نادي الهلال السعودي - شبكة الزعيم - الموقع الرسمي - أبو ماجد : سنعاقب النصر باللعب مبارتين على ارض الشباب والهدف بهدفين للي يلعب خارج أرضه

هذا الحوار يجسد واقعا ملموس وإن لم يكن حواراً حقيقيا

الصحفي المحايد : هلا بابوماجد في ضيافتي

أبو ماجد : هلا فيك

الصحفي المحايد : ليش سميت نفسك بابو ماجد

ابو ماجد : من حبي لماجد عبدالله

الصحفي المحايد: طيب لو كنت حكم وفيه اوف سائد على ماجد بتحسبه ولا .. لا

ابو ماجد : تنقص يدي ولا أحسب اوف سائد على ماجد

الصحفي المحايد : ماشاء الله المهم وينكم هاليومين مالكم حس ولاطاري

ابو ماجد : مشغولين بالهلال ونتابع جماهيره ولعيبته نبي اي حركه نصيدها عليهم نبي لو نشوف واحد يفصفص ويرمى الفصفص على راس خويه نبي نصدر فيها عقوبه بنقل مباراة للهلال خارج ارضه

الصحفي المحايد: اها طيب والعقوبات هي بس على الهلال ولا كيف

ابو ماجد : احنا نعاقب كل الأندية ماشفتنا يوم عاقبنا النصر وبعدين الغينا العقوبه

الصحفي المحايد: طيب وراكم أخرتم عقوبة على النصر لين تعدت مباراة الاتحاد

ابو ماجد : ايه هذيك الحكم نسى التقرير بسيارته وماقدمه لنا الا بعد ثمان ايام كل مارسلنا كولمي له ارسل لنا كولمي الظاهر ان الحكم ماعنده رصيد واحنا بدون رصيد انتظرنا لين شحنا جوالاتنا بعد ثمانيه ايام ودقينا على الحكم وجاب التقرير واصدرنا العقوبه على طول

الصحفي المحايد: طيب وينكم عن الليزر حق النصر

ابو ماجد : بنرسل خطاب شكر لجماهير النصر لأننا اكتشفنا انهم مايستخدمون الليزر الا اذا صارت الإضاءه ضعيفه بالملعب وبالتالي هم يساعدون في نشر الضوء في الملعب لتتضح الرؤية للاعبين في الملعب

الصحفي المحايد : طيب ماشفتم حسام غالي وهو يشوت بهوساوي ويبصق على الزوري في نهاية المباراة اللي كانت بالدوري

ابو ماجد : ايه هذي حاله طبيعيه بالنسبة للشوته فهي بسبة خالد عزيز كان مغطي المنطقة ومو مخلي احد يشوت على مرمى الدعيع فلما انتهت المباراه ماصدق على الله يلقى حاجه تنشات اما للبصق فهذي وانا اخوك بسبة ان لاعبي الهلال نشفو ريقه وهو يبي يتأكد به ريق ولا نشف كله

الصحفي المحايد: ايه هين .. طيب سمعت وش قالو جماهير النصر في مباراة الهلال والنصر الأخيره عن ياسر

ابو ماجد : لا والله ماسمعت .. هذاني توي صاحي ليه وش فيه

الصحفي المحايد: اما توك صاحي والمباراة لها اسبوع من يوم لعبوها يعني ماسمعت وش تلفظو به من الفاظ ضد ياسر

ابو ماجد : لا والله اجل بنشكل لجنه تراقب الوضع في المباراة الجاية وان طلع كلامك صح وسمعناها بأذاننا فراح نقرر نقل مباراة الشباب والنصر الى ملعب الشباب في حال تأهل النصر لتصبح المبارتين في ارض الشباب والهدف بهدفين للي يلعب خارج ارضه

الصحفي المحايد : صاحي انت ماكنك كآفات النصر خصوصا انها كلها بتلعب بملعب واحد وبعدين ماراح يتأهلون وش بتسوون ان ماتأهلو

ابو ماجد : اذا ماتأهلو عفا الله عما سلف خلاص خرجوا من البطولة كيف نعاقب فريق خرج من البطوله

الصحفي المحايد: يالله يالله انقلع بس والله انك داج وماعندك احد