شوفو لي حل مع ( مراقب البلدية )
 

السلام عليكم

ابارك لكم التأهل عبر بوابة النصر للدور الثاني لبطولة الابطال
وتمنيت يكون عندنا اكثر من فريق نصر بمجموعتنا والمجموعة الثانية

مشكلتي مع مراقب البلدية
عندي بوفيه واحاول اني اكسب عيشتي بشرف
ورغم صغره جايب له 3 عمال
1 يجهز الاكلات للزباين و 2 للنظافة
تخيلوا حاط 2 للنظافة في مساحة صغيرة جدا بالبوفيه حتى اسلم من شر مراقب البلدية

وعندي مراقب كل اسبوع وهو عندي حتى بعض المخالفات فيها تجيب الهم وكلها بخصوص النظافة
واخوكم يروح يسدد المخالفات ما بين 200 الى 300 ريال اسبوعيا

بالقرب مني بوفيه كبير شوي
يشتغل فيه تقريبا 10 اشخاص
وكلهم على تجهيز الاكل ماعدا 1 منهم مخصص للنظافة
لكن ما عمره قد اخذ مخالفة
سألته يا اخي انا ذبحني المراقب كل اسبوع ومخالفة
قال نفس المراقب اللي عندك هو عندي لكن ما عمره عطاني مخالفة
قلتله طيب وش اسوي معه
كل شيء عندي 100 % لكن اشتغلني بالمخالفات
قال يا اخي بسيطة
ادهن السير يسير
قلتله يا اخي حرام اشغل بوفيه بالرشوة
قال اجل تحمل

طبعا القصة من خيال وليست حقيقة ولكنها واقعة فعلا مع ضعيفي النفوس من مراقبي البلدية

ولكن ذكرتني بزيارة الافندي لمنزل المخلوع يوتبون جدول الدوري
وذكرتني بما يردده جمهور اتي لحالو ضد ياسر
وذكرتني بما ردده جمهور النصر والاساءة بياسر
وذكرتني بما تم تصديره خارجيا للاساءة لكبتن المنتخب ياسر
وايضا ذكرتني يوم امس بتكرار المخالفة رغم التشديد بعدم ذكرها ومعاقبة مرتكب الاساءة

بعدها ايقنت ان بعض موظفي لجنة الانضباط يشبهون الى حد كبير بعض مراقبي البلدية
فلا نجد المخالفات رغم وضوحها تطبق للاصفرين
وكان وجودهم فقط هو معاقبة الهلال

ولا اقصد ان يتم التعامل مثل ما تعامل به صاحب البوفيه الاخر
ولكن اقول ان الضمير متوفي ولا تنتظروا من ينصفكم يا بنو هلال
فكونوا قدر استطاعتكم حذرين
وكونوا مثل ما انتم بحسن النوايا
واعملوا قدر استطاعتكم لانجاح الهلال
ودعو مراقب البلدية اقصد موظف الانضباط مصيرهم ينكشفون على الملأ

كلام سليم اخوي

وهذي فعلا الحادثه تتكرر وبشكل كبير اذا كانت لجنة الانحطاط نايمه في العسل

والله يكتب اللي فيه الخير

يا رجال عقب بصقة غالي وانا عارف ان العين عورا

كلام في قمة الروووووووووووعه .

عساك على القوه والله يحفظاك ويرعاك ..... وبالتوفيق لزعيمنا بحول الله .

لاتستغرب اذا كان رب البيت 00000000

المخالفات كثيرة لكن المعني ليس بالهلال وهذا الواضح

يعطيك الف عافية
وبخصوص العقوبات بنظري انها الفرصة الاخيرة للجنة الانظباط
ولو عدت هالمرة بدون عقاب رادع وقوي
أنا بغسل يدي منهم بفلااااااااااااااااااااااش

يعطيك الف عافية
وبخصوص العقوبات بنظري انها الفرصة الاخيرة للجنة الانظباط
ولو عدت هالمرة بدون عقاب رادع وقوي
أنا بغسل يدي منهم بفلااااااااااااااااااااااش