تعـــــــــــــــــــــــالوا شوفوا وين المشكله شوفوها هنا ؟؟ - نادي الهلال السعودي - شبكة الزعيم

αlειη αlżαяqα · #1 01/05/2009, 11:23 PM

بسم الله الرحمن الرحيم

طبيعي نهزم بثلاثة أهداف حارقة
لأن المدرب فشل فشلاً ذريعاً في وضع التشكيل المناسب للمباراة

توضيف كل لاعب حسب مركزه و إمكانياته بالشكل الصحيح شيء ضروري يا جورج ليكينز

هذا ما الشيء جعل الاعبين مشتتين داخل الملعب لم نكن نرى كرة قدم من الجانب الهلالي بل رأينا بما يسمى بـ (الدجــة) !!
ليكينز مدرب يملك سجل تدريبي جيد و لكنه سيفشل مع الهلال لأنه لا يعرف طبيعة الدوري السعودي ولا يعرف يضع تشكيلة مناسبة
رأينا اللاعبين يلعبون بطريقة غريبة في أكثر من لقطة الزوري مع وليهامسون يدخلون على بعضهم في كرة واحدة
وكذلك الزوري مع التايب و نامي مع رادوي و خالد عزيز مع أسامة هوساوي والمفرج يتفرج وحماس من دون فائدة

الكل يتحمل الخسارة ولكن المدرب يتحمل الجزء الأكبر

من إقالة كوزمين و الهلال يتخبط والمؤشر نازل بالأحمر لتحت ثم !! تحت !!

وليهامسون تعرض للضرب في المباريات الأخيرة مما تسبب في إيقافه تماماً فهو لاعب محترف ماهمه الهلال همه المال و رجله فقط

سول لم يقدم المستوى المأمول منه حتى الآن

طريقة ليكينز أجبرت ياسر القحطاني على الخروج بالكرت الأحمر لأن طريقة ليكينز تجلب ( المغص )

المفرج لاعب حماسي ما أدري ليش هذا اللاعب منحوس كل ما لعب نشوف المهازل

المباراة لم تنتهي نسطيع أن نتأهل للنهائي و لكننا نحتاج لـ ( 11 ) سامي الجابر داخل الملعب

لاعبون يقدرون الشعار و يلعبون بروح عاليه
نحتاج لجنون بصير صلاح الدين و ذكاء أبو يعقوب
و شجاعة صالح النعيمة
و فدائية خالد التيماوي
و سحر نواف التمياط

لم يحضر الهلال اليوم ولم تحضر جماهيره بل حضر ( المغص )

المشاكل تتكالب و تتسابق على الهلال يا ترى ما السبب هل منا نحن أم من الخارج

محمد الشلهوب لم يكن مقنع للمدرب حتى في حال التعادل هل سينفعنا و الهلال متأخر بثلاثة (( هذا الكلام للمدرب )) . الشلهوب لابد أن يلعب أساسي فهو لاعب مهم جداً و ذكي

ليكينز أهديك نصيحة لعلك تخرج من أزمتك :
توضيف كل لاعب حسب مركزة و إمكانياتة بالشكل الصحيح شيء ضروري

الأسطورة الثنيان 15 · #2 02/05/2009, 03:07 AM

إقتباس

الرسالة الأصلية كتبت بواسطة العيـ 11ـن الزرقاء


	بسم الله الرحمن الرحيم المفرج لاعب حماسي ما أدري ليش هذا اللاعب منحوس كل ما لعب نشوف المهازل [/COLOR]

المفرج اللي تقول أنه منحوس جاب لك البطولة الوحيدة هذا الموسم

ولكنكم تاكلون وتجحدون

كتوووم · #3 02/05/2009, 03:11 AM

نامي وسول
الله لا يهينكم ارحلوا و خذوا المدرب معكم

قلبي ازرق9 · #4 02/05/2009, 03:13 AM

المشكله من طردت كوزمين
ولايهمك الي يقول الهلال مايتأثر

Lee jun ki · #5 02/05/2009, 03:14 AM

والله مافي احد جابلي المغص الا المدرب نفسي اسمع بكرة خبر اقالته

دمر الفريق....وما اعتقد ان في شئ نخاف علية كل شئ راح

ولا احد يقولي الاسيوية ... الفريق اللي الشباب فاز عليه ب 3

الفريق الايراني و بختاكور كم بيسجل فينا...

اااااااااااااااه يالقهر...حسبي الله على كل ظالم

استثنائي · #6 02/05/2009, 03:19 AM

نامي وسول ... وليكنيز ..!!!!

وعزيز مستواه في إنحدار غريب ..؟؟

وياسر أنواع أنواع الإستهتار ..
كرتين حمراء في مبارتين متتالييتين ...
يعني المدافعين ما سوهوا يجي ياسر رأس حربة يسويها ..!!!

قسم بالله شئ يرفع الضغط ...

تعرف وش يبي للهلال ... يبي له واحد زي محمد بن فيصل واحد ينخل أم اللاعبين يخليهم يعرفون هم لمين يلعبون ..
أم عبدالرحمن بن مساعد مثالي لدرجة مجنونة ..

كثر الله خيره هو أكثر من دفع للزعيم في تاريخه .. رجل كريم ولا يبخل إن كان في مصلحة الزعيم ..

والحمد لله تحرك اليوم وتكلم شوي على خفيف على قناة ام بي سي ..

نبيه يصرح ويهاوش ويحمس ..
الجمهور ما يجي يشوف إدارة مثالية مضيعة حقوقنا .. ولاعبين يتمشون في الملعب .. كل واحد يروح وراى لاعب من الخصم وكأنه ينحاش من الكورة ..؟؟؟

طارق التائب الوحيد الي تحرك في الفريق اليوم ..

وبالنسبة للشلهوب ..
الشلهوب يا ناس أنخفض مستواه وهو في عمر كبير ..

أول كان يشفع له مهارات الحين لا مهارات ولا جسم ..!!!

الشلهوب أنتهى ولو يعتزل بيريحنا ويريح عمره ...

والفريدي كان البديل الناجح لكن إصابته صارت دكة البدلاء مثل عدمها مافيها لاعب يستاهل ...

وليكنيز أتمنى إقالته بأسرع وقت .. مدرب مدلخ بكل أمانة يعني تعادلين من النصر وخسارة من الإتحاد وخسارة ثقيلة من الشباب ..!!!
ومع ذلك مستانس على لعب سول مخليه يلعب 90 دقيقة ومطلع التائب وويلي ..

الله يرجعك بالسلامة يا الفريدي لاعب يصنع الفرق ...
وننتظر المحياني ونيفيز

...

وأذكركم بإذن الله ردنا على الشباب بالإياب

...

عضيد ياسر · #7 02/05/2009, 03:39 AM

نامي مهو كفووو يلعب للهلال وسول دجه
الدعيع تكفى عط غيرك فرصه

fahad-2008 · #8 02/05/2009, 05:16 AM

الله يعينكم يانجوم الزعيم على النقد الجارح اما انا والله معكم يانجوم الهلال عارف اوضاكم مقدركم الله يخليكم اتمنى لكم الوفيق في الاسيويه وعقبال العالميه ان شاء الله واتمنى ان ترجعون انفسكم ياجماهير الزعيم لان العتب عليكم وليس على نجوم الزعيم وش الجمهور هذا تفشلون ياجمهور المقاهي يابن مساعد انا معك سوف اشارك الزعل و الفرح والنقد الله يخليك لنا ان شاء الله والله انك قدامت كل مالديك يعطيك العافيه

هلالي ورااسي عاالي.. · #9 02/05/2009, 06:06 AM

اقول يا زين ايام النعيمه والثنيان والتيماوي وابوثنين
هذولا الرجال , حتى لو المدرب فاشل وما عندك اللاعبين متفاهمين
آآآه يا راسي والله ما فيني حيل اكتب ولا لي نفس
آآآآآهـ بسس.

αlειη αlżαяqα · #10 03/05/2009, 04:01 AM

ألف شكر للجميع

::::::::::::::::::::::

عاشـ21ـق بيرلـ21ـووو · #11 03/05/2009, 04:14 AM

اقوووووووووووووووووول الله يذكر ايام محمد بن فيصل بالخير

كريزي · #12 03/05/2009, 01:39 PM

(صارت الاداره افشل اداره وصارو الاعبين افشل لاعبين )
يعني فزنا صرنا احسن فريق خسرنا صار الهلال افشل فريق....؟

إفضل اداره هي ادارت ابو مساعد ...........!
واحسن لاعبين بالدوري السعودي هم لاعبين الهلال..!

وش ذنب الاعبين وش ذنب ابو مساعد ........... ّّ! اذا مدربهم مقال بنص الموسم وشتبي الفريق يقدم ..

والله ان الهلال مع الضروف هذي ومع كل الي صاير والله انهم ابطال..

الي ناقص الهلال
ليكنز >>>>>>>>>>>>>> مع الباب
سسسسسسول >>> وراااااااااااااهـ

ومحمد نامي ياليت يرجع لمركزه الاساسي وسط صانع لعب ويجيبون ضهير ايمن يامحلي ولا محترف .؟

~|الـ شَ ـآقي }. · #13 03/05/2009, 02:28 PM

شبباااب اكبروا افهموا تكفوووون

السبب مو من اللاعبين

السبب طرد كوزمين افهموهاا

تكفوووووووووووون

نزيه المشاعر · #14 03/05/2009, 02:42 PM

الله يوفق زعيمنا

...............

الهلال,hilal · #15 03/05/2009, 05:43 PM

احضر بعدين انتقد ما ألوم نجوم الزعيم شوط اول بدعوا فيه بس الثاني واضح عليهم الارهاق وعبدالرحمن بن مساعد يصرف بس المفروض يمسكهم يخليهم يلعبون بالغصب مثل محمد بن فيصل