مساحه خآآآآآصه للفضفضه ( شخصي ) - نادي الهلال السعودي - شبكة الزعيم

الـزعـ(حسن الطبايع)ــيــم · #1 02/05/2009, 12:34 PM

بسم الله الرحمن الرحيم

السلام عليكم ورحمه الله وبركاته

طبعاً أول شي مبروك لشباب التأهل المبدئي مايفصله الا الوقت

وخيرها بغيرها لزعيم أقصد لشعار الزعيم

في الحقيقه أنا فضلت أن تكون لي هنا مساحه فضفضه

أولاً عن الاداره .......

في الحقيقه اداره الهلال اداره مثاليه دائماً وأكثر الانديه تتمنى لو تمتلك مثل إدارتنا

بصراحه نملك ناس على مستوى من الثقافه الفكريه والرياضيه

إستمع لتصريحات الرئيس أو نائبه أو أي شخص مسؤول

تلمس الوعي الرياضي ماهي شغلة فلوس مثل بعض الناس

الاداره في الهلال توفر كل شيء وفرت كل مايطمح له الاعب العالمي المحترف

بدليل قدومي لاعبين عالميين على مستوى وطراز اوروبي

( رادوي ويلهامسون )

هات لي فريق يملك لاعبين مثلهم ...

بشهاده المدرب السابق كوزمين أن اداره الهلال اداره عالميه ..

لكن مشكلتها وعيبها الوحيد ( المجامله ) ....

ثانياً ... المدرب ...

أعتقد أن ليكنز ليس بذلك المدرب السيء

لكن مشكلته الوحيده في قرأه المباريات

يرسم خطه للمباراة لكنها تفشل بسبب إستهتار بعض الاعبين

وبعد ذلك ( يتوهق ) وهذا سمه من المفترض أن لاتكون موجوده في مدرب عالمي..

ثالثاً الجمهور ..

ايه يالجمهور الهلالي كله عيوب الميزه الوحيده فيه انه كثير وأصحاب كلام

إدخل المنتدى قبل المباراة تشوف الشعارات والندائات يحسسونك انك في حرب

لكن لما تدخل الملعب ماتشوف جمهور

ودك تجيب المخده وتسحبها نومه

رابعاً الاعبين ....

بصراحه هذا وهنا زبده الموضوع

نبداء واحد واحد .

محمد الدعيع

إسطوره الازمان حارس القرن حارس مميز ولا ننكر تميزه ومايقدمه للهلال

لكن كل مره ودائماً نقول بأن تقدمه بالسن قد يكون عائق لإبداعه

خصوصاً بأننا من فتره طويله ماشاهدنا حسن العتيبي ولا شاهدنا فهد الشمري حراس اساسيين في الدوري

لدرجه اننا قد نكون نسينا بأنهما موجودين ...

نامي .. الله يذكر أيام العنقري بالخير كل واحد مستواه اسوء من من قبله

هاتوا لنا الرهيب وريحونا من لاعب يقدم في مباراة مستوى رائع

وفي عشر ينكبنا ويورطنا

امس تمريرات نامي لسعران خياليه والله ماقصر ابدع وتفنن في لعبة الون تو الاوربيه ...

هوساوي .. والله العظيم هذا لاعب خرافي ماشاء الله تبارك الله هو الاعب اللي مستواه ثابت

المرشدي .. خيب الظن والرجاء فيه والله ماكنا نتوقع مستواه يهبط في أخر الموسم وقت ماكنا نحتاجه

يتركنا مع المفرج ويروح

الزوري .. لاعب شاب مميز قاطره بشريه ماشاء الله ... لكن مشكلته جسم وقوه بلا عقل

عزيز .. مستواه مباراة بعد مباراة ينخفض

رادوي .. رغم انخفاض مستواه بعد رحيل كوزمين الا انه دائماً أفضل لاعب هلالي عطاء مميز في وسط الميدان

( الله يقومه بالسلامه )

ويلهامسون .. مظلوم هذا الاعب رغم مايقدمه من مستويات هائله وجهد كبير الا ان الجمهور ينكر له ذلك

وفوق مايتعرض له في كل مباراة من عنف ورفس وركل وضرب والحكام يتفرجون الا انه في كل مباراة يبدع اكثر

سول .. عندي سيارة متعطله بس لاتنسى تجيب معك قطع الغيار ..

التايب .. آآآه يابرنس ليتك ترجع لمستواك الهلال محتاجك في هالوقت

ياسر .. للأسف ثم للأسف ثم للأسف كنت دايم واثق فيك حتى بعد طردك قدام الاهلي

لكن مسائله انك تستهر في الشعار اللي تلبسه وتضرب بالجماهير اللي ساندتك وبمشاعرها عرض الحائط

هذا مرفوض فوق استهتارك بكور سهله قدام المرمى ياصاحب مقوله ( المدرج يتفرج )

لو على طرد مو مشكله لكن الكارثه في مستواك اللي في انخفاض

كل ماتذكرت كورته في الشوط الاول يوم يطيح قدام وليد عبدالله وهو يضحك وليد ..

أتوقع وقتها وليد عبدالله قال : ( بسم الله عليك )

جل ما أتمناه أن يكون الهلال في دوري الابطال هلال غير

في بدايه الموسم كنا نطمع في ثلاث بطولات على الاقل

أخشى أن نخرج بواحده ...

حلول الهلال ومشاكله في الخطوات التاليه :/

ابعاد سول واحضار اسماعيل مطر ...

ابعاد نامي او ركنه في دكه الاحتياط واحضار احد اثنين ( حسن معاذ ، راشد الرهيب )

.
.
.

لا ولا والف لا ولا للإستغناء عن ويلهامسون ورادوي

.
.
.

التايب ليه مايجنسونه ...؟

تعبنا من المثاليه لاعب ضحى بمنتخب بلاده من اجل الهلال

أتمنى أن يجنس التايب وبهذا يكون مكان نيفيز موجود

........

الله يوفق الهلال في مباراة صبا باتري القادمه وبإذن الله نعود بالفوز

ويوفق الهلال في القادم من المواجهات ...

والله يقوم النجمين احمد الفريدي ورادوي بالسلامه .......

........