نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/index.php)
-   منتدى الجمهور الهلالي (http://vb.alhilal.com/forumdisplay.php?f=28)
-   -   عفوا ً أيها الهلاليين فأنتم جـــبــــــنـــــــاء (http://vb.alhilal.com/showthread.php?t=763463)

الموهوووم 02/05/2009 04:28 PM

السلام عليكم ورحمة الله وبركاته


لعل ابرز ما يميز الهلال عن الانديه الاخرى القدره الشرائيه

الغير مسبوقه منذ قدوم الامير عبدالرحمن بن مساعد والتى تحسب

له هذه النقطه ولكن تحسب عليه وعلى من سبقه نقطه مهمه

جداجداجدا وهي اهمال لاعبين الهلال اهمال قاعدة الهلال اصبح الاعب

يأتي من خارج النادي بدون ولاء لهذا النادي كل همه الحصول على

راتب ومقدم عقد يأمن فيه معشيته لسنوات طوال وربما يعتزل ويترك اللعب

بعد كم سنه



الهلال ياساده منذ اكثر من 10 سنوات لم يخرج لنا لا عب واحد من مدرسة النادي

لم يخرج لنا لاعب واحد تدرج في درجات النادي المختلفه ....

الهلال ياساده النادي الواحدي من ضمن الانديه السعوديه الذي لايعطي الاعب الشاب

فرصه لإثبات نفسه والدلائل كثير

الهلال ياساده النادي الوحدي الذي يصر على اشراك لاعبين في خانات مهمه لهم اكثر من 10 سنوات

ما بين احتياط او مخارج سريعه

الهلال ياساده يعتبر من اجبن الانديه السعوديه في عملية دمج الاعبين الشباب بالفريق الاول

ولكم بالاتحاد والاهلي والشباب عبره عطوني اسم لاعب هلالي شاب برز من اكثر من 10 سنوات

بإستثناء الشلهوب

الهلال يملك لاعبين لو موجودين بأنديه ثانيه اجزم لكم انهم الان اساسيين والهلال يتنمى لو يشتريهم

بملايين الريالات

الهلال ياساده يملك لاعبين شباب لو اعطيت لهم الفرصه لرأينا الجميع يهتف لهم ولطالب

الجميع بتصفية العقول المتحجره التي تصر على اشراك العواجيز مكان الاعبين الشبان

الهلال يا ساده يملك الفلوس ولا يملك اداراه جيده تدير هذه الفلوس

الكل من بداية الموسم يعلم ان الهلال بحاجة مهاجم وصانع العاب

نرى ان الاداره بدل من ذلك قامت بالتعاقد مع لاعب جناح لايحتاجه الفريق في ضل الفلسفه الغبيه

الي ينتهجها الفريق من ايام سيء الذكر باكيتا اللي دمر الفريق بإنتهاجه الطريقه الغبيه 4 5 1

ومع تغير المدربين استمرت الطريقه ولو لينكز بقى مع الفريق ما راح يغيرها لأنه اجبن من كذا بكثييير

انا من اكثر من خمس سنوات وانا اقول مو مهم الدفاع بقدر ما هو مهم الهجوم

لأن فرضا لو عندك دفاع قوي وها اللي حاصل وما عندك هجوم وش فايدة هذا الدفاع

طبعا ولا شي الكل يشاهد الان الفريق الاتحادي كيف عرف يستغل هذي الاشياء

على مدار الخمس سنوات الماضيه بإحضاره لاعبين بالهجوم فقط

لأنهم عارفين مو مهم انك تحافظ شباكك بقدر ما هو مهم انك تقدر تهز شباك الاخرين


صراحه انا عندي يتسجل فينا خمس اهداف بس نسجل سته ابرك من الفوز واحد صفر او التعادل


الله يرحم زمن اول اللي الكل كان يخاف من الهلال ولا الحين كل الفرق تتجرأ عليك يالازرق








نقاط بالعارضه


@ تصاريح الامير عبد الرحمن بعد المباريات مالها داعي من تصريحه ان لابد من الخصم على ياسر

الى التصريح امس ان الفريق ماله امل بالتأهل صراحه تصاريح تزيد الطين بله بالله كيف يبي الاعبين

يلعبون وهو متأكد ان الفريق ماله امل يفوز


@ الفريق يعاني إداريا ً الله يذكركم بالخير يالمصيبيح انت والاحمد


@ العجوز لينكز يواصل مسلسل الغباء من يوم ما مسك الفريق ما عدا مباراة الاهلي الاماراتي


@ اجانب الفريق كلهم بدون استثناء حجز خروج بدون عوده سيول ماله داعي ووجوده لرفع ضغط الجمهور
ويلي خله يروح نادي اوروبي ويرتاح من الانبراشات يقولون لو ويلي يحسب كم انبراشه جته من يوم
لعب معانا تدخله موسوعة جينيس بالراحه التايب زي البيبسي ما يفور الا اذا رجيته رادوي اي لاعب ممكن
يلعب بخانته وتسديدات اليوتوب ما شفنا منها ولا شي يعني حتى انت يازورو بدون فايده

