|
سؤاااال أين قاعدة الهلال التي أنجبت الثنيان والتيماوي والتمياط والجابر ونجوم الماضي.. منذ سنوات طويلة كان هذا السؤال يراود ذهني بين الحين والآخر .. من سيخلف نجوم الزعيم إذا رحلوا .. سامي - التيماوي - الثنيان - التمياط - الله عليكم ياتاريخ الهلال يانجوم سطروا للتاريخ أجمل الذكريات .. نجوم بفنها وروحها وعطائها بدون كلل أو ملل قادت الزعيم لمنصات التتويج وعشنا معها عصراً ذهبيا اجتمعت فيه كل معاني الفن والإبداع والرووووح .. شعارنا آنذاك.. (إذا لعب الهلال فخبروني فإن الفن منبعه الهلالُ ).. شتان بين حالنا الآن وحالنا من قبل .. 4 أجانب في الفريق صرفت عليهم اموال لايساووون لاعب واحد بحجم التيبماوي أوالتمياط ناهيك عن الثنيان والجابر الذي يساوي كل واحد منهم فريق بأكمله .. أليس من المنطق أن نهتم بقاعدتنا الشابة والمشهود لها آنذاك بتفريخ النجووووم .. نعم هذا هو الحل وهذا هو المنطق وهذه هي الحقيقة .. ومن يقول غير ذلك فهو يخالف الواقع .. لو أنفق على قاعدة النادي نصف مبالغ التعاقدات مع الأجانب سنرى اجيال يسطر لها التاريخ أرروع الأمثال .. إكتشاف النجوم وصقل موهبتهم هذا بحد ذاته يحتاج لعمل جبار وصبر ينبني على اختيار مدربين أكفاء ذوقدرة عالية وخبرة كافية في صنع النجوم وصقل مواهبهم .. اتمنى وكل هلالي يتمنى أن يعيش ويرى صغار الهلال وشبابه هم أعمدة الفريق وركيزته الأساسية التي يعتمد عليها الفريق وأن يستغني الفريق عن كل لاعب أجنبي ويكون الزعيم مضرب المثل مثلما كان من قبل .. المطــــــــلوب : نحن الان على نهاية موسم ..سيرحل بخيره وشره ..وأتمنى أن نكون قد استوعبنا فيه جميع الدروس التي مررنا بها على أن يكون موسمنا القادم مختلف تماماً مبني على التخطيط السليم والعمل الجاد لكل مايخدم مصلحة الفريق بتكاتف الجميع من أعضاء شرف وإدارة وجماهير .. ونطوي صفحة الماضي لنبدأ صفحة التصحيح بعبارة.. (هلالنا القادم غير) ويكون ذلك قولاً وفعلا .. أتمنى ذلك .. تقبلوا من محبكم أطيب تحية:yes: |
الدعيع افضل 10 حراس في العالم ويلهامسون افضل محترف اسيوي المرشدي افضل مدافع مع هوساوي وياسر القحطاني القناص والمحياني هذاف الدوري وهو مع الوحده كيف لو جاء الهلال ولديه وسط يخلي الدعيع هداف لاكن الهلال يبغاله استقرار وتعود روح الهلال وان شاء الله يجي المدرب ونجيب حسن معاذ ونيفيز بدل نامي وانتهينى استغرب ياخي من موضوعك وبعض المواضيع ذكرتني بالفقراويه ماجد عبدالله الزعيم اساطير ولا يقف على اسطوره وحده اقول تفائل خير وعقبال كاس العالم ان شاء الله والهلال في هذا الوقت يريد دعم الجمهور والوقوف لنهوضه من نعسه بسيطه وليس مرض مثل النصر الله لا يبلانا |
يعطيك العافية اخوي فعلا الهلال ينقصة الاعب الموهوب مثل الثنيان لكن في درجة الشباب واللة ماشفت الا العابد والهجوم البيشي وراقي فلاتة اما الباقية يمكن يرحوا لنادي غير الهلال افضلهم لان ماشفت احد منهم عندة الموهبة لافي الدفاع ولا الوسط ولا الهجوم فقط الثلاثة الافضل في شباب الهلال لاكن في حطين في لاعيبة الهجوم والظهيرالايمن |
تذكرون الاعب حسين هوساوي الي جابو من المدينة وسجلوه بدرجة الشباب وطلبه الوحده هذا الموسم بس رفض الهلال بسبب مشكلة المحياني ذاك الوقت قبل اسبوعين اسئل مدرب عن الاعب وش صار عليه صدمنى قالي ما اعرفه أول مره اسمع عنه يقهر لما مواهب تروح هبا منثور وهذي صورتة http://news.maktoob.com/imageConvert.php?path=1754887 أتمنى من كون بس ترزز سجلنا وعملنا نبي نشوف الاعبين على ارض الواقع |
االأخ تسونامي .. انا تفكيري للمدى البعيد .. لصناعة هلال تاريخ وإنجازات وليس هلال تجارب لاعبين اجانب والنتيجة ضياع بطولات .. |
يارجال عساك سالم وين تبي الهلال يفرخ وراه سامي وبعض من الاجانب انا اذكر انه جاء واحد يبي يلعب للزعيم و يحب الزعيم يوم دخله يلعب المدرب الظاهر أنه كان روماني حق الشباب أو الناشئين ماني مذكر لكن أول ماطب أستلم الكورة ودز فيها وسحب الحارس على صفر وطرده من الملعب ليش مايدري وين تبي يفرخون عساك سالم واللاعب هذا راح تشوفه مع النصر للأسف وهو ماوده لكن اخوه نصراوي متعصب لدرجة الجنون واخذه للنصر شفت وشلون |
الأخ هلالي دايم : شكرا لك ولتعليقك وإضافتك .. فهت قصدي .. |
الأخ مين قدك يازعيم: شكرا لإضافتك وتعليقك فعلاً هذي من أساسيات المشكلة عندنا .. |
الأخ ميزو .. وهذي أيضا مشكلة كبيرة .. اتمنى تصحيح الواقع وعدم التفريط في المواهب شكراً للإضافتك |
كلام جميل وموضوع اجمل شف عندك الفريدي ان شاء الله خليفة الثنيان وعبدالعزيز الدوسري خليفة التمياط وان شاء الله المدرسه الهلاليه تنجب امثالهم |
إقتباس:
يعني رجعنا لموال سامي وسامي سوا وسامي فعل وسامي وسامي , خليتوا الآدمي شماعة لأخطاء لا علاقة له فيها وكأن أي مصيبة تحدث كانت بأمر من سامي.. فيه ناس تكتب وترد بس لمجرد إثارة المشاكل وعمل (قروشة) فقط لا أكثر يعني أنت ياللي مسوي فاهم وتشخص الحالات والمشاكل ماتقول بالله من وين اخترعت القصة هذي ؟؟؟ لعلمك ياشاطر مدرسة الهلال توقفت عن إنجاب المواهب وأقصد بالمواهب اللاعبين من طينة الثنيان وسامي والتيماوي والغشيان وبقية الأسماء الخالدة , توقفت قبل اعتزال الثنيان مو سامي!!!!!!!! أتمنى من الأعضاء الذين يودون الردّ على المشاركات أن يحاولوا قدر الإمكان ألا يردوا على مواضيع لايفقهون فيها إلا كمثل فقه النصراويين في البطولات وكيفية الصعود للمنصات... وللصغار نقول (كفى عبثاً) |
| الوقت المعتمد في المنتدى بتوقيت جرينتش +3.
الوقت الان » 11:39 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd