نادي الهلال السعودي - شبكة الزعيم - الموقع الرسمي - بائع التذاكر بمقر النادي والسرق بمسمى السوق السودا

- منتدى الجمهور الهلالي (http://vb.alhilal.com/forumdisplay.php?f=28)

حسبي الله ونعم الوكيل
.........................

انا كنت في مقر الزعيم في تمام الساعه السابعه بعد المغرب وبائع التذاكر سالته عن المنصه وقالي باقي ثنتين واخذ وحده

بس القهر ان مكان المقعد سيء للغايه تحت قبل الحاجز بصف واحد ويقول ان الباقي خلصت متى خلصت البييع بدء الساعه الخامسه

وسالت كم بوك تذاكر عندك بالنسبه للمنصه قال واحد السؤال للإداره كيف تطالبين الجمهور بالحضور ولايوجد تذاكر تناسب رغبات

الجمهور ومتى خلصت التذاكر لا والمشكله المباره تعتبر على ارض الزعيم وتذاكر المنصه بيعت في مقر الزعيم ونادي النصر

بينما المباره السابقه المنصه فقط في نادي النصر سؤال عليه اكثر من علامه استفهام ؟ ؟؟؟ والا بعد مثاليه

إقتباس:

الرسالة الأصلية كتبت بواسطة xzyte15 (مشاركة 11870266)

اخواني امسي على الجميع

واتمنى فوز الزعيم بأذن الله

توني جاي من مقر نادياً الغالي لشراء تذكره درجه ممتازه (300) ريال وتفاجات بشخص اسميه الشيخ لردوده الاستفزازيه وبقول ان التذاكر نفذت بس تبغاها بـ (800) ريال الحين اعطيكياها يعني عيني عينك سوق سوداء وسرق من بائع تذاكر رسمي

لو جاني واحد من الشارع تكون مهضومه يبغى يتكسب .

ارجو من المشرفين والاشخاص القادرين على ايصالها لمسؤلين الهلال ايصالها وانا على استعدد للحضور للنادي ومقابلة البائع ومواجهته بم دار بيني وبينه بوجود المسؤول بنتضار الرد .

واتمنى ردود الاعضاء يمكن يكون هناك احد حصله نفس الشي

ودمتم يا زعماء

حرااااااااااام عليك قسم بالله لو مكانك لاصوره واروح للمسؤلين هذا استغلال عينى عينك

حسبنا الله فيهم

إقتباس:

الرسالة الأصلية كتبت بواسطة الله عليم بحبي لزعيم (مشاركة 11872204)

اذا وصل هذا الكلام للرئيس فلن يسكت
اتمنى ان يوصل المسؤولين عن شبكة الزعيم هذا الشيئ

وش بيسوي يعني اذا درى ؟؟
يعني مايدري عن الي يصير لياسر من جماهير الاصفرين هذا هو يدري ولا سوا شي

مثاليه زايده ونظام لاتحرك ساكن بس كل يوم لقاء مع صدى الملاعب .

الله يذكرك بالخير يامحمد بن فيصل يازينك وزين ايامك

والله يا خوي المفروض تذاكر المنصة مو زي تذاكر الدرجة اولى يحق للشخص شراء خمس تذاكر ، المفروض للشخص يحق له شراء تذكرتين منصة فقط لا غير عشان ما يكون هناك سوق سوداء بشكل كبير.

يعني اللي يبغى تذاكر منصة يروح يشتري بنفسه عشان تضيق المجال للناس اللي تبغى تشتري وتبيع سوق سوداء

أما تذاكر الدرجة الأولى فالحمد لله المقاعد متوفرة وبـ20 ريال وتقدر الجماهير تلحق عليها فعادي لو خلو الحد الأقصى للشخص خمس تذاكر.
ـــــــــــــــــــــــــ

وبالنسبة للأخوان اللي يقولون ليه تشترون تذاكر منصة، فوالله لهم الحق يشترون منصة وممتازة بملعب الدرة (كنبات وشغل يستاهل) مو زي ملعب جدة ومكة كراسي عادية زي كل الدرجات الثانية اللهم فيه شوية مسافة بين الكرسي والثاني يعني ضحك عيني عينك!!!

عالعموم يا رب توفق الزعيم