بمناسبة انتهاء الاختبارات وقرب الأجازة

ويبدون البنات بالاستعداد للزوجات والأعراس

وكل وحده عاد ووضعها

اللي عروس واللي اخت عروس واللي اخت عريس واللي بس معزومة



وياعمررري هالمعزومة

خاصة إذا كانت عازبه single









وأنا بصفتي جربت الوضعين



الزواج والعزوبية

قررت أكتشف الخلل في تفكير البنات وأسلط عليه الضوء<<<موب عاقله





المهم



يابناااااااااااات ياعازبااااااات

وش سر موتكم عالزواج والعرس



أنا بشرح لكم الزواج



أولا نظرية يبدأ الزواج بالهموم منذ اللحظة الأولى





وهذي النظرية يندرج تحتها الكثير من المفاهيم المهمة أبرزها



قبل لاتنخطبين وانتي تفكرين وتقلقين

وإذ حصل وانخطبتي تفكرين توافقين ولا ترفضين

وإذا وافقتي تبدين تخططين لعرسك لخطوبتك ملكتك شقتك و و و



يعني هواجيس وغثى من أولها





النظرية الثانية



الخطوبة حلوة وياليتها ماتنتهي

هالنظرية مهمة





إذا تمم ربي وتملكتي

تبدين أولا خجولة وخايفة لكن أنا أعطيك 12 ساعة وبعدها انتي فاصخة للحياء من اللهفه







المهم



ويأخذ رقمك ويدق على جوالك وتسولفون سالفة بايخه بعدين يبدأ يصير رومنسي

ويدق الليل

ويسأل تعشيتي نمتي و و وناسسه



بعدها يتدرج

ممكن أزوركم

ويزوركم

ويجيب العشى والهدية والورد وتكرر الزيارات وكل زياره بهدية

وكل زيارة تتمادون أكثر

أول شي انتي بكنب وهو بكنب

خلال 3 أيام انتو في أصغر كنب بمجلسكم متفاعصيين

ههههههه



المهم ولازم ماتصير خناقه عاد خلال هالزيارت

وأبشركم هذا أول الغيث يكوون قطرة



والعازبات يابعد قلبي يتحمسون يموتون يظنون كل الزواج عسل ووناسة وانه بيستمر على هالمنوال



لا والله



النظرية الثالثة : لقد انعميت على عيني وتزوجت



صار عرسكم

وطبعا كحال كل سعودي وسعودية حاجزين لماليزيا

لازم تتخانقون اذا مو في طريق المطار في الانتظار واذا مو في الانتظار في الطيارة

واذا مو في الطيارة في الفندق أهم شي تتخانقون

والصلح عاد أحلى شييي



المهم هنا تكون البنت تخطت شوط كبير وينتظرها شوط تعيس



المهم في السفر هذا بتصير أشياء تقودنا للنظرية الرابعة



النظرية الرابعه:كل منا اكتشف الآخر



هنا عاد نقطة الحسم

يا تتطلقون لا سمح الله

ياتصبرين وتنطمين وتواصلين الحياة



لأن مافي انسان بدون عيوب وبتكتشفون بعض هنا



المهم في بنات يمكن ينصدمون

وتتزوج واحد لاسمح الله مدمن أو مريض أو سيء الخلق

وتندم على الزواج من هالمرحلة المبكرة وزي ماقلت ياتنفصل ولا تكمل



وبنات تكتشف عيوب زوجها انه حنان زنان يحب الطعام سخيف متذمر متطلب كثير النوم أو كثير السهر يدقق

ثقيل دم ..كريه.مغازلجي,غبي.فيلسوف.يتميلح,ممل,وغيرها من العيوب

والله يعين كل وحده فيكم

وما ابي اسمع وحده تتميلح وتقول لا والله رجلي بسم الله عليه كامل الكامل وجه

لا مافي احد كامل ولا تقعدين تقولين كذا لآن خواتنا المشفوحات بيتحطمون زوود





النظرية الخامسة:وتستمر المناورات



خناقات تالي الليل

ودني لأهلي

النوم بغرف منفصله

السفهان والحقران

اعطاء كل منكما ظهره للآخر وغيرها





النظرية السادسة:لقد فعلناها بنجاح وها نحن ننتظر مقروداً أقصد مولوداً



هنا عاد ان كثرت كثرت تقعد الفتاه السعودية 3 أشهر بلا حمل من غبائها وبعدها تشتغل الغيرة

وش معنى فلانه حملت وأنا لا

أو هو يبدأ يحن

يلا نبي بزر يملى الحياه

وهو لا والله بعد غيران من غيره وخايف من كلام أهله وزملائة



وهنا عاد يبتدي أكبر هم



النظرية السابعة:مولودي العزيز لقد دمرتني



نفس البنت بخشمها

تتوحم تسهر تستفرغ تطاق تتخانق كله خياس في خياس وحومه كبد

استغفرالله بسس

ويبدى عاد نكد منفرد من نوعه

خناقات على اتفه شي

ريحة عطرك وع

أشم فيك خياس

كارهتك بالعربي وغيرهااا وماخفي أعظم

وترى حتى وانتي تتوحمين وكارهه نفسك وكارهه الدنيا

يجب عليك ان تبتسمي ابتسامه تشق الوجه له ولأمه ولأخواته

وتاكلين تبن كبر راسك بعد





وبعد يندرج تحت هالنظرية الخوف من المسؤولية القادمة والولادة وتفكير ويمكن بكاء من غير سبب



النظرية الثامنة:انهيااار تااام



ولدتي يابنت مبررروووك



وابتدى مشورا الصياح المرض السهر التفكير تحمل الهم والغم والصبر والتضحية و و و



الله يعين الأمهات

والله يأجر امهاتنا اللي مروا بهذا كله وصبروا

مصاريف ومشتريات وتفكير وقلق وتعب وتضحيات

والله تبدين تحسين الحياة صعبة





وقتها





بتكتشف البنت ان العزوبية أحلى وأزين

ويممكن تقص على نفسها وتتحمل وتقول سنة الحياه وتصبر



وبتقول صدقوا صديقاتي يوم قالو الزواج هم وغم





تنويه: مهم



كلامي هذا لايعني بأن البنات لا يتزوجون

لا بالعكس تزوجوا أساسا كان أموت لو ماتجربون اللي جربناه وتندقون على روسكم من الحنه عالعرس



لكن ليس قبل

ان تتمتعي وتفليها وتسهري وتطلعي وتخرجي وتفرعي وتسوين كل مايخطر على بالك

وأهم شي تنااااميييين زي ماتبين

وتشوفين كل الأفلام قبل النكد



يعني من جد خل نحسبها صح

انا أعرف بنت

زوجها يخونها

ووحده تزوجت واكتشفت زوجها انه شاذ جنسيا ومستمر بشذوذه

واللي ولد أهله كل شي امي ابوي خواتي

ووحده زوجها مدمن

ووحده زوجها مريض نفسيا

وااللي عصبي ويطقها ويحرمها من اهلها

ويا قلبي لا تحزن

يعني مو كل الأزواج جنه ولا كلهم نار



فأنتي لو من البدايه خيروك بواحد زي كذا ولا العزوبية وش بتختارين



أكييييييييييييييد العزوبية

إقتباس الرسالة الأصلية كتبت بواسطة y-11-9-10-y واكتشفت زوجها انه شاذ جنسيا ومستمر بشذوذه

وش يعني؟ ذه الكلام
للحين ما فهمت وش يقصدون به

إقتباس الرسالة الأصلية كتبت بواسطة طارق عن حبك مو تايب وش يعني؟ ذه الكلام للحين ما فهمت وش يقصدون به

إقتباس الرسالة الأصلية كتبت بواسطة ملك الثواني9 ههههههههههههههههههههههههههههههههههه

وش سر الضحكة

حبيبي ياللي تسأل روح قل لأبوك قل له وش شاذ جنسيا وان شاء الله يفيدك بعقاله

ههه كلااااااام مخالف للاخلاق السعوديه هههه


ياحبي هذا الموضوع فيه تشاؤم كبير وترهيب الناس عن الزواج والله ان الحياه ماتسوى بدون زوجين يحبون بعض

المتزوجين يقولون لنا الحقو عمركم وتزوجو

وانا استغرب من يسبح عكس التيار <<مدري وين سمعتها


يسلموووووو على الموضوع المثير والجريء




تقبلو مروري

إقتباس الرسالة الأصلية كتبت بواسطة طارق عن حبك مو تايب وش يعني؟ ذه الكلام للحين ما فهمت وش يقصدون به

يعني " لوطي"

واذا مافهمت وشلون بفهمك

إقتباس ههه كلااااااام مخالف للاخلاق السعوديه هههه

واحد سعودي خرج فـ الال بي سي

وقال انا متزوج ولدي ولدان ولا ازال اذهب الى عشيقي

اخواني يقولون لاتتزوج ودايم اسمعهم يقولون لي اللي يتزوج غلطااان

موضوع جميل وجري

تسلمي على الموضوع

تحياتي لك

ياســــاتر وش هذا


العزوبيه زينه ومايبيلها اثنين على واحد بس الزواج ماقدر اتفلسف بس مااتوقع انه لهدرجه من الخيانه والقلق و......
انا ماأقولك ان كل العالم سعيدين بزواجهم بس بالمقابل مو كلهم تعيسين,,
عشان كذا خن ناخذها بنظرة تفائل عشان الواحد يعيش حياته..


حبيبتي لوتغيرين كلمة مشفوحين يكون افضل

إقتباس الرسالة الأصلية كتبت بواسطة طارق عن حبك مو تايب وش يعني؟ ذه الكلام للحين ما فهمت وش يقصدون به

آوهآآآآ قل لبوك يعلمك الله يحفظك لأمك ولأبوك

وصآحب الموضوع يعني مدري وش اقول لكن .... شكراً !