|
لانقسوا على لعيبتنا فهذا هو السبب الاول في هاذة الهزيمة +نجم الزعيم لهذا الموسم+ مباراة تجعلني اتفائل قليلا @@@ بسم الله الرحمن الرحيم اولا ابارك لجميع الجمهور الهلالي بمناسبة تحقيق شباب الهلال الدوري مباراة اعتبرها البعض انها سيئة للهلال من لاعيبة وغيرها من ظروف لاكن لو نرجع قليلا للمباراة نجد ان الهلال لعب الشوط الاول افضل بكثير من الشباب وضيع اهداف في الشوط الاول لاتضيع لاكن الاهداف الثلاثة جعلتنا ننسى ماذا فعل الهلال بالشوط الاول السبب الحقيقي وراى الهزيمة هو المدرب جورج ليكنز الذي تاخر كثيرا بتغبراته فكان متاخر 2-0 ولم يدف ورقة هجومية حتى جاء الهدف الثالث :cry: وكان التغير في الدقيقة 70 :cry: لما كان متاخر 2-0 اخرج خالد عزيز الذي كان مستواة سي للغاية :cry: وانزل عبداللطيف الغنام صاحب الادوار الدفاعية البحتة لو ادخل الخثران لاكان اجمل وافضل لان عبدالعزيز الخثران يجيد الادوار الدفاعية والهجومية خروج ولي لاتعليق !! فسول لم يفيد اطلاقا لاهجوميا ولادفاعيا خروج طارق لاتعليق !! :cry: فكان خروج طارق والهلال مهزوم 3-0 وصانع العاب واحد وهو الشلهوب ؟؟؟؟ هل توجد واسطة قوية لسول ؟؟؟؟؟ بالعربي المدرب هو الذي اهدى المباراة للشباب الهدف الاول والثاني اخطا من محاور الفريق والثالث خطا كبير من نامي والدعيع الذي استغربت منه في هاذا الهدف ** نجم الزعيم لهاذا الموسم والذي لابد ان يكرم من الادارة والجمهور هو الكبير بادائة واخلاقة مع العلم انه اكثرلاعب لعب هاذا الموسم مع المنتخب والهلال هو ابو كلبشة :smilie47: اسامة هوساوي :smilie47: واادائة ماشاء الله تبارك الرحمن من حسن الى احسن ** مباراة تجعلني اتفائل قليل مباراة الهلال والشباب في الدوري الدور الاول في ضل غياب لمهاجم الهلال ياسر القحطاني تفوق الهلال 2-0 واضاع ضربة جزاء فلا شي يوجد في كرة القدم غريب اتمنى من مدرب الهلال يدخل في المباراة القادمة الدعيع الزوري- المفرج - هوساوي - نامي الخثران- عزيز (( لسبب غياب رادوي )) التايب - ولي الصويلح - العنبر عبدالرجمن بن مساعد لماذا كل هاذا التشائم فنحن نلعب امام الشباب وعلى ارضنا وكم اقسيناه وكم جعلناه يذوق طعم الخسارة وبقسوة وتطلع امام الاعلام وتشاااؤم كبير لماذا ؟؟؟ اتمنى التوفيق للزعيم اخوكم هلالي مايروح عن بالي |
إقتباس:
انا ضد عزيز .. اذا تبغى الحق .. وما اعرف ايش قال ابن مساعد .. ياليت توضح لنا .. |
اذا ما تلعب بطريقة الشباب وتحت حماية القانون فلن تكسب المباراة الشباب اكواع ورفس وتكوندوا ولا تعطي فرصة للخصم يمسك كوره هذي طريقه هكتور ونسميها لعب رجولي وهذي الطريقة الي يفوز بها الاتحاد وخطه ديمتري راجع ضربه زيد المولد لولي ودادوي من الشمراني |
اه اه اه يــاهوســاوي يحبي لك ينـاس شووووووووف كيف يلعب بروح الانسـان هذا والله لو اللاعبين بيلعبووووون مثل روحه وربي مايوقف في وجه الهلال الا الهلال |
صعبة الامور في الاياب لان الشباب بيلعب على اندفاع الهلال وهذا اللي بيضرنا |
الحمد لله قدر الله وماشاء فعل خساره مريره للاسف :no: اخوي لاتلوم ابن مساعد كلامه واقعي لازم نفوز على الشباب بثلاث اهداف نظيفه عشان ندرك التعادل مع ليكنز واشباح اللاعبين وبالمستوى الي ضهر فيهالهلال اليوم شي مستحييل لاتنسى انك تلعب مع الشباب انا اتوقع يفوز الشباب بالاياب بعد خاصه ياسر ماراح يلعب ورادوي يعني مافيه امل نقول بيعوضون العنبر يمكن يسوي شي لكن الصويلح مااعتقد شفته بالمباراة الوديه مع الفيحاء مايركض ابد الحبيب دج بالحديد ونسى نفسه حركته بطيئه جداً ومايقدر