|
مسلسل عام 1430 لعشره لاعبين هلاليين يجب النظر فى امرهم والحلقه الاولى خاصه بالحارس حسن العتيبى بسم الله الرحمن الرحيم السلام عليكم ورحمه الله وبركاته اخوانى الموسم الماضى وبنفس التوقيت كتبت حلقات تخص لاعبين هلاليين يجب النظر فى امرهم ومدى استفاده الهلال منهم ابطال مسلسل عام 1429 بدر الخراشى و عبدالعزيز الهليل وعبدالعزيز العبدالسلام وليلو وبدر الدوسرى و مشعل المورى وياسر الياس وسلطان البرقان والحارس حسن العتيبى كيف انتهى مسلسل عام 1429 انتهى بتنسيق الهليل والعبدالسلام والياس وبدر الدوسرى وليلو واعاره الخراشى والبرقان والمورى واعطاء الفرصه الاخيره للحارس العتيبى المطلوبين الموسم القادم فى مركز الحراسه الهلاليه محمد الدعيع مطلوب لبعض مباريات الموسم القادم وسيكون تواجده فى الفريق للمهمات الصعبه وخاصه المباريات القويه والحاسمه للاستفاده من خبرته الكبيره ولابد ان تتم راحته الموسم القادم كثيرا وخاصه فى المباريات السهله لانه بصراحه محمد الدعيع تعب وضحى بالكثير من اجل الهلال فكثر الله خيره ولا نريد الضغط عليه فالانسان بشر ولكن بقائه مع الهلال من الاولويات الكبيره ودعم كبير لبقيه الحراس فهد الشمرى هذا حارس الهلال الموسم القادم ولابد ان يعطى الفرصه فى الكثير من المباريات وخاصه ان كل الهلاليين يعرفون مستواه وسيكون مفاجاه الهلال واتوقع انضمامه للمنتخب لو اعطى الفرصه الكامله خالد شراحيلى اطالب الاداره باعادته فورا بعد انتهاء اعارته من الرائد لانه بدء يشق طريق النجوميه وذلك للعبه مباريات كثيره مع الرائد بدر الدعيع بحكم تواجده مع عمه محمد الدعيع فى التمارين هذا الموسم ستزيده من الخبره واسرار الحراسه الكثير عبدالله السديرى هذا الحارس سيتم تصعيده الموسم القادم من شباب الهلال وخاصه انه الحارس الوحيد الذى عمره يناسب دورى فيصل الجديد مسلسل عام 1430 فى هذا الموسم سأكتب حلقات ايضا تخص لاعبين هلاليين موضح سلبياتهم ومدى استفاده الهلال منهم وستكون حلقاتى بدء من حراسه المرمى واطمأن الهلاليين بأن هذه الحلقات لن تؤثر على مستوى اللاعبين فيما تبقى للهلال من مباريات هذا الموسم الحلقه الاولى للحارس حسن العتيبى كلنا يعلم ان الاداره السابقه وضعت هذا الحارس على قائمه الانتقال ولم يتقدم احد وبحكم ظروره بقائه تم التعاقد معه لموسم واحد فقط اتمنى من الاداره ان تقوم بالنظر فى امر هذا الحارس واتخاذ ما تراه مناسب للهلال وللحارس نفسه وخاصه ان العتيبى خدم الهلال كثيرا ولابد ان يستفيد من اخر سنوات عمره الرياضى كما لابد من استغلال موقعه فى الكشوفات الهلاليه بلاعب اخر فى موقع اخر وتقليص اللاعبين حسب تعليمات الاتحاد السعودى لكره القدم لابد من اختيار لاعبين مؤهلين جدا وذو فائده للفريق ولا مجال للمجاملات والعاطفه فى مثل هذه الامور خيارات الاداره اعاره الحارس لنادى اخر وابداله بلاعب اخر فى موقع اخر تنسيقه لنادى اخر فى صفقه يكون الهلال مستفيدا منها الحلقه الثانيه غدا ان شاءالله تحياتى |
موضوع متكامل وبالنسبة للعتيبي انا اتوقع ان الشمري افضل منه وانا معك بإراحة الدعيع ولماذا نعيد شراحيلي عندنا العتيبي والشمري مشكور خيو |
والله كلامك صحيح حارس مايستفاد منه المفروض إعاره او التنسيق طيب بأنتظار باقي الحلقات |
اخــــــــــــوي كلامنا ومطالبنا احنايالجمهور لاتقدم ولاتأخر شي فقد زيادة عدد المواضيع ايــــــــــه صراحه ,, العــــــــــام طالبنا بالسهلاوي وكل الشبكة تطالب فيه كلنا عارفين ان هالاعب مو سهل ولا احد اعطانا وجهه الين نسيناه والانديه الثانيه تبيه امـــــــــــا فهد الشمرى هذا حارس الهلال الموسم القادم ولابد ان يعطى الفرصه فى الكثير من المباريات وخاصه ان كل الهلاليين يعرفون مستواه وسيكون مفاجاه الهلال واتوقع انضمامه للمنتخب لو اعطى الفرصه الكامله [B]طالبنا فيه بعد الين قلنا بس والدعيع تعب العام بعد ولا اخذنا عبره من مباراة الاتحاد اللي اكلنا الاربعه بالذهاب كل هذا هو ارهاق الحارس اولا واللاعبين ثانيا اتمنى عودة الخراشي وامساك الشمري مرمى الهلال هو والدعيع فقط واتيان السهلاوي فقط اتمنى لان مابيدنا شي احنا يالجمهور بس ننحرق ونتعب وبالاخير ما احد ياخذ بكلامنا[/B] والمســــــلسل بتطول حلقاته :no: |
مشكوووور ياليت الجمهور مثلك |
انا معك ياعزيزي بكل ماتطرقت اليه في هذا الطرح لكن نقطه الاختلاف هي انه الدعيع يرتاح شوي انا مااوفاقك في هذا الراي لانه اذا ارتاح الدعيع ممكن يفقد حساسيه المباريات ويكون حضوره سلبي اكثر مما هو ايجابي وجهه نظر قابله للصواب والخطاء ,,,, تحيتي لك :rose: |
الشمري حارس كبير اتمنى ياخذ فرصته |
عين الصواب ماخطته يدك فهد الشمري يجب ان يأخذ فرصته على الاقل بكأس ولي العهد |
كلامك صح وانا معك خلاص حسن انتهىىىىىى |
موووضوعك رائع ومشكووور وماقصرت |
مع احترامي لك لكن حسن العتيبي يبقى حاارس متميز حارس يلعب بروحه وحرام انا ضدك في هالراي اتمنى حسن يبقى مع الهلال لمدة ثلاث سنوات على الاقل . |
الحراسه امره سهل ليت ياخوي كتبت عن الظهير الأيمن و المدرب و المثالية التي تتمتع به إدارة الهلال و كذالك يجب وجود راس حربه هداف أجنبي وليس يلعب على الأطراف وامور كثيره اتمنى انك تذكرهن وجزاك الله خير |
في الموسم القادم سيكون هناك دوري أقل من 21 سنة |
مع أحترامي لك ولموضوعك ,,, ماتجيء هالمواضيييع إلا اذا انهزمنا ... تبي تقول للناس أن عله الفريق في حسن العتيبي إالي بالاحتيياط ماله ولاعلييه يأخي طيب بكره بتكتب موضوع وتقول عله الفريق بالمفرج بالهزيمه الجايه ... مع أن هالاعبيين اذا قاررنت الروح الي فيهم برووح الاعبيين الي أمس ماافيه آي مقارنات ترى على فكره عين المجهر عندنا ماتكبرر إلا على اسامي معيينه ,,, او معنى ثاني شماعات الانتكاسه |
صـدقت أخوي .. فهد الشمري لازم يأخذ فرصته .. والله ذا الحارس مبدع .. .. |
| الوقت المعتمد في المنتدى بتوقيت جرينتش +3.
الوقت الان » 12:07 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd