|
الحمد لله الفريق تأهل للدور الثاني و الطرد لم يؤثر على الفريق في المباراة لأنه كان بالوقت الضائع و يعطيك العاااافية يا ياسر اللي تحملت كل السب و الهتافات البذيئة من الجماهير و اللاعبين اللي المفروض يعترف بالخطاء جمهور الزعيم اللي بالرياض اللي جالسين بالملعب و ساكتين على الغلط على ياااااسر جمهووووورنا فاشل أكثر ما يفكر فيه فصفص و سواليف جمهور الفقر كلهم نفرين و سكتوكم و أتمنى نشوف ردكم عليهم المباراة الجااااية كاتب الموضوع أخطئت بحق ياااااسر و الله يسامحك |
ياسر اخطأ وأعتذر وعاقبته الاداره على مافعل وش تبون بعد ؟؟؟؟؟؟ تبونه يوقفونه عن مباراة النصر القادمه يعني لاتستحون قولوها .......... يدآ بيد مع ياســـــــــــــــــــــــــــــــــر |
ياسر انت لاعب كبير ولكن كان عليك ان تتحسب الأمور لان الزعيم محتاج لي لاعب في الهجوم في مباره صبا بتري وفي كل المباريات انا ماقلل من قيمه العنبر والصويلح ولكن انت لاعب فذ محتاجه الزعيم في كل مباره ونحن الهلال يجب علينا الفوز المباره القادمه قدام صبا بتري فيكون عليك ان تحسب الأمور كلها ياحبيبي يا ياسر |
ياسر يقابل بحملة شعواء ضده ... ونفسيته اقسم بالله انها تعبانة .. لذلك عمل هالشيء واخطأ لا مقارنة مع ماحدث في مباراة كأس اسيا ضد العراق ومباراة الامس .. لكـن ياسر في مباراة العراق لم يكن يواجه حملة بذيئة سخيفة تافهة همها النيل من نجاحه .. |
اذا لم يتخذ الاتحاد السعودي خلال اليومين اي اجراء لهذا الموضوع والا ارى ان يتم التكاتف لاطلاق حملة تحت مسمى ( لا للعنصريه والالفاظ النابيه في الرياضه )</B> ويتم الرفع بها للاتحاد الاسيوي واعتقد ان ابن همام بيفرح لهذه الحملة خصوصا هذه الايام وافهم يافهيم |
السلام عليكم ورحمة الله وبركآته قبله خآلد عزيز اخطآ وقومتوآ الدنيآ فوق رآسه الحين عشآن يآسر لا يآسر لاعب كبير ومآيستآهل ...!!!! خلوآ عنكم الدلع الزآيد..!! لازم يحآسبونه زيه زي غيره |
أقول ريحنا انت وموضوعك اللي مادري وش يبي لاعب يتعرض لضغووط كبييرة لو واحد غيره كان اعتزل والله كبييييييييييير يايااسر تحياتي..,,,.. |
لاتعلـــــــيق................ |
ياسر أخطأ امس و على الإدارة محاسبته .. مهما كانت الاستفزازات المفروض يقدر الوضع .. لكن حصل الحاصل والشكوى لله .. |
أخطأ وأخذ عقابه وانتهى الأمر |
هذي حــــآآآآآآآل الكرهـ...ولماذا ياسر اخطأ لان الحكـم وجماعة السركآآل الى الآلآن يمارسووون الظلم للهلال والمنتخب خصوصاً ذولا الاثنين هم اللي نرا فيهم الظلم الواضــح |
بكره يجيك المدرب ويمنعه عن مبراة النصر ويقول امر فني اتمنى من ادارة الهلال انه تمنع المدرب اذا سواه ادخلوا منتدى الفقر وشوفوا وش يكتبون ايه حنا السبب في طرد ياسر ولازم اذا لمس الكوره يقولون ياسر وينه ..........في مرمى راضي هههههههههه اتمنى من المدرب والاداره انه مايوقفون ياسر وشكرا |
إقتباس:
ياسر تطور مستواه في الهلال بشكل غير طبيعي -عن ايام القادسية لم تمر مباراة إلا ويسجل او يصنع تمريرة هدف او بلنتي-يا مندس انا ضد الجميع ياسر لم يخطئ ياسر يحاول الدفاع عن نفسه وكرامته--من الجمهور غير الاخلاقي-لانه لم يجد الحماية من رئيس النادي -وإلا لماذا لم يقدم شكوى لجمهور الاتشاد والفقر --على ما فعلوه في المباريات السابقة- لابد من حمااااااااااااااية ياسر --اللي يحصل لياسر مو قليل |
ياسر اخطاء ولكن الي يتعرض له ياسر كفيل بلنه يخرج عن طوره ياناس لا تحملونه الخطاء رجل يتهم بعرضه وتبونه يصبر الى متى ردة فعل ياسر طبيعيه جدااا ولو لاعب غيره مدري وش كان صار فيه آآآآآآآآآآآآآآآه يالقهر نادي الفقر نقل الشائعه لمنتديات الاهلي الاماراتي عشان يرددونها في المباراه ياسر الله يلوم من يلووومك ياسر انت اكبر منهم |
ياسر اخطئ لانه بشر خانه تفكير اللحظه انت وغيرك واي اعلامي لام ياسر ما ادري كيف يقيمون الموضوع لو امسك في عرضك وش بترد علي بتجيب لي مويا من بره وتطبطب علي و تقولي خذ راحتك .........! الاعلام الاوربي و الفرنسي انصف زيدان لانه انتصر لكرامته وهم اللي ما يعرفون وش كرامه وش غيره حتى لو كانت الضريبة كاس العالم و لنسلم ان ياسر اخطئ يعاقب اوكي طيب اللي سبوا و شتموا ياسر سواء كان جمهور ولا لاعب ولا اعلامي ما يعاقبون انا اشوف ردة فعل ياسر طبيعيه جدا و جات في وقتها علشان تدري الاداره ياسر مو نخله لو تهزها ليل نهار ما تهتز ياسر من دم ولحم و احساس لازم الاداره تتحرك بعدين انا ما ني مستوعب الاداره الهلاليه قاعده في الملعب وتسمع و لا تتحرك وحده من الثنتين يانها مستانسه على اللي يصير ولا خايفه تفتح الموضوع ياخي انا اذا كنت العب في الحاره وسمعت واحد يتكلم على واحد من فريقنا ما اعرفه يرتفع ظغطي طيب ما بالك انا في نادي والعالم تتكلم على زميلي و احنا مهزومين كيف بيكون مردودي ياسر ملام والاداره ملامه تقبل مروري و شاكرلك على الموضوع انا قليل المشاركات واحاول اذا شاركت اني اصفف كلامي واكتب باللغة الفصحى بس من القهر كتبت كلام من قليبي |
| الوقت المعتمد في المنتدى بتوقيت جرينتش +3.
الوقت الان » 03:33 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd