|
معانآة في | استاد الملك فهد | ...! السلام عليكم ورحمة الله وبركاته ...! نخش في الموضوع على طول ..:) قبل عامين ، بالضبط في اعتزال الأسطورة سامي .. كانت مباراة بين الهلال ومانشستر :bx: المهم انا من المغرمين بالشياطين الحمر ، لذا قررت ان احضر المباراة ..:d المهم وصيت واحد يجيب لي تذاكر للمباراة ،، بس للاسف سحب علي :( والمشكلة ما علمني الا متأخر ليلة المباراة حول الساعة تسع ، رحت للاستاد ، دورت تذاكر درجة اولى ،، ( واجهة ) لاني مواعدن لي كمن واحد ... كانت التذاكر قد خلصت وما بقى الا اللي ورى المرامي ... درت عالاستاذ ، لين لقيت لي واحد يبيع التذاكر بـ 120 ريآل .. هي بالأصل بـ 60 شريتها منه ورحت للبيت ... من بكره .. كنت متفق مع الربع اننا نروح الساعة 2 ونص سوا ،، وكان يومها فيني انفلونزا ، وبكره عندي اختبار :to:،، بس هذي فرصة بالعمر مره ..:smilie47: مروني ورحنا للاستاد ،وكان اللي مارنا مهب حريص عالمباراة :to: ، وما كان معه تذاكر ، قال ان لقيت جيت معكم ولا اني بروح ... ما لقى وراح وكان عددنا الظاهر 4 نفر ... درنا عالاستاد لين لقينا سرآ الواجهة... كان زحمة اخر شي ، والمشكلة ما فتحو البوابات :to:... رضينا بالأمر الواقع :d ، فتحو البوابات ومشينا ، المهم صار الصف عريض ، جا عسكري معه ذا عصا كهربائية :d ، ويسوي عميلة تمشيط للي برى الصف ، اصلاً ما ندري وش الصف كلن يدف ... المهم مار يرجعني وكانت الظاهر الساعة حول 3:30 ، رجعني انا والشباب قدام ، واتذكر واحد كنت اسولف معه رجعوه ورى وقام يصارخ ويصاعق( من حقه:( ) ومار يودونه الظاهر للقسم :no: كان فيه عسكري كنت اسولف معه بعد ..:) ناديته وقلت له كذا وكذا ، والله يعافيه قدمني ...!! الحمد لله خلصنا من التفتيش وبقي ندخل للاستاد ... رحنا وكانت المفاجأة الكبرى ، لقيناهم صاكين ابواب الدخول للاستاد ، اقصد الدرجة الاولى ( الواجهة ) ،،كلمنا العساكر.. يا رجال شف التذكرة ، وبعد نقاش طويل ، عيوو :to: ... قلنا مالنا الا نرقا فوق ، رحنا فوق وكان فيه واحد عند الدرج ، قلناله والله يجزاه خير رقانا ، حنا فرحنا ، الا فيه عقبة ثانية ، عشان ندخل للاستاد بغينا ندخل ومار يقول العسكري تذاكركم ، وريناه قال هذي التذاكر مب الدرجة الثانية :d ، قلناله ايه اصلاً هذي اغلى بعد وو ، عيا < نذالة العساكرة :no: ونروح لبوابة ثانية واشوى دخلنا، الحين وين بنلقالنا مكان :to: درنا الاستاد لين ما لقينا مكان خايس في اقصى الشمال الغربي :to: يوم جلسنا كانت حول 5:30 الظاهر ... كل هذا وكنت مريض بعد :to: ،، شفنا الشوط الأول وكنا هلكانين وخصوصاً انا.. المهم واحدن راح يشريلنا شي ينوكل ... بس عيوو يدخلون الأكل :to:... الطامة الكبرى ان اللي ورانا مدخلين معه كيس وش كبره مليان اكل ، ولو كان صغير نقدر نقول ، بس كبير ما يقدر يزبنه ...:no:<< قمة القهر شفنا المباراة طلعنا من الاستاد حول 10:45 ...:to: سحب علينا خوينا ( كنا متفقين معه اصلاً ) ، دقينا عليه ولاه بعيد ، مشينا لين شارع صباح الأحمد ... بناخذ تكسي بس دق علينا قال هذاني قريب لا تاخذون تكسي.. قعدنا حول ربع ساعة صارت حول 11:15 .. ومن الساعة 2 الى الساعة 11 من طب اثمي شي :to:... ... وخلصت القصة المخيسة ...:d لحد يحطم :d:d |
الحمدلله على السلامة ...كان شفتها في بيتكم والفلوس تصدقت بها على المحتاجين تنفعك يوم القيامة ....الله يهديكم ويحفظكم لعيون ترجيكم ... |
والله انا كرهت الملاعب ياخي والله كسل وحر ولا فيه شي تأكله ويزعجونك الطقاقات،آسف أقصد الرابطه لأن بصراحة حنا مانعرف نشجع بس إزعاج على الفاضي |
ماتشوف شر ياهو مشوار من الساعه 2ونص الى الساعه 5 ونص وانتوا واقفين ولا تعبان بعد مايسوى عليك |
أقدر أقولك شي واحد بسs92s>>s42sعطهم تحية s42s |
بس بيني وبينك المباراة تسوى التعب كله بس ترا المرمطه في كل مباراة :( لاكن وش نسوي واللي يقول تبرع بقيمتها جزي كبير من الدخل راح لجمعيات خيرية بس سالفتك وخويكم غير هههههههههههههههههههه شكله منتهي :) يعطيك العافية ع الموضوع والله لايعيد هالمواقف بس تستاهل ذيك المباراة كل هالتعب تقبل مروري يالغلا..’ |
هههههههههههههههههههههه حبيب قلبي ... المعاناة في الملعب هذا شر لابد منه .. بس بسألك سؤال ... وش تحس وانت تكتب الموضوع ؟:d:d:d:d :rose: تحيتي |
الحمد لله ع السلااااااامه عسا حليت في الاختبار زين بس ؟؟ |
إقتباس:
كانت جزء من ايرادات ذيك المباراة ( على ما أعتقد ) تعود لجمعية انسان كما قال احد الأخوان ..:) يعطيك العافية عالمرور .:) إقتباس:
هههههههههههههههههههههه ايه والله الطقاقات ، انا اذا قعدت اقعد بعيد عنهم ... يعطيك العافية عالمرور ..:) إقتباس:
لا مو من الساعة 2 ونص ، يمكن دخلنا السرى 3 وربع تقريباً ... يعطيك العافية عالمرور ... إقتباس:
إقتباس:
يعطيك العافية يالغآلــي ..:) إقتباس:
يعطيك العافية عالمرور..:) إقتباس:
كان اختبار قصير الحمد لله الظاهر اني حليت زين ..:d يعطيك العافية عالمرور ... |
| الوقت المعتمد في المنتدى بتوقيت جرينتش +3.
الوقت الان » 08:30 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd