|
ياجمـاعـة الخيـر وش جـاكم علـى عبدالـرحـمن بن مسـاعد ؟؟ حيــــــــاكم ياجماعة الخير اذكروا الله :bigeek: وراكم شابّين على الرجّال ؟؟ وش تبونه يسوّي ؟؟ اشوف فيه ناس تنتقد الادارة بعقل... وناس تدرعم وهي ماتعرف الكوع من الكرسوع :to: قسم بالله قمت اتحلّم بكلمة : ذبحتنا مثاليتك يابن مساعد :to: السؤال العريض : وش تبونه يسوّي ؟؟؟؟؟ يشتكي على جماهير الاتحاد والنصر ؟؟ طيب حلو.... حلو كتييييييييييييييير :clapping: بس عند مين يشتكي ؟؟ وين تبونه يروح ؟؟ عسى فيصل عبدالهادي افندي :to: خبري به الى الحين يصيح على هدف التسلل حق طلال المشعل :cry: والا تبونه يروح للراس الكبيره ؟؟ قال ياشريم انفخ... قال مامن برطم :to: والا سمو النائب المؤهل والكفء ؟؟ ما اخس من قديد الا عسيفان :to: ياجماعة الخيررررررررر والله العظيم لو كان فيصل الله يرحمه موجود... كان اقول معكم حق :yes: لكن بوجود عوير وزوير والمنكسر اللي مابه خير... وش ترتجون :no: ناس قبل كم يوم قاشعين مدرّبك مع سبق الاصرار والترصد ويتصيّدون عليك الزلات من أضيق المساحات ولو تقول ( آ ) صكّوك بقرار انضباط قبل ان يرتد اليك طرفك ويضرسون عليك وعلى لاعبينك وجماهيرك وماعندهم فيك وش تنتظرون منهم غير كذا ؟؟؟ طيب افرضوا طلع الرئيس عن طوره وخلع رداء المثالية وقام يهايط بالفضائيات تبي ترجع حقوقكم كذا ؟؟ تبونه ينزل بمستواه لعقلية ابوعلك وابومكياج ؟؟ خوذوها مني ياحبايب قلبي اميرنا ابخص بالوضع اللي حوله وعارف انه لو يشكي من اليوم الى يوم الدين ماحوله احد علشان كذا هو حافظ كرامته وساكت :yes: ياجماعة الخير الرجّال مهوب ناقص تهبيط همّه ابوه وابونا كلنا مريض ونسأل الله له العافيه والمعافاة الدائمة ونائبه مشغول بعلاج ولده الله يرفع عنه الباس ويرجعون بالسلامة وتصريحه عن عقاب ياسر صدقوني هو ابخص :yes: وش يضمن لكم مايصدرون بكرى قرار بإيقافه اربع شهور او ست ؟؟ نسيتوا ايقاف الجمعان في ايران ؟؟ ابوفيصل حكيم وقاصد انه يعطيهم على قد عقولهم وبعدين حنا امرنا عجيب يالجماهير اذا هو طالبنا بالحضور والمؤازرة... خذلناه :no: ونجي بعدين بكل اريحية وننتقد عمله :confusedw: سبحانك اللهم وبحمدك ... اشهد ان لا اله الا انت ... استغفرك واتوب اليك |
صح لسانك ملايييين يالصخره و الله انك قلت اللي ابي اقوله فعلاً وش يسوي يقعد يهايط مثل المهايطيه لا و الله ما نرضاها بالعكس الصمت حكمه و بكره تشوفون |
كلامك صحيح يالصخره .. ابو خطط مهروسه لو إنه قد المسؤوليه والأمانه كان اتخذ قرار من نفسه بدون شكوى.. وبالنسبه لنا ماعاد ينفع مثاليه ولا أدب مع هالاشكال.. حقنا لازم نآخذه بأيدينا وجنت على نفسها براقش.. لاعب يسمع ضده صيحات استهزاء واهازيج منظمه 3 مبارايات متتالية ومصيرية ماذا عساه ان يفعل؟؟!! ووصلت خارجياً وايضاً في الالعاب المختلفه كما شاهدنا في نهائي الطائره عندما نهق الطحالب ضد ياسر .. الله ينصرك يا ياسر وعزاؤنا أنك نجم وباستطاعتك أن تخرسهم بقدمك.. |