@ لاعبين الهلال الاحتياط اتمنى ان تتاح لهم الفصه بتمثيل احد اندية الممتاز لتعرفون انكم جبناء اياه الهلاليون

هلالي-911 02/05/2009 04:32 PM

يعطيك العافيه ياغالي اغلب ماجاء في طرحك صحيح ويستحق التذكير فيه

اخوي خسارة مباراة ماتعني نهاية المطاف الطرق اللي انتقدتها بفضلها استطعنا

حصد البطولات , اخوي هزيمة الهلال امس شبه كبوة جواد لذا ارجوك وارجو الجميع

انتظار ردة الفعل من الفريق والادارة وانشاء الله تكون ردة فعل ايجابيه تكسونا بالفرح

وتزعم الفرق السعوديه والاسيويه كما اعتدنا.

دمت بود

Ro0o7 Ro0o7i 02/05/2009 04:37 PM

الله يعطيك العافيه على هالموضوع
وفيه حكمه قديمه تقول الهجوم افضل وسيله للدفاع
تقبل مروري

الموهوووم 02/05/2009 04:37 PM

إقتباس:

الرسالة الأصلية كتبت بواسطة هلالي-911 (مشاركة 11939263)
يعطيك العافيه ياغالي اغلب ماجاء في طرحك صحيح ويستحق التذكير فيه

اخوي خسارة مباراة ماتعني نهاية المطاف الطرق اللي انتقدتها بفضلها استطعنا

حصد البطولات , اخوي هزيمة الهلال امس شبه كبوة جواد لذا ارجوك وارجو الجميع

انتظار ردة الفعل من الفريق والادارة وانشاء الله تكون ردة فعل ايجابيه تكسونا بالفرح

وتزعم الفرق السعوديه والاسيويه كما اعتدنا.

دمت بود











لا ياخوي ماهي كبوة جواد واذا تعتقد انها كبوة جواد فإنت غلطان

هذا اللي قاعد يصير تراكمات وأخطاء الفريق قاعد يدفع
ثمنها والجمهور يحترق والاعبين تاخذ رواتبهم ما أثر فيهم شي

حلم واحد 02/05/2009 04:40 PM

نبي الاحتياط يلعب بدال الاساسي

ليه ما يلعب عبدالعزيز الدوسري
ليه ما يلعب محمد العنبر
ليه ما يلعب حسن خيرات
ليه ما يلعب سلطان البشي
ليه ما يلعب سلمان مؤشر
ليه ما يلعب سلمان الفرج
ليه ما يلعب صالح الوسري
ليه ما يلعب احمد الصويلح

^^^^^^^^^
للاسف الهلال نادي واااااااسطه
واكثر الجمهور يطالبون بتنسيق هالاعبين الشباب وهم ما انعطوا فرصه

هلالي فور آفر20 02/05/2009 04:41 PM

الله يعطيك العافيه على هالموضوع
وفيه حكمه قديمه تقول الهجوم افضل وسيله للدفاع
تقبل مروري

sir'ABDULAZIZ 02/05/2009 04:42 PM

ايــه والله انك صادق ..!


عندنا الدوسري .. والله حرام نرميـه والكلثم نوديه للرائد اعارهـ !


لين متى ؟!

الموهوووم 02/05/2009 04:44 PM

إقتباس:

الرسالة الأصلية كتبت بواسطة حلم واحد (مشاركة 11939336)
نبي الاحتياط يلعب بدال الاساسي

ليه ما يلعب عبدالعزيز الدوسري
ليه ما يلعب محمد العنبر
ليه ما يلعب حسن خيرات
ليه ما يلعب سلطان البشي
ليه ما يلعب سلمان مؤشر
ليه ما يلعب سلمان الفرج
ليه ما يلعب صالح الوسري
ليه ما يلعب احمد الصويلح

^^^^^^^^^
للاسف الهلال نادي واااااااسطه
واكثر الجمهور يطالبون بتنسيق هالاعبين الشباب وهم ما انعطوا فرصه




لأنهم مثل ما انا قلت جبناء يخافون يخسرون والحين يخسرون بفريقهم المزعوم

فووواز 02/05/2009 05:17 PM

اشكر على الموضوع جيد يعطيك العافيه

ALHLAL-20-15-14-9 02/05/2009 05:25 PM

خبر حصري تم اقلاة لكنز
خبر حصري تم اقلاة لكنز


الوقت المعتمد في المنتدى بتوقيت جرينتش +3.
الوقت الان » 04:46 PM.

Powered by: vBulletin Version 3.8.7
Copyright ©2000 - 2025, Jelsoft Enterprises Ltd