..][ UCL semi final][ برشلونة و تشيلسي أنهوها سلبية ! وهدف اوشيه يقود المان للفوز على الارسنال ][.. - نادي الهلال السعودي - شبكة الزعيم

أسيــ الزعيم ــر · #11 29/04/2009, 05:28 AM

هاردلك يا شباب التعادل

الحمدلله انتهت المباراة على هالنتيجة .. ما راح أفكر في هجمة دروجبا كـ هجمة ضيعت علينا هدف .. لأنه ولله الحمد أكثر من هجمة مماثلة لها تصدى لها تشيك

لكن الواضح على دروجبا من تالي انه صار يضيع الانفراديات .. و هذا اكتشاف عظيم

فرصتين أو ثلاثة قدام رينا و فرصة قدام فالديس .. ثنتين منها حطها في يد الحارس .. حتى هدفه على بوفون خدمنا فيه ان بوفون طاح مدري بغى يطيح

هذي نقطة على دروجبا .. و إن شاءالله ينبهه هيدينك .. ما نبي يسوي هالحركات مرة ثانية .. جتك انفرادية حطها بزاوية و خلصنا .. حتى سحبة الحارس ما نبيها و لا هوب كفو لها

الفريق بشكل عام و اللي انا متوقعه انه بيدافع و هذا اللي حصل .. و هذا الطبيعي لأنك تلعب أمام ثلاثي هجومي سجل خلال هذا الموسم أكثر من 85 هدف .. تخيلوا ثلاثة لاعبين سجلوا أكثر من أغلب فرق العالم !

لكن الحمدلله هالثلاثي كانوا شبه مغيبين عن المباراة .. ايتو كورة واحدة قدر يتلاعب فيها بالدفاع لكن الحمدلله تشيك

صدها .. هنري كان الاكثر خطورة بين الثلاثي بتسديدتين تقريباً و بلنتي من بوسينجوا الدلخ :@ ماقصر في المباراة لكن يسوي كذا لا :@

الحمدلله الحكم ما حسبها و عدت على خير .. نتيجة أكثر من ممتازة .. هي تقريباً الأفضل لنا .. و بعد النتيجة حلوة للبرسا لكن مهيب الافضل لهم .. الأفضل بكل تأكيد انهم يسجلون و هذا و لله الحمد اللي قدرنا نمنعهم منه

اللحين برشلونة في الإياب بيجينا إن شاءالله منهك و معه كم اصابة من الكلاسيكو .. يا لبييييييه لو بيبي فيه بس

اللحين نتائج برشلونة في الدوري مهمة لتشيلسي .. هزيمة البرسا من الريال بيضغط برشلونة أكثر في الدوري .. لكن فوزهم بيريحهم كثير لأن الفارق بيرجع سبع و ما بقى الا القليل !

شيء واحد بس تمنيت يسويه هيدينك في المباراة .. و هو انه يدخل انيلكا لو في آخر عشر دقايق .. ما ادري ليه كان عندي احساس انه لو لعب بيشكل فارق ! لكن هيدينك لعبها صح .. 4 - 4 - 2 هي الخطة المناسبة ضد برشلونة .. مع مهام دفاعية و هجومية لمالودا لاعب طرف ألفيس

و بصراحة كنت متخوف من هيدينك لا يقلبها هجومية قبل المباراة بساعة .. بحثت عن التشكيلة عشان اشوف تشكيلته ما لقيتها .. طقيتها بلوت

اللي خوفني بهالشكل انه مصرح قبل كم يوم يقول انه بيلعب بشكل هجومي .. برشلونة حط قدامه دفاع صح تصعب الامور كثير عليه .. دفاعنا اليوم و الفريق بشكل عام كان مركز بشكل كبير جداً .. حصلت هفوات كانت بتطير المباراة لكن الحمدلله عدت على خير .. لكن بشكل عام الفريق أدى اللي عليه

تشيلسي مهوب مطلوب منه انه يهاجم .. و متعة و طقطقة .. ممكن يسوي كل هذا برشلونة لكن في النهاية هدف من مرتدة و يحتلبونها

.. هالمباريات الكبيرة اللي زي كذا ما أبي فيها متعة .. ما أبي فيها أي شيء ألا الفووووووووووز أو الخروج بنتيجة تخدم فريقي بسسسسسس .. شغل بطقطق و الا يمديني اشوت بس بدخل من بين اللاعبين عشان اسجل هدف حلو .. هذا مهوب عندنا يا تشيلسي

<< تصير في الاياب تهقون

نقتل المتعة .. نلعب لعب ممل جداً .. نسجل أهداف بايخة .. نلعب بحظ العالم كله .. نسوي اللي نسوي .. يصير اللي يصير .. ما أبي الا هالبطولة و تجي باللي هي به .. لو يلغى عشر أهداف و عشرين بلنتي في كل مباراة .. أبي أتلذذ بطعمها .. ما أبي شيء ثاني من الكورة هالموسم .. خلاص تعبنا يا ناس معها

رد متشتت كثير لكن كل شي يجي في راسي اكتبه .. حاولوا ترتبون الكلام و ترسلونه بالخاص