|
قد يفعلها بدلاء الهلال - الشلهوب ورفاقه !! http://upload.alhilal.com/img/014/b3asmla3a.gif http://upload.alhilal.com/img/016/alz.gif اتمنى من الادارة الهلالية ان صحت الأخبار بإقالة المدرب ان تعطى الفرصة للاعبي الهلال البدلاء بعد الاتفاق مع المدرب الحسيني في مباراة الهلال امام الشباب يوم الاحد القادم كون الفريق تنتظرة مشاركة مهمة في البطولة الاسيوية وهم / حسن العتيبي سعد ذياب - ماجد المرشدي - حسن خيرات - سلطان البيشي عبدالعزيز الخثران - عبداللطيف الغنام - محمد الشلهوب - فهد مبارك احمد الصويلح - محمد العنبر فقد يأتو بالمستحيل وهي ليست صعبة على اسماء تريد ان تثبت جدارتها وغير هذا ليس لديهم ضغط او شحن نفسي من المباريات المتتالية على الفريق وهذا لايعني الاستغناء عن كامل الاسماء في المباراة القادمة على الأقل يكون طارق التائب وويلي وعزيز اوراق رابحة ان استدعت الحاجة لهم هي مجرد وجهة نظر s13s مارأيكم ؟! |
اتمنى يعطووووووووووووووون فرصه لو مره |
معاااااااااااك ياذيب بس التائب بدل فهد مبارك |
مشكووور بالتوفيق للزعييييييييييم |
فهد الشمري أو الدعيع .. زوري - هوسآوي - حسن خيرات - سلطان البيشي عبدالعزيز الخثران - عبداللطيف الغنام طآرق - فهد مبارك احمد الصويلح - محمد العنبر ^ ^ كذآ معقول |
صح بس المبارك مايصلح احسن التائيب |
والله كلام سليم ونشوف اعصار في مبارات الاياب |
الجميع يتمنون هالشي بالتوفيق للزعيم |
صاحي انت يابو الشباب وش هالأستسلام انت تقول اسماء تبي تثبت جدارتها ..! يالغالي هالأسماء الي قلتها لهم كم سنه بالهلال ماتطورت مستوياتهم ومايبون يطورونها وعاجبتهم مقاعد الأحتياط قال ايش قال فهد سرور وحسن العتيبي والذياب احس انك شوي وتقول تركي الصويلح طال عمرك خل العاطفه على جنب وحنا نبي نفوز على الشباب بنتيجه كبيره حتى لو ما نتأهل لنصف النهائي وخل لاعبينا يتعبون احسن شف الملايين الي تجيهم وانا اعتبرها بدون مقابل اذا مقابل هالملايين تعادل قدام النصر وفوز بشق الأنفس على أنديه نايمه وبعدين ليكنز هذا على باله انه شخصيه قويه ..؟ من اول ما جا الهلال وهو ماخلا لاعب الا ومتهاوش معه يعني بثبت شخصيتي عليكم ..؟ كانه شخصيه قويه ليه يوم شاف الاعب( النامي) بالجهة اليمني ماغيره واشرك لاعب ماهو نامي وليه يرجعنا لأيام العذاب ويدخلي المفررج وقال ايش قال منضبط ياشيخ مارادونا لو انه بفريقي ومايجي النادي ويقول دقوا علي وقت المباراه واجيكم والله ألعبه بس ما العب لي واحد نكبه بداله حتى لو هالنكبه معاه مفاتيح النادي وهو اول مايدخله واخر من يطلع وخالد عزيز وياسر القحطاني ما رح اتكلم عنهم لكن ياليتهم يعطون الهلال نص ما اخذوه منه ياسر القحطاني لو انه مو هلالي كان الحين في خبر كان وسلامتكم |
كوني اتكلم عن الزعيم فتـأكد اني واثق كل الثقه بنجوم الهلال البعض يقول ان في كلآمي تخدير سوف ارد عليهم {لآلآلآ} من يتذكر مباراه خيتافي وبرشلونه كانت آنآ ذاك برشلونه المسيطره على عالم الكرهـ الاوربيه لنعيد ذاكرتنا قليلآ سوف اذكر مباراه برشلونه وخيتافي [حيث كانت مباراة الذهاب إنتهت بفوز نادي برشلونة 5-2 ] ولكن مثل ما يقولون لا يأس مع الإصرار ولا يوجد شيئ مستحيل في عالم كرة القدم إستطاع نادي خيتافي أن يقلب الطاولة على نادي برشلونة ويفوز عليه بنتيجة 4-0 وبهذه النتيجة تأهل نادي خيتافي إلى المباراة النهائية وهذه أول مرة يتأهل فيها نادي خيتافي إلى المباراة النهائية فلآ يسـألني احــد اذا كان الزعيم قادرآ على فعل مافعله نادي خيتافي عندها سوف يكون جوابي هو {نـــــــ ع ـــــم} وحتى لو كان الزعيم جريحا فالاسد لآيشكو من جروحه |
ان شاء الله يعطونهم فرصه والله ان يبدعون ويبغون يثبتون انفسهم |
إقتباس:
والله يسمع منك ان شاء الله انا عندي احساااس ان الهلال راح يحسمها بالاياااب ان شاء الله ... |
إقتباس:
انا مابقول للاساسيين انهم مرهقين فهذا ليس عذر الا لو كان الهلال هو الوحيد المشارك اسيويا كنت قلت نعم لكن الشباب والاتحاد معه وشوف نتائجهم واهداف بالجمله الله يختار مافيه الخير |
وهم / حسن العتيبي سعد ذياب - ماجد المرشدي - حسن خيرات - سلطان البيشي عبدالعزيز الخثران - عبداللطيف الغنام - محمد الشلهوب - فهد مبارك احمد الصويلح - محمد العنبر انا معك |
كلآمكـ سليم ,, ياليت لو نعطيهم الفرصه ,, وسبق وأعطيناهم الفرصه في الموسم الماضي وبدّعوا بصراحه ,, خصوصا سعد الذياب وفهد سرور ,, هم مبدعين ومتميزين ,, لكن وين اللي يعطيهم الفرصه !! على أيان كوزمين الله يذكره بالخير كان كل اللاعبين سواسيه عنده ,, ومايدخل في التشكيله الا اللاعب الكثير العطاء ,, واللاعب اللي يتهاون بالمباراه وبالفريق مرده الدكه ,, ان شآء الله يعطونهم فرصه ,, و فيهم الخير والبركه ,, ولو أني أخالفكـ في سعد الشمري ,, محمد الدعيع هو باعتقادي الفريق كله ,, وبعد دخول طارق التايب ,, هو اللي يشيل الوسط شيل ,, باعتقادي اللي راح يرجح كفة الهلال المباراه الجايه هي الرووح القتاليه الهلاليه ,, ياما كسبنا بطولات بفضل هالروح بعد توفيق رب العالمين ,, أتمنى انها تكوون موجوده في اللعيبه ,, ويعرفون أنهم قادرين على تسجيل اكثر من ثلاثة أهداف بإذن الله ,, :: يعطيكـ العآفيه ,, ~ |
| الوقت المعتمد في المنتدى بتوقيت جرينتش +3.
الوقت الان » 10:25 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd