الرسالة الأصلية كتبت بواسطة زعيم سلطانة (مشاركة 11950823)

يا أخي لا تصيرون مثل جمهور النصر كل كلام أو خبر تحولونه ضد الهلال!!

اللاعب برز و أبدع في أكثر من مباراة وهزازي مبدع ما تبغاهم يرشحونه للمنتخب؟؟؟؟

الوضع الطبيعي أنهم يحتفون باللاعب ويرشحونه للمنتخب!

إلا أبسألك لو كان هذا اللاعب هلالي وش بتكون ردت فعلك؟؟

أكيد بنفرح وبنبدأ نسويله التصاميم ونعرض التقارير اللي تشيد فيه مثل ماجد المرشدي بعد بطولة الخليج

أتمنى أن نترفع عن فكر المؤامرة اللي ألاحظ أنه انتشر السنة هذي بشكل عجيب

كأني داخل منتدى النصر ما هو منتدى الهلال

الرسالة الأصلية كتبت بواسطة Webmaster (مشاركة 11950928)

من صدقك؟

إذا خلينا تفسيرك الساذج للتعليق والبحث عن الغاية من إطلاقها، أبغاك تجي وتركز على اللي سواه السعران في الآسيوية وفي مباراة أمس، وقل لي بالله عليك إذا ما كان يستحق.

ياسر أول ما طلع، جوك ناس بهالمنتدى تقول "ياسر هاللي فرحانين فيه تراه فقاعة صابون، زيه زي يسري الباشا"، علماً أن ياسر بدع في خليجي الكويت، لكن تدري هالمبزرة ليه قالوا كذا؟

بس لأن الاتحاد بغى يوقع معه!

حتى اللي ما قعد يقلل من قدرات ياسر، قاعد يبرر عدم حاجة الهلال له بقولهم "عندنا سبعة مهاجمين على الدكة"، لكن لما الهلال أعلن عن رغبته في اللاعب، أنواع التواقيع والتصاميم وطبل يا اللي ما تطبل!

مشكلتكم أن كل واحد ما يلبس القميص الأزرق، مهما سوى، حتى لو سجل قدام 100.000 مشجع في فترة يأس فيها المنتخب من التأهل، حتى لو أنه حسم الدوري لناديه وفي أرض خصمه، إلا بالقوة تبون تقولون أن أمثال لعيبتكم اللي ما تثقون أنتم فيهم (وهذا واضح من عدم رغبتكم إشراكهم والاكتفاء بياسر فقط) أحسن من لعيبة الخصوم، وتحديداً هنا السعران وهزازي.

ياسر، لا صحصح ووعى لنفسه، وترك عنه المزاجية، يلعب لي مباراة وينام اللي بعدها، أو يقعد يدور الطرد حتى لو ما كان مضطر (أجل بالعقل، يبي الكرت الأصفر الثاني بس عشان الحكم ما عطاه بلنتي؟ عطني بلنتي وإلا بأخرب؟) ساعتها قول لي أن الهجوم اللي على ياسر غير مستحق.

مشكلتكم أن هالشغلات كان لها مقدمات، لكن أنتم من كثر التطبيل والترقيع انعميتم، أجل ياسر قدام الإمارات في التصفيات ليه كان يدور الأصفر؟

قيمة كل واحد في تشكيلتنا على الأقل مليون إن ما زادت، ومع هذا نشوف لعيبة أمثال السعران وهزازي والراهب اللي وقعت معاهم أنديتهم أول ما جوا بسعر التراب يقدمون عطاء أكبر، واللي أثبتوا أن الكورة ما تعرف أسماء وملايين ... من الاستثناءات اللي عندنا هو الفريدي.