ينط :d ياناس وين فهد المبارك بالنسبه للدفاع ماعندك الا هوساوي :smilie47: اوما نامي النكبه بصراحه بقول حاجه ملاحظتها لاعبين الهلال يبدعون مع المنتخب ويقل مستواهم مع الهلال عكس لاعبين الانديه الثانيه :no: يعني شي يقهر ماعليش منتخبنا بس النادي بحاجتكم بعد بعدين لاعبين الهلال فيهم ميزه لما تكون الكوره مع الخصر تشوفه يجاري اللاعب من بعيد يعني مايخش عليه مايضايقه تشوف الخصم يثبت الكوره ويتلفت يدور ربعه واحسن الباسات والعرضيات لاعبين الهلال لي متى كذا نفسي اشوف واحد يخش على اللاعب ويخلص الكوره غير هوساوي هو الوحيد الي يخلص الكوره ومايلمس الخصم ماشاء الله تبارك الله لعب حلو واخلاق ومايحاول يضر غيره مع انهم ماقصرو فيه اخرهمريان بلال ( الجزار ) بس ربك ستر اشكرك اخوي على طرحك الرائع دمت موفق :rose: |
معليش أتمنى تكون التـشكيلة .. الدعيع الذيـاب .. خيــرات .. هوســاوي .. عمر الـغامدي ( البيشي ) الخثــران و عزيـز التـــايب .. الشلهوب العنبر و سول .. و يستغل ضعف الكرآت الرأسية لدى الشبابين عن طريق الكوري سيول بالعرضيات للعنبر .. و عرضيات الشلهووب الهـادئة المتقنة .. |
انا اقول فكرو بالاسيوية بس ياسر وش تبي بالضبط ضيعتنا بالاسيوية والحين بكاس الملك بعد ............ |
7 7 7 7 إيه و الله ياسر مدري وش يبي غثنا ليته يرتاح الموسم الجاي و يرجع الموسم اللي عقبه خالد عزيز شطب و يلعب الهلال بـ فهد الشمري البيشي خيرات هوساوي الزوري ( النكبة ) ما عندنا غيره عمر الغامدي الغنام ولهامسون التايب العنبر العابد ( نجيبه من الشباب ) |
اتمنى ان يكون التفكير بالاسيويه ومبارة الشباب القادمه تكون اعداد للفريق بسبب تضائل التأهل لكي نتفادى الاصابات ماحنا ناقصين . ماراح نستفيد شي من المخاشنه خسرنا ياسر ورداوي . شكرا لك يبو فيصل على دعمك ونشيد بوقفتك لا حول ولا قوة الا بالله . حسبنا الله ونعم الوكيل |
الى شعب الهلال العظيم بالأمس اصيب الفريدي اصابه قوية ستبقي الاسياخ في قدمه سنة كاملة وقد تؤثر على مشواره الرياضي فيما بعد ثم كاد ان يلحق به نجمنا الخلوق اسامه هوساوي وعن طريق نفس الجزار الأفريقي بلال ثم ويليهامسون بعد تدخل عنيف من زيد المولد والذي حاول في عدة محاولات هذا الموسم انهاء ويلي او احد نجوم الفريق واخيرا وليس آخرا رادوي يخرج بكسر في الأنف مع نزيف بعد تدخل متعمد من سيء الأخلاق الشمراني ( كسر الله يده ) و لا ندري من الضحية القادمة والسبب المثالية الزائدة اخواني تعلمون ماذا فعل جمهور النصر مع حسن معاذ عندما لاحقوه في الملعب والنادي والشارع وحتى في بيته ليعيش في رعب دائم اتحدى ان يتجرأ هو أو غيره لاصابة أحد لعيبة النصر يا شعب الهلال لا تنتظروا من ادارتكم ولا لجنة الانحطاط ولا حتى من الاتحاد السعودي اي شيء ( اللي ما ياكل بيده ما يشبع ) يا رجال الزعيم عليكم بالشمراني وريان بلال وزيد المولد حولوا نهارهم الى ليل لنقتص للفريدي ورادوي حتى يرتدعوا هم وغيرهم من الجزارين |
إقتباس:
اخوي ماتصول لحد اننا نبث به الرعب وغيرة لو جت اصابة قوة للاعب من لاعيبتا وقتة تعرف غضب الجمهور الهلالي شاكر لك مرورك |
مشكوووووووووووووووووووووووووووووووووور |
صعبة الامور في الاياب لان الشباب بيلعب على اندفاع الهلال وهذا اللي بيضرنا |
انسى مبارات الشباب والهلال من سيئ الى اسوئ ومبارات سبا باتري اهم اذا انت قد المنافسه والهلال اكتفى ببطوله وبالولاده المتعسره |
| الوقت المعتمد في المنتدى بتوقيت جرينتش +3.
الوقت الان » 09:09 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd