بنمسح غروركم وندفنه ونقفل المجلس .. وندرسكم كل يوم نظام العالمية - نادي الهلال السعودي - شبكة الزعيم

أبــو غــامــد · #1 08/05/2009, 07:46 AM

سلام عليكم .. هذي هي الصور

قبل التصوير

- اعلموا ان كل احد مشوش انا عليه .. هو رافض اني اصوره تماماً وهم ( Mr.GoaL / ماجد مقبل / الـمـشـاغـب )

سبحان الله 3 رفضوا التصوير

- جميع الصور فيها مشكلة .. بسبب بعض مشاكل إعدادات الكاميرا اللي واجهتني

- يوجد عند اخونا أبو ميار .. مجموعة صور أخرى .. راح تنزل بإذن الله في حال أني اخذتها منه

- الصور ماهي مرتبة .. معليش

---

الملعب الذي تم اللعب فيه

---

فريق المجلس .. مع مدربهم قبل المباراة .. وفيه واحد مشوشين علليه لابس شعار النصر من هو ياترى ؟

---

الأبطال قبل المباراة

---

اللي يركض أيوب

.. ولاحظوا حارسنا إبراهيم

.. طفشااااااااان

---

جزء من الحضور اللي كانوا مع العالمية

فيما حقين المجلس .. كانوا 3 يمكن

أو 3 ضرب 3 بالكثير

---

طبعاً .. الصورة ذي بطلع نواف غصب

.. اللي لابس احمر ورقم 9 هو نواف

ياشيخ ارررررروح باشا

---

سنترة بعد احد الأهداف

ويظهر زيزوووووووو ( عبدالعزيز )

---

شوتة طلعت برى وبس

بس مدري منهو اللي شات .. خذ قلب

.. ويظهر من بعيد الهلالي 11 يالبى سيقانه بس

---

دفاعنا الصلب عصام ( نيمينيا فيديتش )

بطل بمعنى الكلمة .. ليتكم تشوفوه إذا يتكلم مع الفريق وسط المباراة .. تحس انه بيشوتهم

---

الحكم يبيني اصوره باللي هي .. ماكفته الـ art ؟

ع العموم الحكم كان أفضل من الحكم النرويجي حق أمس بواجد

---

مواصل من 1413

صراحة أبرز مافيه نظاراته

وأخيراً وجدنا من هو أرسم من مشرفنا السابق سليمان

---

أبو حمد

وأسير

واحد مدري من هو !

هلالي موووت

يراقبون الفريق عن كثب

---

لبى هالخدود الناعمة

اععععن ودددديه

.. بس ماش منت مرسم زي العادة .. خليت ابو عابد ( مواصل ... إلخ

) يتفوق عليك

---

مدير إداريي إدارة الفريق

صديق البيئة ابو حمد

.. لبى الرسمي بس .. مواصل تك على جنب بالله

---

كنق ميلان

و فارس الزعيم!!

متكين بالاحتياط

على الأقل خالد لعب .. بس فيه ناس مالمست الأرضية حتى

---

الخائن

العميل

مايكل سكوفيلد

أي سجن !

وليد القحطاني

---

مدرب المجلس

.. بس بالله وش التكتيك اللي لعبتوا به

.. ويظهر في الصورة من بعيد إذا ماخاب ظني جرح يشكي

و مواصل

---

وبهذا نختم الصور للمباراة .. ولو جتني الصور الثانية .. نزلتها لكم

سي يو ليتر .. بإعدادات كاميرا أفضل

أسيــ الزعيم ــر · #2 08/05/2009, 05:30 PM

صــ ع ــبة قــويــة الـ ع ـالـمـيـة

1 - فوز في المسابقة الرمضانية قبل الماضية

2 - فوز في المسابقة الرمضانية الماضية

3 - فوز في المسابقة الخاصة بالطبخ

4 - الفوز في مباراة رسمية

صــ ع ــبة قــويــة الـ ع ـالـمـيـة

خلاص عورتني حواجبي

والله يا اعضاء العالمية انكم تبيضون الوجه ما شاءالله عليكم

6 منافسات مع المجلس العام خسرنا 2 منها فقط .. أبطال

بالنسبة لمباراة أمس أحيي أعضاء المجلس العام

اللي حضروا و اللي لعبوا .. و اللي ما حضر و لا لعب ما يلزموش

إبراهيم

: وحششششش في المرمى

مع انك طفشان في الباب لكن تواجدك يعطي هيبة لمركزك و هذا هو سبب قلة المحاولات + سوء الفريق المنافس مقارنةً بمستوى فريقنا + الدفاع الرائع

يعطيك العافية

جوج بيست

: مستوى مميز جداً .. لاعب كبير و أحس ان عندك إمكانيات أكبر بس انك مستحي

.. هالولد احسه مدافع ذو نزعة هجومية

يالله مع تكرار المباريات تزين امورنا ان شاءالله .. يعطيك العافية

عصاااااام

: ولييييييييي على ئامتي

يا اخي احبك .. ممكن ترسل لي صورتك :$

صخرة دفاع العالمية ما شاءالله عليه

يعطيك العافية

عبدالرحمن

: هالولد معجبني مدري ليه .. صورتك بالله

.. سجل هدف و كان مأدي مهامه على أكمل وجه

يعطيك العافية

طلال

: ما قصرت يا الذيب

بس هذا مهوب مستواك اللي نعرفه .. بس خل عنك فيه كورة دخلت فيها المنطقة حسيت اني اشوف رونالدو قدامي

يعطيك العافية

مشاري

: ماشاءالله .. على جسمك الا انك كنت من أبرز اللاعبين الشوط الاول .. بس ضبط لياقتك

يعطيك العافية

عبوووودي

: يقول لك اللاعب الكبير حتى في تدني مستواه الا انه يصنع الفارق .. هذا هو عبدالله

.. مستواه أمس ما كان المستوى اللي نعرفه و متعودين عليه

الا انه صنع هدفنا الثالث .. كبير يا عبود

يعطيك العافية

عزووووز

: الليدر

يا شيخ شوفتك بالملعب تكفي .. هالكلمة ترى ما قلتها الا لسامي و لك

.. أيضاً زي عبود .. لكن مسألة انك تحول أحد اللاعبين إلى حراثة

هذي تكفيني منك

يعطيك العافية

دحمييي

: يا ناس احبه و احب اسمع سواليفه

يقطع ابوهيك شغل

بس ليتك مكملها والله .. اول المباراة كان متحمس و يبي يسجل و فعلاً سجل هدفين اشوفه و اتذكر ابراهيموفيتش

بس الظاهر انه ما يترك الاستهبال عنه

بيضت الوجه

يعطيك العافية

أيوب + خالد + عبدالله + حمودي [ أدوار تكتيكية ممتازة

.. ما قصرتوا

يعطيكم العافية

]

صحيح فيه واحد تحسون اني ناسيه صح

.. لا ما نسيته .. هذا يستاهل رد لحااااااااااااااله

دنـيـدل

و اعذروني يا شباب يستاهل لأني اشوفه افضل لاعب في المباراة .. هالولد من فترة ان كاني منيب واهم كان يبي مباراة مع المجلس و قلت له جاية ان شاءالله .. جت مباراة الروابط قال ما اقدر اجي مرتين في اسبوع و مالومه على الطريق .. كان فيه حمااااس كبير للمباراة و انا اشهد انه كفو

من الحماس واصل الرياض قبل ساعتين من المباراة

يعطيك العافية يا نواف ما قصرت يا الذيب

رُمانة خط الوسط .. لا بدري عليك

.. انت رُمانة الفريق

تركي

يعطيك العافية يا كوتش على اللي سويته قبل المباراة و اثنائها

احمد

قام يوزع قلوب على اللاعبين بعد المباراة معها بوسة

يعطيك العافية

ابوحمد

مدرب حراس مثالي

نوره شقشق نور الملعب

وش اخبار المكافات بس

ابوغامد

يعطيك العافية بس وين الكاميرا الزينة

اي كيو

زمامويك

كينغ ميلان

الفهد

العديد من الاسماء كانت حاضرة يعطيكم العافية

سليمان

الدفعة المعنوية الاكبر

يعطيك العافية ع الحضور يا الذيب

أحمد من اكثر قلوب

ليه يا ماجد وش مسوي بجوالك

الهلالي 11 · #3 08/05/2009, 05:49 PM

خخخخخخخخخخخخخخخخخخخخخخخ قوية

تسلم يا عبود وانا قايلك من اول هالمباراة خلها علي لانهم اشغلونا فزنا وفزنا والتاريخ يقول اننا احسن منكم

ما انكر اني استهبلت بالشوط الثاني بكورتين

بس والله كملت نصه وانا مصاب

لكن والله الفريق كله بطل والا ما كان قدرت اجيب ولا قول

وزي ما قلت نواف والله يستحق نجومية اللقاء حشرهم صح بنص الملعب والمشكلة اذا تهورو وتعدتو من النص فيه دفاع صح وراه وش يفكهم منه

مواصل

قبل المباراة ما هايطت كثير وقلت انك متوقع خسارة قاسية للمجلس

الحين بعد المبارة جاي تذب علينا وفي بيتنا

اعقل والا لا اغير تاريخ مواصلتك

منور والله

ومن جد المفروض تتعرف على سليمان يا حبكم للرسمية انت واياه

Hictar · #4 08/05/2009, 06:10 PM

إقتباس

الرسالة الأصلية كتبت بواسطة الهلالي 11


	مواصل قبل المباراة ما هايطت كثير وقلت انك متوقع خسارة قاسية للمجلس الحين بعد المبارة جاي تذب علينا وفي بيتنا اعقل والا لا اغير تاريخ مواصلتك منور والله ومن جد المفروض تتعرف على سليمان يا حبكم للرسمية انت واياه

أنا عارف من قبل المباراة إننا بننهزم لأني أعرف إن الأساطير راحوا

والفريق جديد ، وما زلت أقولها ( تستاهلون الفوز )
لكن لأسباب
وحبيت أوضح أسباب الخسارة للي ما حضر المباراة

_______
ولازم الواحد يجي مرسّم وسليمان يعرف هالشئ
تبي إداري بالفريق يجي لابس ( جينز ) صعبه

لازم تبين للاعبين إن الإداري محّنك علشان كذا جاي مرسّم

_______________

هذي أول مره أجلس هالمده بقسم العالمية

في سابقة جديده!!.

الـمـشـاغـب · #5 08/05/2009, 06:42 PM

إقتباس

الرسالة الأصلية كتبت بواسطة الـصـخـرة


	هههههههههههههههههههههههههههههههههههه

إقتباس

الرسالة الأصلية كتبت بواسطة الـصـخـرة


	لايهمونك ياسلطان.... انت خليفة سامي غصب عليهم جميعا وتراي قعدت اصوّت لك البارح لكنك مع الحماس ماعطيتني وجه جايب لك ريد بول يعطييك جوانيييييييح

خخخخخخخخخخ

لو أنك جايب بدال الريد بل كليجا كان أمداني مسجل خمسة أهداف

والله ما سمعتك ولا انتبهت لك .. كان ضغطي مرتفع من واحد كرهني باللعب .. وتوبة ألعب معه بنفس الفريق

إقتباس

الرسالة الأصلية كتبت بواسطة كاريزمـا


	ماشاء الله تنافسون لطيفة المقرن بالشعر والآلوان إلا المشاغب انت لابس تنوره بيضاء ..

هههههههههههههههههه

هلا وغلا بالملكعة

والله لطيفة المقرن مهيب شينة

بس أنا مدري هو كذا كان طالع الشعر والا الطمس كان مأثر .. كنت راش راسي موية وقت الصورة لأني تعبت من الاحماء وراحت اللياقة

بس هذي مو تنورة ... يقولون لها وزرة

خخخخخخخخ شفت يا ابوغامد وش سوى طامسك؟

رجع سروالي أحسن لك

<<< هههههههههـ

إقتباس

الرسالة الأصلية كتبت بواسطة ريكيلمي


	المشاغب جتك ذبة في الثمنيااااات لطيفة المجرن قسم بالله تسدحت من الضحك عليك

لا يكثر

خلك من الذبة الحلوة الحين .. وخلنا نشوفك ثاني مرة واترك عنك النوم .. كان ودي بشوفتك يا الخوي

لكن ان شاء الله مرة ثانية

إقتباس

الرسالة الأصلية كتبت بواسطة o..7979..o


	سلطان ياويلك من الله والله هالشعار نحس لاتعودهـ لا والرقم 9وهـ ياهالرقم يهبل مثلي ba1:

أنا وضحت غرضي من الشعار

الصدق أني بديت أحس أنه فعلاً نحس

بأجرب المباراة الجاية شعار الاتحاد

الرقم 9 انظلم أمس

. المفروض يعطوني رقم محمد نامي ويخب علي بعد

الحين أنت بمجلسنا يا أبو 97.. 9 7979 ؟

إقتباس

الرسالة الأصلية كتبت بواسطة Mr.GoaL


	سلطان لايكثر بس لاخلي صورتك الحين توقيع لكل اعضاء المنتدى

ههههههههههههههههـ

تبي الجد يا تركي؟ صدق أنك ما تستحي

تجي تناقشني وتقول لي ليه ما تنزل صورتك وتناقشني بالأسباب .. وأنت نفسك مانع ان صورتك تنزل

الله يرجك

المهم .. انتم الحين ماسكين علي شي .. لذلك راح أكون مطيع لكم وما عاد أخالفكم في شي

أهم شي الستر هاه

إقتباس

الرسالة الأصلية كتبت بواسطة R D H


	تجي انت بعدين ياسلطان تقول اهدافكم مب متعوب عليها ؟ بس أحسن مافيه أنه زبد لسلطان ومنعه من أنه يتسدح كثير عند مرماي .. سلطان الله يهديه يحسب نفسه يلعب بحارتهم وين مايبي يتسدح ..

إقتباس

الرسالة الأصلية كتبت بواسطة R D H

يخرب بيتك يعني بالله وش تبيني أقول؟

أقول أن الأهداف ما جت من أهداف دفاعية؟ وأن مهاجميكم فلتات واستخلصوا الكرة من المدافعين وسحبوا بخط الدفاع كامل مع الحارس وسجلوا الهدف؟

الواقع يقول انها أخطاء دفاعية بحتة .. لو بس شاتوا المدافعين الكرة أو ناولوا ما كان جت أهدافكم ..

بالنسبة للحكم .. والله دفاعكم هو اللي يسدحني .. لا واللي غبنّي أكثر واحد منكم مدري من هو

بالشوط الأول لنا فاول وهو الله يهديه يسمع بالمراقبة اللصيقة

ماسكني بيديه ( خلاني أشك في نفسي وأعطي ظهري للجمهور

) المهم يوم بدا الفاول اتجهت للمرمى عشان اوخر منه .. مدري وش صار له وطاح مع أني والله ما لمسته .. يوم طاح وانا اتعثر به واطيح ..!
شفته يقوم وهو زعلان على الحكم يبي فاول خخخخخخخخخخخخ خخخخخخخخخخخ
خخخخخخخخخخخخخخ خخخخخخخخخخخخخخخخ خخخخخخخخخخخخخخخخخ
فاول خخخخخخخخخخ خخخخخخخخخخخخخخخخخ خخخخخخخخخخخ

---------------------------

الحمد لك يا رب حمداً يليق بجلال وجهك وعظيم سلطانك

يا عيال .. تصدقون أني أمس جتني أزمة نفسية؟

ما تخلصت منها إلا بعد ما نمت وصحيت

أثر الهزيمة تدمر النفسية

أجل ما تنلامون يوم تصيحون أيام الخمسة والثلاثة

على العموم .. أنا أشهد ان معكم فريق واداريين ومدرب كلهم كفو .. وتستاهلون الفوز

وما راح نلعب معكم مرة ثانية إلا إذا كنا مستعدين .. مو مثل هالمرة أغلب أعضاء شرفنا واداريينا ولاعبيننا غايبين ..
المرة هذي غرنا فوزنا مرتين ولا قدرنا قوتكم .. لكن المرة الجاية نوعدكم نحترمكم ونتغلب عليكم

أهم ما في المباراة شوفة وجيهكم الطيبة بكل أمانة

والعذر منكم على أي كلمة قلتها عن طريق المزح

لو ما نحبكم ما مزحنا معكم والله