بسم الله الرحمن الرحيم ...
عندة قصة صغيييييييييييييرة ودي اقولها لكم ...
كان يا ما كان في قديم الزمان وفي سالف العصر والأوان ناس يلعبون كورة وهو : سامي الجابر - فهد الغشيان - يوسف الثنيان - خالد التيماوي - فيصل ابوثنين - خميس العويران - عبدالله الجمعان - محمد لطف - خالد الرشيد - احمد الدوخي - سيرجيو - الكاتو - الهويدي - الشلهوب(ايام عزه) .... خلاص تعبت ما اقدر اكمل
كان فيه 11 لاعب في الملعب و ( مثلهم ) خارج الملعب !
كان اذا المدرب فكر يغير ما ننتبه للاعب الي بيدخل لاننا ندري ان اللاعب بنفس المستوى او افضل من اللي خرج
اذا جا المدرب يبي يحط خطة يقول : حرااااااام عليكم !! عندي 5 مهاجمين !!! مين العب ؟؟؟ عندي سبعين ألف واحد في خط الوسط وكل واحد يقول الزود عندي !!!! حراااااام عليكم !!! طلعوني من السالفة ما ابي اختار تشكيلة ! انتم اللي اختاروها ...
وخلصت الحدوتة يا حلوين
اللي نستفيده من الحدوتة هاذي ... ان اللاعبين الـ 11 اللي يشاركون مع الفريق الاساسي هم أفضل الموجودين في نادي الهلال واللي قول غير كذا يكذب على نفسه ...
عطني بديل في مستوى ياسر ...
عطني بديل في مستوى عزيز...
عطني بديل في مستوى الزوري ...
عطني بديل في مستوى التايب ...
عطني بديل في مستوى الدعيع ...
عطني ( ظهير أيمن ) ... لان الصراحة ما اشوف عندنا ظهير أيمن
روح شوف الشباب
المهاجمين : ناصر الشمراني - يوسف السالم - ناجي مجرشي - فيصل السلطان - عبدالعزيز السعران !!! 5 مهاجمين في مستوى واحد
شوف الاتحاد
نايف هزازي - هشام بوشروان - عماد متعب ... 3 مهاجمين في مستوى واحد !!!
عاد اذا جينا لخط وسطهم ودفاعهم بنتعب من الاساسيين و البدائل الجاهزة عندهم !!!
يعني أوفر على نفسي و عليكم احسن ولا اني اتعب قلوبكم بالاسامي الجبارة اللي في انديتهم !
نجي لفريقنا ( المكسور )
مهاجم واحد فقط في فريق لقبه ( زعيم الاندية السعودية )
بتجي تقول لي عندك العنبر والصويلح ومؤشر وين راحو يبو ؟؟!! بقولك يرحم امك قل خيرا أو اصمت !!
يعني بسألك بالله انت من داخلك مقتنع ان اللي ذكرتهم مهاجمين !! وينهم عن المنتخي دامك تفاخر فيهم كذا وعاجبينك !!
واحد منهم تعبنا وحنا نقوله خفف من المفاطيح .. اترك الكبسات يا فلان .. شف كرشتك وين وصلت !! بس للاسف اذن من طين واذن من عجين ...
والمهاجم الثاني نفس الحالة !! يعني ودي انكم تشوفون صور لعنبرينهو في موسم 2005 وتقارنونها مع شكله الان .. فرق السما والارض !!
وعبدالله الجمعان مشى بنفس الطريق قبلهم ... المشكلة هم ما تألقوا في الهلال الا واجسامهم ( مثالية )
يعني شف الجمعان موسم 99-2000
شف الصويلح في موسم الثلاثية
شف العنبر في موسم الثلاثية
يعني ان ما ادري هم ما يستوعبون والا يستغبون والا كيف !!
اذا انت الصراحة كل همك بطنك والمفاطيح رح جرب تعرض نفسك على ( الجار ) لان الزعيم الصراحة لا يرضى بوجود ( كروش ) تتمشى في فريقه !
نروح للطامة الكبرى ... واختراع الذرة الجديد .. مركز الظهير الايمن
بو مساعد تبي ظهير عليه الكلام !! ادفع لو 30 مليون فيه حتى لو كان سعودي !! تبي واحد زي حسن معاذ والا شهيل .. ادفع !!
بومساعد اذا قلت ان السعر مبالغ فيه كل ما رحت تشتري لاعب.. لا تحلم انك تشتري أي لاعب بهالوقت !
يعني يا بومساعد جهز دراهمك بعد اخر مباراة للفريق الموسم هذا ... لأن الجمهور صدقني ما راح يرضى عليك ولا على ادارتك الا اذا افرحتهم بفريق لا يقهر وبوجود بدلاء ( في مستوى الاساسي ) في كل المراكز ...
اسف على التخبيص في الموضوع ولكن اكتب هذا الموضوع وانا اتقطع من القهر وانا اشوف ( الزعيم ) يهان !!!
بالتوفيق للزعيم
.الله يذكره بالخير...
الوضع العادي
