للمسـاء الجميلْ نكهةُ جمال ..
ليست بقصيدتي ولكن بحضوركم ..

أحرف قصيدة نسجتها بخيوط الذهب على لوحة الإبداع ..
قرأتها كثيراً نشرت بأكثر من اسم ..

ولكن تعود ملكيتها لتلك العروق اللتي ضخت دماء الشوق في تلك القصيدة ..
بيدي وإبداع فكري وصناعة خاطري كتبتها لقلوبكم ..




النص :




على رعشة ظما جيتك أبي نظره على حالي
أبيك تشوف محبوبك ..!! كيف ان الزمن خانه

أجيك وكلي عطشانك وأغني لك ياموااااالي
أجيك وحلمي الطايش ..!! يـجاملني بألوانه

أجيك وكلي ياصغري ..! وقلب من الكبر خالي
وأحاول قد ماأقدر .. أدوووووووور للرضا خانه

آنا لوقلت آنا أحــــبك وحبك مشـــــغلٍِ بالي
تصفق لي عروق القلب تغني لي على ألحانه


آخاف آطيح من عينك !! بعد ماكنت آنا غالي
آخاف آكون ذاك اللي .. فقد ربـــــعه وخلانه


آخاف أني أصوّت لك !! وآصيح بصوتي العالي
وآخاف أنك تجاهلني وتنكر .. قلبي واعلانه


آنا وشلون أسولف لك ؟ وأعبر لك عن احوالي
عطني فرصه وازهلها .. أخلي الدنيا رويانه


قلوبٍ ترتجي وصلي وآنا أكبر منها بوصالي
أبيع قلوب حبتني !! وكل هذا على شانه


انادي له حبيب الروح !! تعال وخلك قبالي
تعال وكلي سميتك ( عقد لولو ومرجااانه )


تعال وننسى دنيانا !! ونسكن برجنا العالي
ونكتب للحزن فارق .. ماعاد لدمعتك خانه


تفضل دامني خيلك ! حبيبي وانت خيّـالي
قصيدة عشق سميتك .. وقلبٍ ياكبر شانه


حبيبي لو تناسيتك !! أمانه منهو يبقالي
بشر ماهمهم قلبي ..! بشر والدنيا خوّانه


هذاك بيفرح لموتي ..! وذاك بيشمت بحالي
قلوبٍ ماتعرف الحب !! على هالدنيا غلطانه


حبيبي لو بغيت الموت ؟؟ أبيك تكون قتّالي
بشرع الحب آنا مسامح " أذا هالدنيا زعلانه


ولو ماودك بموتي ..! أكون بسجنك أحلالي
سجينك من وسط سجنه يناديلك ياسجّانه


أحبك يالغلا دامك بقلبي الأول التااااااالي
طيري في سما صدري ..! يرفرفلك بجنحانه


أبيك تعيشني قصة .. قبل موتي وترحالي
قبل لايندفن شوقي مدام كفوفي عطشانه


حبيبي طالبك طلبه ؟؟ اذا وصلك تهيّالي
ترا عمر الزمن جافي ولو ضمتني أحضانه


أبيك تضمني حتى !! تشوف أنه هدى بالي
وأذا حسيت في روحي ..! تراها حيل ولهانه


أبي أغفى على ثغرك وأذوب بريقك الحالي
وأذا صحتني مزونك تراها الروح سكرانه


أبي أقهر قلوب البعض ..! ومنها قلوب عذّالي
أبي أدبل كبود اللي بغت حزني وعنوانه


أبي لامن دروا عنك ..! ترفع حاجبك عالي
رجيتك أسكت وطالع هذولا ناس مرضانه


فديت حجاجك ورمشك فديت الطيّب الغالي
فديت أسمك ,, أذا أسمك اهو قافي وعنوانه




وسلامتكم ..


محمد بن صيّاح