرجات اتمنى انا نقتي بجمهور الهلال بشرقيه والقصيم وابها وجده

بلللللليز شوية دعم للفريق ولا لا تطلبون نتايج

زعيم..والله زعيم · #11 09/05/2009, 06:05 AM

يا رجال ساعتين بس

وين ثلاث

متفائل جداً

غريب احساسي هالمرة

رغم غياب عمود الهجوم الأول

ياسر

الله ينصرك يا هـــــــــــــــــــــلال

تحياتي

غيـَث · #12 09/05/2009, 07:14 AM

في مباراة تركيا وسويسرا في مباريات
التأهل لكأس العآلم 2006 .. كآن المنتخب
التركي يحتآج للفوز بنتيجه كبيره ..

وبالفعل فآز لكن مآ تأهل لـ ولوج هدفين على ما اعتقد
في مرمآه .. ولكن الملعب كآن ممتلئء من الجمآهيرر

,
,

متى مآ كآن هنآك تكآتف من الاعبين والاداره والجماهيرر
سنرى الهلال ليس امام الشباب فقط .. بل حتى امام اصعب
الفرق العالميه .. لمآ نملكه من شجآعه ولاعبين واداره واعيه

,
,

اتمنى دعم الجمآهيرر

the king of asia · #13 09/05/2009, 08:12 AM

تسجيل حظور ..

<<< حاظر الله لايعوقني بشر ..

اخوي هلالي مكه ( لقد اسمعت ولو ناديت حيا ولاكن لاحياة لمن تنادي )

جمهور الهلال هاليومين مايحضر الا اذا كان مستوى فريقه TOP
جمهور الهلال هاليومين مايحضر الا اذا فيه ياسر
جمهور الهلال هاليومين مايحضر الا عشان يصرخ كل مادخل طارق التايب كوبري << هذا اللي فالحين فيه اما تشجيع لاتدور

جمهور الهلال هاليومين مايحضر الا بالمقاهي والمنازل

مدري وش يبون بالضبط !!

alnemi · #14 09/05/2009, 09:46 AM

مشكور على موضوعك ويا رب وفق الهلال بالتأهل للمباراة النهائية

ќ н α ι є ď ~ · #15 09/05/2009, 10:06 AM

الله يوفق الهلال أمام الشباب و نتأهل للنهائي يارب ..