stc حيــــــــــــــــــــاة اسخف!!
 

حقيقة اجدني مستغرب لما تفعله هذه الشركة,لن اتكلم عن الناس التي تطلب الدي اس ال منذ سنوات وهي تماطل بهم ولن اكتب عن اغلب عروضها السامجة مثل العرض(تكلم بعد الدقيقة الخامسة مجانا,والتي مامن يصل اغلب المتصلين للدقيقة السادسة الا ويتفأجون بقطع الأتصال ,وذلك حتى يعيد المتصل اتصاله وتستفيد هي)

انا موضوعي هنا عن الدعايات المرئية,والصوتية,والتي تحاول الشركة من خلالها اظهار السعودي على انه انسان ساذج ويصطنع خفة الدم والأمثلة كثيرة
هاكم منها مايلي:

1/ ثلاثة شباب في على طاولة بلياردو يقول احدهم:
تصدقون يا شباب كل ماعطست طيرت اللي قدامي,ومن يوم ماسجلت بالنادي لاجيت اصافح احد كسرت يده!!
طبعا كل خفة الدم هذي عشان الشركة تريد ان توصل رسالة عن عرض قوي لديها!!

السؤال هنا ماوجه الشبه والرابط هنا بين محاولة الأستظراف واصطناع الضحك في الدعاية,والدي اس ال الذي ارادت ان تروج له الشركة من خلال هذه الدعاية؟؟



2/اعلان يظهر فيه احدهم يمسك كيس سماوي اللون(طبعا لا يقصد شركة موبايلي ابدا) ويصطنع البكاء بأسلوب فيه من الأزعاج وثقالة الدم ماالله به عليم,ثم يظهر بالخلف جهاز ارسال وشريحة وعليه عرض خاص من شركتهم تزعم الشركة انه مغري.

طبعا هي تريد اظهار العميل على انه اشترى من شركة اخرى,ثم تفأجأ بأن stc لديها عرض اقوى وافضل,لذلك المسكين جالس يبكي!!!

السؤال هنا هل المواطن السعودي وصل به الحد انه يبكي من اجل خصم,وهل هذه الشركة وصل بها الحال تصورنا على اننا ضعفاء ونبحث عن الريال,ولانجد ما نأكل؟؟


انا هنا استشهدت بمثالين فقط على ثقالة الدم للأعلانات الخاصة بالشركة اعلاها,ومن هذا المنبر انا لا اطالبهم بتحسين الخدمة,او الكف عن مماطلة الناس الذين لهم سنوات وهم يطلبون الدي اس ال دون جدوى,ولن اكتب عن بعض القرى في وطننا الغالي التي لم تصلها الأبراج الخاصة بالجوال حتى الأن.
انا اطلب ان تحترمي عقولنا يا stc فهل انتي فاعلة؟؟
اتمنى ذلك
يقولي استاذي الكاتب في صحيفة الوطن صالح الشيحي في احد مقالاته:
شتان بين شركة ترسل لعميلها رسالة على جواله تقول له(مبروك لقد ربحت عشر رسائل مجانية هذا الشهر) وبين شركة تقول للعميل(شهر عليك وشهر علينا)


تحياتي

ياحبيبي لنا 3 سنوات طالبين دي اس ال والله شركة غبيه

يا ابن الحلال ازعجونا كل يوم مرسلين : اشترك جوال ...... ,,, وحمل لعبة ...... ,, وتبرع للمريضين بالفشل الكلوي ( الله يشفيهم ويعافيهم ) {{{{{ ادري انها نصب }}}}}

كلــــــــــــنا موبايلـــــــي

الاســـم : كلي على بعظي هلالي

التاريخ : 9 \ 6 \ 2008

المشاركات : 500 ( خمس ميه )

زعيم : نشيط

خلهآ ع ربك بس ..

بكرا تطلع شركآت ثانيه وهي من اردى في اردى

اللي يشوف عروض زين وموبايلي ... مايطراله يشترك مع هالـ stc

ياغالي اول شي انت صايد الموضوع ولا لا
اذا انت صايد الموضوع معناته انو مايعبر عن رايك حاطه بس عشان تكسب ردود مو اكثر :yes:
واذا انت كاتبه فاسمحلي اقولك انو انت مبالغ في الموضوع حبتين :yes:


انا شايف انو موضوعك كله مرتكز في انتقاد اعلاناتهم
شي طبيعي انو يجاملوا لمصلحتهم .. يعني اعلان دافعين فيه شي وشويات
ولازم يطلعوا بحاجه لمصلحتهم . وكله المنتاجات الثانيه كذا يعني جت على الـ STC

بصراحه انا من طلبت DSL
انتضرت شهرين . وعلى ذمة الموضف انو الكيبل اللي عندنا يقول يبيله توسعه :cry:
يعني معقوله يكذب !!

بس انا حسبتها في راسي .. قلت يعني معقوله يكذب
ماراح يكلفه شي . كلها يدقها ع الكمبيوتر وخلصنا

وبعدين ياعمي خله يجيب ارنب ويعطس من هالحاجات
مادام حاجه مو مقتنع فيهااا لاتسويها

واحسن لك تضبط وضعك مع الاتصالات
لانها هي الوحيده عندها DSL

اولا شكرا لك على موضووعك الجميل


ثانيا اقسم بالله ان الاتصالات السعوديه ماتطورت الا يوم موبايلي دخلت ذا البلد ولا اقسم بالله انها شركه مريضه بالفعل

اجل بالله شريحه الجوال بعشره الاف ريال ياخوي ارحمو عقولنا شوي ولا مافيه الا فرع واحد في المطار والناس هواش عليه مضاربات

وموبايلي ببلاش الله يالدنيا

ولايكون في علمك ان موبايلي هي انها قبل شركه الاتصالات السعوديه في الخلايا البصريه اللي يسمونها البرود باند

وهم على ايزي نت وزجوول هههههه


الله يعين والله ان من اول كانت فاتورتي تجي كل ثلاث اسابيع من الاتصالات 800 ريال ومن يوم خذيت موبايلي والله ماعاد تجي الا 350 او اربعميه

تقبل مروري ابو حميد

انا لي 3 اشعر احاول ازيد السرعة من 1 ميجا
اقسم بالله اني متضايق من السرعة
يقول لازم تضبط الامور عندك لازم نسوي تعديلات ووووووو الخ ...........
وكل ماكلمتهم اصبر شهر والحين كملت الشهر الثالث
يقول عندك في حي (المعذر) مايسمح واعرف ناس كثار سرعاتهم فوق 10 ميجا :(
بس دايم يصرفوووووووووووووووووووووووووون

وانت وش حارق دمك كاتب موضوع ومتعب نفسك ياخي كيفهم يسوون اللي يبون

اجل دعاية موبايلي في نظرك حلوة اللي يروح للبر وجواله يرن؟ وش معناته؟

او الثانية اللي يطلب بيتزا؟ كلها ترى في نفس الموال والا بس عشان موبايلي موقعة للهلال نقعد نسفل ونسب ونشتم بزيادة؟


لا احد يقول اني ادافع عن الاتصالات لكن المبالغة الزايدة لموبايلي مالها داعي اجل واحد من الاعضاء يقول انه في منتدى يتناقشون في موبايلي وواحد يسفل فيها ويوم صار بينهم تراسل بالخاص يرد عليه اللي سفل بموبايلي (بيني وبينك انا موظف بالاتصالات) اما عاد يكشف نفسه عيانا بيانا حتى لو كان صحيح

والا عضوة انقطع عنهم النت وشكرتهم اول نت المشتركين فيها تقوم تتصل على 907 خدمات العملاء حقة افاق وتقول احسن شي ان الهلال راح لموبايلي وش دخل هذي في ذي؟

والا الفقاش الكبير يقول ان جواله باسم امه وانه لما يكلم خدمات العملاء ترد حرمة سألت واحد من الشباب شغال بموبايلي يقول لا مافيه حريم بخدمات العملاء واللي قال اكبر فقاش


خلوكم منطقيين شوي تراها دعاية لا راحت ولا جت

أشوف إن الموضوع عادي وطرق إعلانية متاحة للجميع ..

دون الضرر أو دون المساس بأي شخصية ..

عندنا ناس يبكون إذا شافوا عروض أقل من العروض اللي أشتروا فيها ..

وعندنا ناس نصّابين ملى أعينهم ..

لكن أنا أبسألك سؤال هل هذا مكان الموضوع المناسب ..

أو إن منتدى الإتصالات هو المناسب ؟؟

رآفعين ضغطي هالاتصالات

DSL مافيه .. على آفاق DSL شامل والسرعة 26 Kbps :bigeek:

حياااااااااة انكد والله :(:(:(
شركة الإنفصالات والنصب والإحتيالات :@

بصرااحه انا برايي الي ياخذ الاتصالات ما عنده سالفه

ولا اذا رحتلهم قاالو عندهم عررض واذا اخذت كل شئ واشتركت قالوولك انت ما دخلت العرض

والله يازين موبايلي بلا الانفصلات بلا هم

ما فيها الا شئ واحد زين ابراجها اصبر على موبايلي وشووف

شركة الاحتيالات نصابين حتى لما تتصل على 902 اتحدى يردوا عليك الا بعد 10 دقايق واكثر والله لو اني بمصر على هالزحمه، انا لي ثلاث جوالات للاحتيالات وكلهم الغيتهم بعد المر الي ذقته منهم والـ دي اس ال حقهم فاشل وانا الحين وربي اخطط على شريحة موبايلي للانترنت وافتك من هالشركة ووزحمتها وشوف الفرق بين تعامل شركة موبايلي وزين وشركة الاحتيالات اقصد بمنافذ البيع الي هي الفروع موظفي الاحتيالات شايفين انفسهم ويكلمك من ورى خشمه كاني جاي شحذه شريحه والا يخدمك بمنه كانه مسدد فاتورتك وربي فرق لما رحت لموبايلي احترام ولباقه وحسن تعامل تحس انك داخل لشركه بتخدمك مو تذلك