الله عليك يالصخرة لو واحد غير أبو فيصل يمر بهالظروف اللي يمر فيها كان قدم استقالته مدربه مطرود من رأس الهرم بدون سبب مقنع للطرد والده شفاه الله مريض وماخرج من المستشفى الا قبل كم يوم نائبه الخبير الاداري الامير نواف بن سعد من ابنه سعد شفاه الله في امريكا للعلاج أبو فيصل لوحده يصارع الامواج والرياح ومازال يسير بالسفينة بـ كل قدرة و عقلانية ياناس لو تدورون بالدنيا كلها ماراح تلقون أحسن من ان يكون الأمير عبدالرحمن والامير نواف على رأس الادراة أبو فيصل .. كلنا معك .. سو اللي تشوفه عين الصواب |
إقتباس:
مدري صراحه وش يبونه يسوي... الله يكون بعونه بس :no: |
إقتباس:
ابواخلاق سعودية سامع وشايف وعارف كل شي... لكن اخلاقه السعودية تختفي وقت اللزوم :no: وش نرتجي منه ؟؟؟؟؟؟؟!!!!!!!!! دوك --> :rose: |
صح لسانك وماقصرت وبعدين حنا امرنا عجيب يالجماهير اذا هو طالبنا بالحضور والمؤازرة... خذلناه :no: ونجي بعدين بكل اريحية وننتقد عمله :confusedw: سبحانك اللهم وبحمدك ... اشهد ان لا اله الا انت ... استغفرك واتوب اليك |
تحياتي يا زعيم المنتدى :rose::smilie47: أقولهم ..وش الفايدة نتكلم ..ونقول للرئيس قل كذا وكذا وهو أصلاً ما عندك أحد من هذا الإتحاد الذي إفتقد للأمانة والذي ينظر بعينين على نادي معين ..والآخر يفعل ما يريد ولآيعاقب والمثل الذي يقول ..إذا كان خصمك القاضي فمن تقاضي!! |
صــــــــح لسانك يالصخره ,,, والله ذيب كلامك عين العقل ,,, ابو فيصل هو قدها |
نبي منه شي واحد يدافع عن نجومنا ونادينا صعبه عليه؟ يااخي احس انه جالس يساعد الانديه الثانيه امس بدال مايدافع عن ياسر جالس يقول بعاقبه درينا انك شديد بس ياليت شديد على اعداء الهلال مو حليم عليهم يرحم والديك هذي اخر سنه لك فكنااا ذبحت الجمهوور بتصرفاتك وبنتهي لاعبينا واحد ورا الثاني |
لا ياخي مانبيه الا بس ياخذ حق الهلال اجل انت عاجبك كل مباراة جمهور مايسوى يجي ويغلط ويقذف ياسر ونسكت وين لجنة الانضباط على الاقل يتكلم بالامر هذا عشان نوقفهم عند حدهم ... |
مشكور يالصخرة وانت صادق والله في ناس غريبة تتدخل في اعمال غيرها وهي اعمالها ماافلحت فيها بالتوفيق لزعيمنا في كل كان وزمن |
صدقـــت والله بالعكس الامير عبدالرحمن يقدم مجهوود اكثر من رائع لخدمه الهـلال وياليت نكــون واقفين معه ونحضر المباراه يوم الاحــــــد قدام النصر لان هالشيء الوحيد اللي نقدر نقدمه له |
هلا وغلا بالصخرهـ المساله تسجيل موقف على الاقل لاكن ان نقف دون ابداء راي او تسجيل موقف فهي ليست لنا هل السكوت اتى بنتائج لا طيب نجرب الطريقه الثانيه لعل وعسى شاكر لك طرحك |
اخوي بمثليته يظلمنآآ والله طيب وش المآآآنع انــه يروح ويطــلب منهمــ انه ياخذون موقف طيب ليش ما يتكلم ويشتكي للاتحاد الاسيوي في اللي صدر امس من الجماهير من رمي علب مويه والجزم واهازيج ليش ما يطلب هذآآ حقنآآ يعني تبي يآآسر تنبط كبده لين يقول امين ترى هذي كرآآمه وانآآ اخوك على حسآآب هالاتحآآد لا يا حبيبي يآآسر ترى تحمل بما فيه الكفايه |
| الوقت المعتمد في المنتدى بتوقيت جرينتش +3.
الوقت الان » 06:47 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd