شكرنا جمهور الهلال في ( جدة ) وأثنينا على جماهير الزعيم في ( الشرقية ) وأطربنا جمهورنا في ( دبي ) حتى طالبنا بالرابطة ورئيسها ( حيّا ) لكي يحيي صمت الجمهور الهلالي في المدرجات !! أو إعطاء الجماهير ( الخلطة السرية ) اللى جعلت جميع المعقلين يشيدون بجماهير الزعيم في ( دبي ) .. حتى سحبت البساط من الناديين وأصبح الجمهور الهلالي تلك الليلة هو النجم الأوحد ..

جمهور الهلال في مكة ... ياعيني عليه .. :yes: ومانسيناهم بالمدح والإشادة .. وهو يستاهلون

جمهور الزعيم في القصيم .. عاد حضورهم أرهب الخصم .. وأدهش المعلقين .. والمتابعين !! في حضورهم تم إعلان زيادة المدرجات في ملعب الحزم ... وفيه كثافتهم .. تغنى ( المعلقين ) بالجمهور والشعبية الكبيرة في مساء جميل بحضور الجمهور الاجمل ..

جمهور حايل ... وزعماء حايل يوم ( كنا ) نشوفهم قبل الهبوط .. كانوا بحضورهم ( أوفيا ) ومن باب الوفاء ذكرهم فيها الموضوع رغم إننا إنحرمنا شوفتهم هالموسم .. وبإذن الله نشوفهم قريب .. ونرجع ( نكحل ) عيوني بحضور جمهور الزعيم بحايل .. وهم ( يكحلون ) عيونهم بشوفة الزعيم ..

ومثل ماإنحرمنا من جمهور الزعيم في حايل .. للأسف بننحرم من شوفة جماهير الزعيم في ( تبوك ) وحضورهم الرائع والمشرّف .. وهي عادتهم الله يسعدهم ..

من حسنات أندية نجران وأبهاء .. شوفة هالجمهور الهلالي الكبير في مدرجات ملاعب نجران .. وأبهاء خلال لقاء الزعيم .. .. حضور نجران وأبهاء للممتاز خلانا نشوف جمهورنا الغالي وكثافته في الحضور .. والمساندة .. والتشجيع حتى نهاية المبار اة ... وبعد نهاية المباراة ... مثل هالفرق خلتنا نكتشف الشعبية الكبيرة ( للزعيم )

جمهور الرياض .... :smilie47: ياكثر مانعاتبه ...:rose: ومرات ( نشرشحة ) s13s وننتقد ( قلة ) حضورة .. و ( برود ) في تواجدة .. رغم أنه عاصر نجومة وبطولاته عن قرب .. بس ليش ماكان يحضر !! ماندري ؟!

لكن في مباراة النصر الأخيرة .. كان الجمهور هو النجم الاول ... وهذي عادة جماهير الأزرق في الرياض .. حضورهم زيادة على إنه ( للتشجيع ) و ( العشق ) كان للحضور رسالة للجميع بأنهم ( قد ) المسؤولية .. وهم الرقم الصعب .. وحضورهم كان ( فزعة ) و ( وقفة ) مع النجم الكبير ياسر القحطاني .. :rose:

جمهور الرياض .. على كثر ماعاتبنا ... وإنتقدناهم ... ليتنا بس كلنا هالمرة نقولة ( شــــــــــكرا ) بقوة .. للحضور .. والتشجيع .. والمؤازرة .. والوقوف مع جميع لاعبيننا عند الحاجة .. ماقصرتوا !!

دائما شيل وحط معهم .. بس كلمة ( شكرا ) قليله في حق كل شخص حضر مبارتنا مع النصر الاخيرة !! بيض الله وجيهكم .. علشان ماننسى نشكركم .. طرحت هالموضوع خصّيصاً واتمنى الحضور الدائم خصوصا هاليومين .. فيها بطولة ..

** تمنيت إني صاحب مطعم ( ولايم ) وكل من حضر مباراة الهلال والنصر الأخيرة يجيب تذكرته وياخذ ( هرفي ) مع الرز .. مجاناً :naughty: >> تستاهلون

وتراني أقول لو أنا راعي مطعم .. :naughty:

اخوكم الصغير ابو طلال :rose: