02/05/2009, 02:58 AM
|
| زعيــم جديــد | | تاريخ التسجيل: 23/04/2009
مشاركات: 1
| |
|
احداث مبارة الهلال والشباب بواقعية
احداث مبارة الهلال والشباب بواقعية
اولا شيء السلام عليكم
طبعا كلنا شفنا المبارة اليوم وشفنا المستوى الهلالي المهزوز جدا وخصوصا في الشوط الثاني يعني انا مادري من المدرب او من اللاعبين او من الادارة وهذا الشيء ماتوقعه
الدفاع وينه فيه اليوم ضايع جدااا وين اساامة اليوم مختفي ماشفناه المفرج ادى اداء ماعليه نقدر نقول ان عوض مكان المرشدي
عاد نجي لمحمد الدعيع خلونا نتكلم بصراحه الدعيع حارس كبير وعلى عيني وراسي هذا الموسم كان مبدع لكن في اخر تقريبا 4 مباريات يغلط اخطاء ماتتوقعها
من حارس كبير زيه يتقدم من المرمى تقدم ماله داعي مادري الكبر اثر عليه المشكلة نقول اللاعبين الثانين ماثر عليهم عليهم ابعاد المدرب والظروف اللي صاحبتها(على اني ماحسه عذر لاعبين محترفين هذولا موب لاعبين حواري) لكن الدعيع له مدرب حراس خاص فيه وللحراس اللي معه في النادي واللي هو منصور القاسم فنرجو من الدعيع ان يشدعلى عمره ويتحسن ان شاءالله في المباريات الجاية
موب عشانه صار من ضمن افضل 10 حراس في العالم يتراخى في المستوى اذا استمر على مثل هذا
المستوى يترك المجال لغيره فيه حراس شباب ينتظرهم مستقبل مشرق ان شاءالله مثل الشمري وشراحيلي
اما اللاعبين الاجانب فجميعهم ماقدمو مستوى اليوم ماعدا التايب اللي قدم مستوى رائع اليوم وهو النجم الهلالي الوحيد اللي يلعب لكن مثل مايقولون اليد الوحده ماتصفق
نجي عاد لياسر وش هذا الانفعال ياياسر كرتين احمرين في مبارتين ورى بعض ماتجي من لاعب محترف مثل ياسر يعني انت بعد السالفة اللي صارت
والاهازيج من جماهير الاندية الثانية كان لازم تثبت لهم العكس وردك يكون في الملعب والجمهور الهلالي كله موقف معاك لكن انت اليوم اخذلتنا بهذا المستوى
المتواضع واحرجت الادارة بعد يعني هذا اخر دلال الادارة لك يوم جاء وقت الحصاد اختفيت لازم تراجع حسابتك وتعرف انك تلعب في نادي كبير وعريق كل غلطة محسوب عليها ارجو انك تعوضنا باثبات لهم العكس
يعني شد ماله داعي سويته مع اللاعب الشبابي افقد فريقك لاعب مهم محتاجينه في المباريات الجاية بالذات
اما بالنسبة للمدرب انا اعتقد لو مكملين الموسم هذا بالحسيني كان افضل والموسم القادم نجيب مدرب جديد قادر على انتشال الفريق من الضياع اللي هو فيه
لكن قدر الله وماشاءالله فعل والمدرب ليكنز خلاص نكمل معه هالموسم وبعدين يروح بسلامته
بالنسبة للادارة اظاهر دلالها مع اللاعبين جاب نتيجة عكسية واخرتها اليوم لازم شوي تشد عليهم اظاهر مانفع معهم الدلال
في الختام ادعو الله ان يحسن احوال الهلال وارجو من الامير الشاعر الحساس الصبر فان الله مع الصابرين والمؤمن مبتلى
الى لقاء اخر ان شاءالله مع انتصار للزعيم  |
الوضع العادي
