باريـــس ..~ مش حتأدر تغمض عينيـــكـ ..!! - نادي الهلال السعودي - شبكة الزعيم

k.s.a.5920 · #1 30/04/2009, 03:47 AM

[COLOR="DimGray"]
باريـــس ..~ مش حتأدر تغمض عينيـــكـ ..!!

أبرز معالمها برج أيفيل وأشهر شوراعها جادة الشانزلزيه وأشهر
المقاهي فيها مقهى الفوكيه..~

ديزني لاند باريس Disney Land Paris

وهي تبعد 25 كيلومتر عن وسط باريس .. وتقدر تروح لها بالسيارة او بالقطار او بالباص ..
منطقة الديزني عبارة عن منتجع كامل .. يعني تلقى فيها فنادق وحدائق وملاهي
ومطاعم مثل بلانيت هوليوود.. وبالنسبة للملاهي اول ماتدخلها تلقى مكاين
تبيع كروت اسمها فاست باس Fast Pass

اما عن طريق المترو او التاكسي .. المترو اول شي تشوف
خط سيرك والمحطة اللي تبي تمشيلها وبعدين تقص تذكره سعرها تقريباً
1ونص يورو وتوصلك للمكان اللي تبيه ... وانتبه ترمي التذكرة اذا دخلت ..
لان الشرطة احيانا دير حملات تفتيش على التذاكر واذا مالقوا التذكرة
دخلت في سين وجيم .. وانتبه من النشالين .. اساليبهم كثيره ...
والتاكسي من 7 الصباح الى 7 المساء تختلف تسعيرته عن بعد الساعة 7
في المساء .. طبعاً في المساء تكون اغلى !!وممنوع انك توقفه من اي
مكان .. لازم تاخذه من عند موقف التكاسي وتلقى لوحه مكتوب عليها TAXI
اوقف تحتها وبيجيك التاكسي ..

فكرة عن الأسعار

بالنسبه للاسعارفهي غاليه جدآ وخصوصآ في منطقة الشانزلزيه حيث ان
فنجال القهوة يصل سعره الى حدود 12 دولار تقريبآ في مقهى الفوكية ..~

بعض الكلمات الفرنسية المتداولة

: (طبعاً بدل الراء بالغين والفاء بـV )
صباح الخير : بونجور ، مساء الخير : بونسوار ، كيف حالك : كومون سافا
، بخير : تخغيبيان ، الى اللقاء : اوروفوار ، تصبح على خير : بون وي ،
انا اسمي بريق : والتبن قصدي جو مابيل بريق ، تتكلم فرنسي : باغليفو
فغانسي ، من فضلك : سيل فو بليه ، شكراً جزيلاً : ميغسي بوكو ،
حسناً : داكور ، نعم : وي ، لا : نو ، اعذرني : اكسيكيوزموا ، آسف :
باردون ، كيفكم : كومون اليفو ، 1 : اون ، 2 : دو ، 3 : تروا ، 4 : كاتر
، 5 : سانك ، 6 : سيس ، 7 : سيت ، 8 : ويت ، 9 : نوف (يامحلا هالرقم )
، 10 : ديس ، مبسوط بشوفتكم : انشانتيه دوفوفوار ، انا : موا ، انت :
توا ، هو : ايل ، الايام من السبت الى الى الجمعة : سامودي ، ديمانش ،
ليندي ، ماردي ، ميركودي ، جودي ، فانترودي .

المال

اللي يجي باريس وماخذ معه شيكات سياحيه .. عادة ماتكون توماس كوك
او امريكان اكسبريس ..مشكلة المحلات والمطاعم في باريس مايعترفون كثير
في الشيكات السياحية ..معنى هالكلام انك يبيلك تحولها الى كاش ..
لو مشيت للصرافين العاديين بياخدو عمولة ، وغالبيتهم ياخذون 3% ..لكن
تقدر تحولها بدون عموله من الشركة اللي بترجع ليها شيكاتك.. بالنسبة
لتوماس كوك فروعها منتشره في كل مكان الشانز اليزيه بس فيه ثلاثة
فروع لهم !! ومنطقة الاوبرا اللي نعرفه فيها اثنين ... اما بالنسبة للامريكان
اكسبريس هذولا علل فروعهم قليله لكن فرعهم القريب موجود في منطقة
الاوبرا وبتلقى مركزهم كبير وواضح .. وصرافينهم موجودين في قبو المركز ..
بس ماتنسى تجيب جوازك اذا جيت تصرف !!! لو تجيب اي اثبات ثاني
مايعترفوا .. لازم الجواز

وكذ1 خلص الموضوع اتمنى الرد من الاعضاء ,,[/COLOR]