بنمسح غروركم وندفنه ونقفل المجلس .. وندرسكم كل يوم نظام العالمية - صفحة رقم 5 - نادي الهلال السعودي - شبكة الزعيم

خالـ الشوق ـد · #1 08/05/2009, 01:37 PM

ابطاااااااااااال والله ابطااااااااااااااال
اهم شي ان الفريق يكون واثق ويهايط ويفوز

مبروك الف الف مبروك للعالميه

Hictar · #2 08/05/2009, 02:14 PM

قبل ما أمشي وأعود لموطني
حبيت أقول مبروك

وأقول لأعضاء العالمية ، إنتوا محظوظين بالمشرفين اللي عندكم
اللي كنت أعرفهم قبل
سليمان وأسير الزعيم
والحمد لله هالأسبوع قدرت أشوف أحمد
وتعرفنا على أبوحمد وأبوغامد

والنعم والله فيهم كلهم ، ولا يهونون مشرفينا
صحيح إن مشرفينكم دافنينكم دفن بالإيقافات

لكن الشهادة لله برا المنتدى والنعم فيهم ( بالتواضع )

سلام عليكم

‎βαƦ¢α 4 ξνξƦ · #3 08/05/2009, 03:01 PM

السلام عليكم ...

ياهووووووووووه ياعالميه اثااريكم منتب سهلين ماتوقعتهم بتكونون بهالوحشيه

اسمع مراكضكم لين هنا بالبيت عندي

... مبروك بصراحه هالفوز وبكذا كسرنا روسهم لأنهم كانو مستهترين وضامنين .. لكن هيهات ...

وجت تصريفاتهم اللحين .. اللي يقول تكسير ومادري ايش .. واللي يقول فيه ناس تعذروا مهمين بالفريق .. وتلاقيهم مانادوهم عشان لافازوا يقولون فزنا برديف الرديف

علينا هالحركات

...

ودي اعلق على لاصور لكن مخيسه اسمحلي يبو غامد

الواسطه هل اللي خلتك مشرف والا انت من جنبها

... لبى قلبك يالدوب

...

إقتباس


	الحارس R D H الدفاع: Nemanja Vidic و George Best و Loranse الوسط : M' MAN U و .. M a N U t D .. و دنيدل و zezoo00oo والهجوم : اليكس 11 و الهلالي 11 الاحتياط : فيلسوف و Blak wolf و فـارس الـزعـيـم !! و K I N G . M I L A N و 5lo0ody_20 و ‏hmooode_4 كابتن الفريق / zezoo00oo < < شخصيه قياديه بمعنى الكلمه المدرب / Mr.GoaL << وش يجي مورينهو عندك ؟ رئيس الفريق / أسير الزعيم مدير الفريق : أحمد [ هلالي موووت ] مدرب الحراس / أبو حمد كما حضر الغالي / سليمـان ( مشرف الرياضه العالميه سابقا ) و ميلانيللو , و zammamwek

الاسماء بلحالها تخوف كيف لو لعبوا ...

غير الاداريين تلاقيه من سليمان

والا اسير

والا ابو حمد

والا مستر قول تركي

والا تركي ميلانيليلو الداعم الرسمي لجورج بيست

تعال سلطان وينه جا والا ؟؟؟ واخيرا اللي فاتتني شوفته

احمد هلالي موووت

والا الباقين طفشت منهم

بس الطابع المانشستراوي اتوقع باللعب هو اللي اثر بالفريق للأيجابي بصراحه .. اجل 6 من رابطة وحده

عبدالرحمن

اول مره اشوفك تهايط وتكون قد الهياط

ليتك مكملها بهاتريك بس

نواف

سوقك ماشي ورنا مقاطع لك باليوتيب

إقتباس


	شينتاني تروبينات شختهيفي ماجيد استراهة سنتكيرفو [ اسمع حقين المجلس يقولونها ما فهمت معناها ]

هههههههههههههههههـ

مخلينها احتياط للأزمات .. بس مادروا ان مفعولنا اقوى ومن زمان مجربينه

حلوه يا يبوعابد

تعال اسير وش يبي توقيعك تبي تتذكر الهدف

الخرافي

اللي جابه لامبارد

واللي حاول فالديس يردها بس ماقدر

والا كيف .. ولا تواسي نفسك

...

ختاماً اهم شي تجمعتوا واستانستوا وهذا الاهم والله .. صحيح فزنا وبربع درزن >> الا يبي يقول درزن عشان يحس انها واجده

لكن الجمعه اهم .. والجمعه كانت كبيره وتاريخيه مو مثل سوابقها ... والمعذره ما قدرت اجي

مبروك يالعالميه

.. حظ اوفر يالمجلساويه مع اني ماظنيت

مشكور براهيم على التقرير

بوغامد على الصور

للجـ

ـــمــ

ـــيـــ

ــع

سلاموووووووووو

R D H · #4 08/05/2009, 03:03 PM

السلام عليكم ورحمة الله وبركاته

تحيه طيبه لكم جميعا وشاكر لكم تواجدكمـ الجميل

//

الإنظباطيه والالتزام هي سر الانتصار ..

فمباراة الأمس كان جميع لاعبي العالمية ملتزمين بالتكتيك اللي حطه مستر جول .. وكان تكتيك عالورق ونجح عالملعب بفضل التزام اللاعبين ..

وهذا بحد ذاته يعتبر إنجاز عظيم ويستحقوا الفوز عليه .. قسم بالله التزام بجميع الادوار .. واخص بالذكر هنا عزوز ونواف ( فيس خاق

) ولا يهونوا البقيه ..

أما بالنسبة لأهداف العالميه .. فهي مستحقه .. ومن حصل شيء فهو يستحقه لعوامل كثير أدت لذلك .. منها ضغط العالميه الرهيب على مرماكم الذي اجبر لاعبيكم على الارتباك وكذلك استغلال الفرص .. وصدقني ترا الكوره فرص .. تجيك فرصه سواء من خويك او من الخصم .. وعليك ان تستغل هالفرصه .. ومهاجمنا وهدافنا الدحمي ماقصر ابدااااااااا في استغلالها احسن استغلال ..

تجي انت بعدين ياسلطان تقول اهدافكم مب متعوب عليها ؟ .. وبعدين خلك من اهدافنا .. انتم وين اهدافكم .. بفضل الله ثم بفضل تكتيك مستر جول والتزام اللاعبين وانظباطها قدرنا نعزل خطوط فريقكم عن بعض تماما ..

عزلنا الدفاع تماما عن الوسط .. وعزلنا الوسط تماما عن الهجوم .. بفضل سيطرتنا على وسط الملعب ..

//

بالنسبه لمدرب المجلس .. فأنا سبق وكنت حارس لهم وكان هو اللي يدربهم .. وسبق وان قلت انه شخصيته شخصية مدرب محترف يدرب فرق كبيره .. مهب شخصية واحد يدرب هواة مجمعهم ماجد مقبل ..

وكنت اسمع صياحه على وليد القحطاني والمشاغب يوم يقول لواحد فيهم بأعلى صوته بنص المباراه .. ( ياكابتن تراك ماتلعب لوحدك

) وكان بأغلب اوقات المباراه وهو يزبد للعيبة المجلس

وبرأيي أن المدرب الناجح هو الذي يعرف امكانيات لاعبيه ويوظفهم بالملعب على حسب امكانياتهم .. وهذا اللي ماسواه مدرب المجلس امس ..

حيث كان من المفترض انه يحط سلطان في التشكيلة كـ ( صانع ألعاب ) و يحط خشمه كـجنـاح أيسر هاهاهاها

//

المجلس الان يرغبون بالانسحاب وحفظ ماتبقى لهم من امجاد .. فهم فازوا مرتين وحنا مره ..

ورح أقول اللي قاله ( ابراهيم طوقان )

في يديكم بقية من بلاد .. فاستريحوا كي لاتضيع البقيه ..

واقصد بالبلاد هنا .. أمجاد المجلس

//

استفدنا كثير من هالمباراه بـ ../

1 - شفنا الوجوه الطيبه وهذا اكبر مكسب . وكانت فرصه سعيده جدا وسعدت كثيرا بوقفتي مع الشباب عقب المباراه ..

2 - تداخل اعضاء قسمي المجلس والعالميه مع بعض واجتماعهم في مواضيع موحده ..

بالأول كان اعضاء المجلس واعضاء العالميه مافي بينهم علاقه إلا بين عدد بسيط من الاعضاء .. اما البقيه كلن في فلك يسبحون ..

لكن مثل هالمواضيع تجمعنا وتقرب الاعضاء اكثر لبعض .. وياليت مب بالضروره كل جمعه زي كذا تكون على مباراه .. ياليت نتجمع دايم زي كذا ..

3 - بلا شك اهم فائده علمنا المجلس انهم مو قد الأسد فلا يستفزوه من جديد ..

ويكفي اننا طلعنا قد هياطنا

//

اللي بيشوت الكوره .. هذا ثامر ( أول العنقود )

أما المدافع الاخضر اللي بالسنتر .. ما أعرفه ..

واللي جنبه لاعبنا ومهاجمنا المغوار ..( الهلالي 11 )

واللي ورا اخر شي .. هذا القيصر رهيب واضح انه كان يتحاشى اي كوره علشان ماينكب ..

ماقصرت ياعلي

هههههههههههههههههههههه أما الحكم .. شوفوا الدحمي وعبدالله عند السنتره قبل بداية الشوط الثاني والحكم واقف يبي يتصور

يحق له صوره عالأقل

بس والله انه ظريف .. قبل لا يصفر للشوط الثاني شافني مغير فانيلتي ولابس واحده صفرا .. راح قالي / ياحارس ليش غيرت فانيلتك تقلدني يعني ؟

انا كنت بعيد وماسمعته .. احسبه يقول ليه ما أستأذنت مني ؟

رحت قلتله لا بس الاولى صارت مبلوله

بس أحسن مافيه أنه زبد لسلطان ومنعه من أنه يتسدح كثير عند مرماي

.. سلطان الله يهديه يحسب نفسه يلعب بحارتهم وين مايبي يتسدح ..

مواصل بـ سره : الله يقلع من جمعكم وخلاكم تحملون لواء المجلس يالزلايب ..

معلش مواصل سهرناك البارحه .. مفروض تنام قبل صافرة الحكم حقت الشوط الثاني

///

إقتباس


	رده رده رده اقول لك دق علي قومني تدق مرتين بس يا خاين

اتفاقي معك كان اني لما ادق عليك وتعطيني مشغول .. يعني انك صحيت .. وانت عطيتني مشغول بس شكلك مثلي لا جا احد يصحيك تقوله / بس دقيقه بس دقيقه تكفى

بس الدقيقه ياخي تمر بسرعه مدري ليه وانت نايم ..

///

إقتباس


	ودي أرد بس ماعرف وش اقول صراحة لأن كل العالم معطيني أشكل

مين بس اللي ماعطاك وجه ؟

حياك الله يا أختي في العالميه .. نورتي المكان والله انتي والهنوف ورائده وفيو تشآن وفتاه هلاليه والمحبره وماهينور والقناصه الهلاليه وجميع الصبايا اللي حضروا ..

وكذلك جميع الأأبضايات الشنبات اللي شرفونا .. نورتوا العالميه والله ..

أقول سوليدره .. متابعه بصمت وينها ؟ فجأه أختفت .. طمنونا عنها بالله ..

كرروا الزياره ومب شرط على مباراة ..

يعطيكم العافيه جميعا

واشكر كل من جاء من الشرقيه ( اول العنقود وسلطان ووليد والقيصر رهيب ) ونقولهم ماقصرتوا والله ..

وكذلك دنيدل اللي حضوره كان قوي جدا .. ماقصرت يالغالي

وكذلك الغالي عصام الذي حضر من الزلفي للرياض ..

من بعد ؟

ايه و هلالي الشماسيه اللي اتى من خارج الرياض أملا في تسجيل هدف واحد فيني لكنه عاد خائبا ..

والشكر موصول لأبو غامد

.. وابو ميار

على الصور .. واطلب من متعب انه يوريني هذيك الصوره اللي اخذها على حين غره قبل لا ينزلها

دمتم بأجمل حال

محب الذئب9 · #5 08/05/2009, 03:19 PM

طبعـاً الصورة التقطت بعد تنهيدة ..

وبعدين عظة على البرآطم ..

ويحدث نفسـة قـائلاً : آييييييييييية آيييييييية لآ بوكم لآبو من جمعكم < يكلم حقين المجلس ..

يآ شمآتة ابلة طآزة فينآ ..

الحين هآزمينهم مرتين .. ويجون كذآ يطقطقون علينآ .. !!

هين هين .. ! الشرهة مآهي عليكم على من جآ يحمسكم ويوقف عليكم < يكلم حقين المجلس طبعاً ..

------

حبيت اعلق على هالصورة بس ..

لآنهآ معبرة صرآحة ..

وآعتذر آذآ قلت شي يزعلك آخوي موآصل لك 17 سنة ..

Hictar · #6 08/05/2009, 04:30 PM

إقتباس

الرسالة الأصلية كتبت بواسطة محب الذئب9


	طبعـاً الصورة التقطت بعد تنهيدة .. وبعدين عظة على البرآطم .. ويحدث نفسـة قـائلاً : آييييييييييية آيييييييية لآ بوكم لآبو من جمعكم < يكلم حقين المجلس .. يآ شمآتة ابلة طآزة فينآ .. الحين هآزمينهم مرتين .. ويجون كذآ يطقطقون علينآ .. !! هين هين .. ! الشرهة مآهي عليكم على من جآ يحمسكم ويوقف عليكم < يكلم حقين المجلس طبعاً .. ------ حبيت اعلق على هالصورة بس .. لآنهآ معبرة صرآحة .. وآعتذر آذآ قلت شي يزعلك آخوي موآصل لك 17 سنة ..

تصدق إنت الوحيد اللي صدتني

من أمس وأنا أعضض بهالبراطم ، مستوى فريقنا ( لا تعليق )!!!.
منقهر - وجالس أفكر بالتريقة والشرشحة اللي بتجي وكيف الطريقة الدفاع
وصادني ( ردّه وراء )

وأنا أعطي الحل للشباب بأننا نتلاعب بالنتيجة

إسمك يا إبراهيم تحس إنه ( قّير سيارة )

_______________

لكن ما زال للمجد بقية
فوزين مقابل خسارة واحدة

عقد الياسمين · #7 08/05/2009, 08:12 PM

إقتباس

الرسالة الأصلية كتبت بواسطة R D H


	مين بس اللي ماعطاك وجه ؟ حياك الله يا أختي في العالميه .. نورتي المكان والله انتي والهنوف ورائده وفيو تشآن وفتاه هلاليه والمحبره وماهينور والقناصه الهلاليه وجميع الصبايا اللي حضروا .. وكذلك جميع الأأبضايات الشنبات اللي شرفونا .. نورتوا العالميه والله .. أقول سوليدره .. متابعه بصمت وينها ؟ فجأه أختفت .. طمنونا عنها بالله .. كرروا الزياره ومب شرط على مباراة ..

هلا بك اخوي ابراهيم

لا أنا ما ابيهم يعطوني وجه

لأني ادري وجيهم مثل وجيهم

أقصد أحد ينتبه لي ولا أنا مو لازم أنتبه لأحد اصلا <<< مو غرور

شكراً على اهتمامك يا الحارس الطفشان

"فان درسار " على غفلة

الا وش اسم حارس الريال .. عطنا معلومات تثقيفية

بالنسبة للأخت متابعة

فأنا والله مدري .. بس براسلها ان شاءالله وبقولك

ثانكيو

هلالي واعاني · #8 08/05/2009, 03:13 PM

احســاسي مايخيب...

أنــا قايلها قبل للمجلس...

((إذا لم تصل للعاليمه..فأنت حتماً خلف العالمي))

واحب اهديكم هالبيت مغلّف بالتباريك الحــاره...

مافيه جديــد...!!

مجلسـ(ن)..ماله مع الفوز طــــاري..!!

وعالمي في عالـي الصـيت له شــان..!!

والف مبروك...

وهارد لك للمجلس...

R D H · #9 08/05/2009, 03:20 PM

بعد العروض المغريه من أنديه أوروبيه مختلفه بسبب أدائه الرائع

الهلالي 11يعلنها : لا ألعب للعالمية من أجل المال .. بل من أجل حبي للفريق

سطر مهاجم وهداف فريق العالميه اللاعب الفذ ( الهلالي 11 ) صوره جديده من صور الإبداع لكن هذه المره على طريقة الكبار .. حيث رفض جميع العروض التي عرضت عليه من أنديه اوروبيه وبأسعار مغريه .. كل هذا من أجل ( حبه الاول والأخير ) على حد تعبيره ..

والجدير بالذكر أن الدحمي قام بتسجيل هدفين في مباراته الاخيره مما رفع أسهمه للمنافسه على جائزة أفضل لاعب بالشبكة

وختم تصريحه بعبارة

إن لم أكن عالميا .. لوددت أن أكون عالميا )

لله دركـ يا باشا