03/05/2009, 02:41 AM
|
| موقوف | | تاريخ التسجيل: 15/11/2003
مشاركات: 436
| |
|
الله يرحم ايام واحد لينكون واثنين يمنى
هي الايام تسير لدرجة انك تدرك انك عشت سنوات طويله وتراجع نفسك
مادعاني لكتابة هالمقدمه هي تصاريح الامير الوليد بن بدر
ادمانه الخروج اعلاميا بشكل مستمر ودائم لدرجة اني اخاف ان يخطم على ابو شراره الصبح وحنا متابعين ويضيع علينا الدوام من ادمانه
المهم كل ما طلع تلفونيا او حتى بالقنوات التلفزيونيه ا ارجع بالذاكره باستغراب هل معقوله هذا الشخص هو نفسه
بالتسعينيات ميلادي وببدايتها تحديدا يعني قبل اكثر من عقد من الزمان
كنا نتجه لنادي بطريق التحليه اعتقد مازال موجود لنمارس لعبة السنوكر واللي كانت شبه مجهوله للاغلب بذلك الوقت
اذا ماني واهم ماكان فيه الا ناديين فقط بالتحليه
العدد قليل ل الاعبين لذلك سهل التعارف ومعرفة كل شخص ويش هو من لحيه
الوليد بن بدر اذكره يجي على لنكون مخجم ومعه اثنين من اخواننا اليمنيين
وصراحه وانا متاكد كل من يعرفه يشاطرني الراي كان لك عليه يعني تقدر تقول صحيح ومرجوج
بمعنى فئة سياحي كما كان يطلق بذيك الايام ومطفر
المهم انقطعت الايام بالناس واللي انشغل بعمل او دراسه الخ
وتفاجاءات يوم شفته مرافق مع الامير فيصل بن فهد الله يرحمه واعتقد بكاس العالم بفرنسا
واذكر اني تمددت ضحك ساعه كامله يوم شفت تصرف له بعد لقاء الامير الراحل فيصل بن فهد
اللقاء كان بممر اللاعبين للدخول او الخروج من الملعب
الامير وعزالله انه امير فعلا فيصل بن فهد يجرون معه لقاء بعد شوط بالمباراه او بعد المباراه المهم كان مبسوط
وبجانبه سلطان بن فهد وكان وقتها ما ينطق كلمه حتى اني حسبته اطرم
وبعد ماخلص الامير فيصل الله يرحمه اللقاء وهو منصرف الا الوليد بن بدر وراه نحيف بدله شامرتن عليه ونظارته نفسها اللي معه الحين قعد يطامر ويرفع يدينه للكميرا فرحان انه طلع بالتلفزيون
اتمنى احد الاعضاء يجيب اللقطه بيلقاها بمحلات فيديو بس يصيد المباراه ويمكن هي مبارة الدنمارك او يمكن المباره اللي مع انجلترا قبل البطوله
المهم وانا اشوف تصرفه وقتها ضحكت ضحك سنه بحاله
وقلت هالصحيح ويش جابه مع الامير فيصل الله يرحمه شكل الامير فيصل بيصفقه لدرى بحركته لانها حركة خبل
راحت السنين واختفى الوليد بن بدر ماعدا بعض الطمرات المعدوده
والان
بهالسنين وانا اشوفه الرجال متغير
كنه ثقل شوي وركد ولو ان الخفه مازالت واضحه فيه
وانا اقول اكيد ان الرجال ماخذ كورسات ورا بعض الين تعلم يثقل وتخف الحذفه اللي فيه
ومع كل هذا اتذكر واقول والله العمر مشينا فيه والله يحسن الخاتمه
والدنيا ما تقول عليها شي
ممكن شخص تشوفه صحيح وعليه قل صح بعد سنوات تلقاه مشغل الناس والعالم ومتغير
وسبحان اللي يغير ولا يتغير والرفلى مرزقه على قولتهم
(((منقول من صاحب الشان بدون اذن منه ))
ونبي المقطع قبل لا يروح يسحب النسخ من السوق ترى يسويها هالخفيف
|
الوضع الشجري
