نادي الهلال السعودي - شبكة الزعيم - الموقع الرسمي

عاد وش رايكم بعنوان الموضوع s121s

( عن التايب أتحدث ) << يا عيني يا شيخ :razz: والله متعوب عليه :d

قبل .. السلام عليكم ورحمة الله وبركاته

ونواف الهلالي ينكس لكم بعد الغياب القسري ؟! ومشكورين يا كل من سأل عني :rose:

نبارك لأنفسنا جميعا بالفوز ونشكر اللاعبين والمدرب والإدارة على هالمجهود والمستوى .. يعني بصراحه

تشوف الهلال اليوم غير !! وأعتقد أن عودة الرووح الهلالية المفقودة منذ زمن هي السبب الرئيسي

لهذا المستوى الجميل فـ الروح هي نصف بل كل الفريق !!

لكن فيه شيء ثاني إلى الحين ما تخلصنا منه وهو إضاعة الفرص السهلة !! لكن بما أن المهاجمين

وبالذات الصويلح من زمان ما لعب قد أجد له بعض العذر !! لكن أرجوا من نجومنا تدارك هذي المسألة

ومثل ما ذكرنا قبل لابد إن اللاعب يعتبر إن الفرصة اللي تحصل له هي الفرصة الوحيدة في المباراة

فلا يضيعها !!

طارق التايب .. طارق العجايب .. من عانده خايب .. صايب جايب ذايب غايب ..... أوقف يا ولد : ليش غايب :ranting:

^^^^ مسك خط الولد s121s

يعني والله حرام حرام حرام نفرط في نجم مثل طارق التايب .. يا جماعة المثل يقول ( ما يعرف مقدار النعمة إلا اللي فقدها ) << بتصرف :d

وحنا إن تركنا طارق يروح والله ما عرفنا قيمته .. ونبي نعرفها بعدين إذا فقدناه !! يا جماعة طارق يعد من اللاعبين

القلائل ( في العالم ) اللي يجمعون بين المتعة وصناعة الأهداف !! بل ما فيه لاعب عربي الآن يمتعك في الملعب

إلا طارق التايب .. وأنا والله ما شفت المتعة من بعد أبو يعقوب :smilie47: إلا مع طارق !! فأتمنى إنه ما يرحل بهالسهولة فهو

عملة نادرة !!

لكن فيه بشرى إن شاء الله يعني سمعنا إنه سيتم تجديد إعارة نيفيز

أو إعارة ويلي لأحد الأندية الأوربية !! والله أعلم .. طبعا إذا استمر طارق في تقديم هالمستويات ..

إن شاء تكون هالأخبار صحيحة .. وبالنسبة للاعب الآسيوي : فأنا أبعث برسالة لإدارة النادي وأقول يا إخوان

إذا نبغى آسيا فلا بد من الهجوم والهجوم فقط !! يعني يبغى لنا مهاجم آسيوي قوي حتى يكون عندنا

هجوم ناري بقيادة ياسر والآسيوي إضافة إلى المحياني والصويلح كورقة رابحة !!

وعلى طاري الصويلح حنا طالبنا في مواضيع سابقة إن الصويلح يعطى فرصة بس فاللاعب عنده مقومات النجاح

من المهاره والسرعة إضافة إلى أنه مشاغب ومزعج بعكس العنبر اللي بصراحه يقتلك ببروده ؟؟!

وفعلا لما أعطي فرصة اليوم ما قصر لولا ضعف حساسيته على الكوره بسبب الانقطاع ولا كان يمكن سجل أكثر

من هدف .. أتمنى عدم إهماله وتحطيمه في الدكه !!

---------------------------------------------------------------------

في وحده من المسرحيات قام الطالب وسوى للمعلمه حركه لا أخلاقية ؟! ثم التفت لزملاؤه

وبكل بجاحة وقال : قـلـة أدب !! مع أنه قلة الأدب طلعت منه هو :to:

وأعتقد إن هالكلام حصل من الاخوان اللي يستمتعون بعطلة مبكره هالأيام .. يعني الجمهور يردد بكل ( قلة أدب )

الألفاظ ( قليلة الأدب ) وبعدها يطلع مستر وليد بكل بجاحة وقلة أدب ويقول عاقبوا ياسر !!!

والأدهى والأمر يجيك أبو ماجد مسرع ويبدأ يدافع بكل بجاحة أيضا و( قلة أدب ) !!!

وأعجبني بصراحه قليل الأدب ( الخكري ) عندما ختم علاقته بالوسط الرياضي بتصريح يليق بمسيرته بـ أن البلجيك عيال عم المجر :d

وعلى طاري الخكر هذا يقولك : خكري مات أبوه لبس هيلاهوب أسود :d

على العموم من قال إن الوسط الرياضي للأسف وسط غير صحي عز الله إنه ما كذب وأنا أزيد عليه وأقول إنه وسط مليء بـ قلة الأدب !!

قفلة :

الفقر وين اليوم والنـصـر ويـنـه .:. راحوا إجازة غابت الشمس بدري

عاده لهم طول الزمان وسنينه .:. وجه الهزايم وأكثـر الـنـاس تـدري