الفليم الكوميدي الهندي ( اس كلام )
 

تدور احداث هذا الفلم في القرن العاشر عشر .. يعني على ايام هتلر و جنكيز خان و ياسر عرفات <-------- وش دخله ذا

يبدأ و سراج توه جايب شهادة الدكتوراه قصدي المتوسطه ليلي .. و يوم انه عطى ابوه الشهاده قال ابوه : انتا نفر مافي فايده لازم انا ودي مزرعه مال انا .. قال سراج : مافي مسكل انا هناك سوي يزرع بعدين ان شاء الله انا في يخترع اختراع سيم سيم نيوتن يوم هوٌا في يطيح تفاحه بعدين سوي قانون جاذبيه .. جاوبه ابوه بطراق و قال : الحين انا في يعطي انتا حصان و اذلف مزرعه و لازم سوي شغل كويس يا كلب .. قال سراج : اوكي يا بابا العزيز

راح سراج و ابوه عند الاسطبل <--- (يمديكم على هالكلمه الخطيره و التي تبين سرعة الفهم لدي ؟) و قال ابو سراج : يلا سرعه اختيار حصان بعدين روح عند مزرعه .. و عقب دقايق اختار سراج حصان اشقر و قال لابوه : بابا انا في اختار هازا حصان اشقر عشان انا يتذكر نوال زغبي .. قال ابوه : يوووه انتا وازد كلام وصخه .. قال سراج : توك تدري .. و بعد ان تبادل سراج و ابوه هذا الكلام الوصخ ركب سراج الحصان و لسان حاله يقول : الحين انا في روح مزرعه و سوي شغل كويس

و بالطريق تعرٌض سراج لعملية اغتصاب ............ مالي ( جريتكم جره ماحصلتش ) يعني تعرض لعملية اغتصاب مالي .. جاه واحد مسلٌح و الثاني مسلٌح بعد مثل حقين الكوبوي ..و قالو : يا سديق جيب كلو فلوس و بعدين انا في يطلق سراح مال انتا .. قال سراج : ليه انا ايش في سوي ؟ .. قالو : انتا مافي سوي شي بس انا نفر حرامي ( معترفين بعد ) .. قال سراج : والله انا مافي يعطي فلوس حتى لو في قص رقبه .. قامو الحراميه يناظرون ببعض و كل واحد يقول للثاني : ايس فيه هازا نفر مخ كربان ؟ .. و عقبها نقز واحد من الحراميه قرٌب عند وجه سراج و قال : لو انتا مافي يعطي انا فلوس انا في سوي موت .. و لكن سراج لم يستسلم لهم ( اخص ) .. فقام سراج من حصانه و طلٌع سيفه و قال : يلا سوي حرب سيم سيم جنكيز خان .. فالتحموا العدوين و قتل سراج الحراميه و تركهم طائحين بالشارع و اخذ نقودهم ايضاً ( مهوب هيٌن ترى عنده عضلات ) ..

كمٌل سراج الطريق للمزرعه و في الطريق كان تفكيره كله بنوال الزغبي و خوياتها الجميلات <-----(مهوب صايع) ..

وصل سراج للمزرعه حقت ابوه و نزل من الحصان بعد ان ربطه بحبل موصول بالشجره لكي لا يهيج ( ثور ذا والا حصان ) .. و دخل المزرعه و جلس بالغرفه و قابل هناك المسؤول الرئيسي بالمدرسه و كان هالمسؤول لا يقل سربته عن سراج ..

قال سراج للمسؤول : ايش اسم انتا ؟ .. قال المسؤول : انا اسم عبيد خان سيم وزن جنكيز خان .. قال سراج : هههههههه انتا وازد خفيف دم .. قال المسؤول : ما عليك زود ( هندي بدوي ) .. و جلسو يحتسون الشاهي و قال عبيد خان : يا سراج انتا يشبه " مستر كولينو " .. قال سراج : مين هازا مستر كولينو ؟ .. قال عبيد خان : هازا نفر فيه فلوس بس مافي يعلٌم احد ايش في يملك ( يعني عنده خير و املاك بس ما احد يدري وش هي هالاملاك ) .. قال سراج : بشٌر ام مال انتا .. و جلسو يسولفون مع بعض الين ما ارقدوا ....

و في الصباح الباكر قام سراج و قام عبيد خان من النوم و راح عبيد خان عند العمال و كلٌف لكل واحد مهمٌه ( تقول كنهم بحرب هم ويٌا هالمهمٌات ) .. و كان سراج جالس تحت شجرة تفاح و ينتظر تفاحه تطيح عشان يخترع قانون الجاذبيه

راح عبيد خان عند سراج و قال له : هازا نيوتن قبل كم سنه مافي سوي اختراع جاذبيه .. استغرب سراج و قال : اجل مين في اختراع جاذبيه ؟ .. قال عبيد خان : انا من زمان في يجلس تحت هازا شجر و بعدين في يطيح تفاحه و بعدين انا كلام هازا تفاحه في يطيح عشان في جاذبيه و نيوتن كان في يجلس وراي و في يسمع كلام و على طول في روح ينشر هازا كلام و يقول انا في يخترع جاذبيه (نصبه من العيار الثقيل).. قال سراج : هراااااااام وازد , نيوتن حركه مافي كويس هازا حركه سيم سيم سمرمدي نفر .. قال عبيد خان : انتا معلوم يصيد ارنب ؟ .. قال سراج : انا معلوم يصيد قطوه ..

شوي الا جا واحد من حرس الملك يقول : أين مستر كولينو ؟ .. اشر عبيد خان على سراج و قال : هازا مستر كولينو [ راجع هالمقطع عشان تتذكر منهو مستر كولينو " قال سراج : مين هازا مستر كولينو ؟ .. قال عبيد خان : هازا نفر فيه فلوس بس مافي يعلٌم احد ايش في يملك ( يعني عنده خير و املاك بس ما احد يدري وش هي هالاملاك ) ].. و سراج مستغرب و يحاول ينكر و لكن عبيد خان يستعمل طريقة الضغط على حامل الكره .. قال الحارس : الملك يريدك يا مستر كولينو .. قال سراج : مافي مسكل بس انا يبغى يتروٌش عشان ريحه كربان روح .. و راح سراج و عبيد خان للغرفه و عبيد يقول : يلا سرعه يتروٌش عشان روح عند ملك يا مستر كولينو .. قال سراج : ترى انا مافي يفهم سالفه .. قال عبيد خان : انتا الحين روح عند ملك لازم يصير نافخ صدر .. قال سراج : انا بس معلوم ينفخ كرشه .. قال عبيد خان : لا يكثر و روح تروٌش يا سديق الملك في انتظار .. و راح سراج تروٌش و لبس احسن ما عنده و صار كنه مضيفه بطياره .. و حتى عبيد خان تكشٌخ بس سراج غير

طلع سراج و عبيد خان من الغرفه و على طول راحو للاسطبل و كل واحد خذ له حصان من النوع الممتاز الذي لا يشق له غبار من جميع النواحي الاجتماعيه واللاتينيه .. و يوم ان كل واحد ركب حصانه جا واحد من الحرس و قال : لو سمحت يا مستر كولينو انزل من حصانك هذا و اركب مع الملك و زوجته و ابنته اما انت يا عبيد خان خلك معنا سوف نكون ورائهم .. و نزل سراج من حصانه و جلس يناظر بعبيد خان و يطلع لسانه دلالةً على نجاسته ..

ركب سراج بذيك الغرفه اللي قدام واحد راكب على حصان و يسوقها ( مدري وش اسمها ذي ) .. سلٌم سراج على الملك الدلخ .. و على بنته .. و على زوجة الملك .. و كان سراج مهوب عارف وش يسوي رايح بخرايطها و عرقانه تتصبب .. قال الملك : ماذا بك هل المكان حار يا مستر كولينو ؟ .. قال سراج : مافي حار بس انا كذا دايم عرق يصب من جبهتي .. قال الملك : هاهاهاهاهاهاهاهاها إذن سوف احضر لك طبيباً لكي يعالجك .. قال سراج : لالا مافي لازم سوي تعب انتا .. و سكت الملك .. و كانت بنت الملك تناظر بسراج نظرات اعجاب و سراج مطأطأ رأسه من الخجل ..

وصلو للقصر حق الملك و قال الملك لسراج : سوف آتي إليك بوليمة غداء .. قال سراج : لالا مافي لازم انا تو في يتغدى .. قال الملك : إذن براحتك .. و قام الملك يصوٌت على الخدم و قال لهم يودٌون مستر كولينو ( اللي هو سراج ) .. قال سراج : انا مافي روح غرفه الا لما يجي صديق انا عبيد خان .. قال الملك : لا توجد مشاكل دعه يأتي .. و راح سراج و نادى عبيد خان .. و يوم انه ناداه وادخلو القصر قال الملك : الآن اذهبو و ارتاحو في الغرفه و افيدكم علماً ان في العصر رقص و حركتات ( عز الله بيجيبون الطعٌه ) ..

راح سراج و عبيد خان للغرفه و قال سراج : يا سديق انا مافي معلوم سوي شي في هازا مرقص .. قال عبيد خان : مافي مسكل الحين انتا روح و كل شي على الله .. قال سراج : انا الحين سيم سيم مستر كولينو ؟ .. قال عبيد خان : و تطقٌع فيه بعد ..

قام عبيد خان يعلٌم سراج وشلون ينفخ صدره و يمشي مشية الكرام .. و في نفس الوقت كانت زوجة الملك تعلم بنت الملك وشلون تمشي مشية الكرام ( إلا وش معنى مشية الكرام ؟ )

<-------- يكتب ولا يدري وش السالفه


يوم جا العصر تكشٌخ عبيدخان و سراج و راحو للصاله و قابلهم الملك و قال : بعد قليل سوف ترقص يا مستر كولينو مع ابنتي ..

جلس سراج مع عبيد خان يقول : انا مافي معلوم يرقص بس معلوم عرضه .. قال عبيد خان : انتا اول شوي روح بعدين انتا يدبٌر عمرك .. قال سراج : لالالا مافي يقدر ..

و يوم جا وقت الرقص و سراج ممتنع انه يدخل مع البنت بالرقص قام عبيدخان دف سراج و خلاه قدام الامر الواقع .. و قام سراج يدربي دميجته مع البنت وهو ما يدري وش السالفه بس على قولة القايل " دربي دميجتك على قد لحافك " <---- وش يبي ذا

راح عبيدخان عند الفرقه الموسيقيه و قال لهم حطو موسيقى عرضى .. و قامو حطو عرضه و سراج قام يعرض و البنت مهيب عارفه وش تسوي معه .. و عقب العرضه .. قامو ياكلون و يبلعون الين الله يحلها

دخل عبيدخان عند غرفة الطباخين و قام يهايط عليهم .. قال : هازا مستر كولينو عنده سندوق اكبر من جبهتي كله ذهب و عنده اراضي و مزارع مثل حقت تيمورلنك ( تيمورلنك يملك اراضي و ممتلكات كبيره بنفس هالبلد ) ..

المهم راح زعيم الطباخين عند الملك و قال له هالكلام و الملك ما صدق خبر و قال لو يوريني هالاشياء بزوجه بنتي

في هذه اللحظات كان سراج جالس مع بنت الملك في الحديقه بدون لا احد يدري <------ الله يلعنهم من سرابيت .. و قال لها سراج : انا في كلام صراحه .. قالت البنت : قل ما تريد يا حبيبي .. قال سراج : انا مافي مستر كولينو .. قالت البنت : أجل من تكون ؟ .. قال سراج : انا نفر اسم سراج بس مستر كولينو يشبه انا .. قالت البنت : لا عليك سأظل احبك الى الابد سواء كنت مستر كولينو أو ظاطور

و عندما حل الظلام راحو القصر و نادى الملك سراج و قال له : هل صحيح ما قاله عبيدخان صديقك ؟ .. قال سراج : اس كلام عبيد خان ؟ .. قال الملك : يقول انك تملك اراضي عند تيمورلنك .. ارتبك سراج و قال : ايه صحيح كلام بس هازا بعيد عند تيمورلنك .. قال الملك : إذن يجب ان اراها .. و في هذه اللحظات جاهم عبيد خان و قال : مافي مسكل يا ملك انتا روح عند اراضي الحين ؟ .. قال الملك : نعم سوف نذهب الآن .. قال عبيد خان : خلاص انا في روح الحين قبل مافي روح انتا عشان ترتيب اكل حق انتا عشا ( يعني عبيدخان بيسبقهم عسان بيسوي عشا ) .. و سراج مستغرب و يناظر عبيدخان بحقد ..

ركب عبيدخان حصانه و راح على طريق اراضي تيمورلنك و كل ما مر عند ارض أو مزرعه قال للي فيها : مين يملك هازا ارض ( من يملك هالارض ).. قالو : إنها لسيدنا تيمورلنك .. و عبيد خان يقول : لا مافي تيمورلنك .. يقولون : لماذا ؟ ..يقول عبيد خان : تيمورلنك في تغيير اسم .. يقولون : و ما هو الاسم الجديد ؟ .. يقول عبيدخان : سراج
( يلعن خيره دبٌر لخويه صرفه )

كمل سراج طريقه الين ما دخل عند قصر تيمورلنك الكبير و طيٌح الميانه معه .. قال عبيدخان : انتا في يقدر تحويل من شكل لآخر ؟ .. قال تيمورلنك : ايه اقدر .. و قام تيمورلنك يحوٌل نفسه فيل و مره اسد و مره قرد و مره قدر و مره حبة فياقرا .. قال عبيد خان : انتا يقدر يتحول فار ؟ .. قال تيمورلنك : ايه اقدر .. و يوم ان تيمورلنك حوٌل نفسه فار قام عبيدخان و طلٌع قطو وخلاه ياكل هالفار يعني القطو كل تيمورلنك يوم انه تحول فار

و في هالوقت كان الملك راكب مع بنته و زوجته و سراج بغرفه يسوقها حصان و كل ما مرو عند ارض اسالوهم هذي لمين ؟ .. قالو : هذي للسيد سراج .. و سراج ماغير الا يضحك و هو ما يدري وين الله حاطه ..

و يوم انهم اوصلوا للقصر الكبير لقو عبيدخان قايل للخدم يجهزون العشا و قامو يبلعون الين ما اشبعو

و انتهى الفلم بزواج سراج من بنت الملك و زواج عبيدخان من احد هالخدامات المزيونات






http://nawaf-altemyat.securedata.net...ry/pic0001.jpg

والله ولا نزار قباني..
لالا ابدعت اخوي والله وعلييييييييك لمبة

ابداااع والله ابدااااع ماشالله عليك اخوي

ما شاالله

.
 

:) حلو الموضوع

اس اس اس السلام عليكم.......

ور متصير موالف ......

ويعطيك الله الفففففففففففففففففف عافيه ومشكور متقصر.....

وووووووووووووششششششششككككككككرررررررراااااااانننننننن..

اللحين وشو المقصد من هاقصة